គោលនយោបាយ -ការរស់នៅ គោលនយោបាយ

26/08/2026 - 21:36

បង្កឱកាសការងារធ្វើ បើកទិសដៅរកស៊ីចិញ្ចឹមជីវិតប្រកបដោយចីរភាព

ការបង្កការងារធ្វើ និងលើកកម្ពស់ប្រាក់ចំណូល មិនត្រឹមតែរួមចំណែកកែលម្អជីវភាពរស់នៅប៉ុណ្ណោះទេ ថែមទាំងបង្ក កម្លាំងចលករឱ្យប្រជាជនខិតខំប្រឹងប្រែងដើម្បីចាក់ភាពក្រីក្រប្រកបដោយចីរភាព។ ជាមួយនឹងទិសដៅនោះ ឃុំថាញ់ថើយអាង ទីក្រុងកឹងធើ បានជំរុញខ្លាំងការពិគ្រោះ ឧទ្ទេសនាមការងារធ្វើ បណ្តុះបណ្តាលមុខរបរ តភ្ជាប់ទំនាក់ទំនងពលករជាមួយអាជីវកម្ម តាមរយៈនោះ បើកចេញទិសដៅសមស្របជាច្រើនសម្រាប់ប្រជាជននៅតំបន់ជនជាតិភាគតិច។

កិច្ចដោះដូរការងារបង្កទំនាក់ទំនងរវាងពលករជាមួយអាជីវកម្ម និងមូលដ្ឋាន
អប់រំវិជ្ជាជីវៈ។

ថាញ់ថើយអាង ជាភូមិភាគមួយនៅតំបន់ជនបទ តំបន់ជនជាតិភាគតិច ដែលមានប្រជាជនជាង ២៩.៣០០ នាក់ ក្នុងនោះជនរួមជាតិខ្មែរមានប្រមាណ ២៤,៨២%។ សេដ្ឋកិច្ចភូមិភាគ ភាគច្រើនផ្អែកលើការផលិតកសិកម្ម ជាមួយមុខរបរធ្វើស្រែ ដំណាំហូបផ្លែ និងការចិញ្ចឹមជលផល។ ទន្ទឹមនឹងការអភិវឌ្ឍផលិត ដោះស្រាយការងារធ្វើ និងបណ្តុះបណ្តាលវិជ្ជាជីវៈជូនពលករ ត្រូវបានកំណត់ជាដំណោះស្រាយសំខាន់ ដើម្បីធ្វើឱ្យសម្បូរបែបមុខរបរ រកស៊ីចិញ្ចឹមជីវិតបង្កើនប្រាក់ចំណូល និងបង្កលក្ខណៈឱ្យប្រជាជនលំនឹងជីវភាព។

ថ្មីៗនេះ គណៈកម្មាធិការប្រជាជនឃុំថាញ់ថើយអាង បានចាត់តាំង កិច្ចដោះដូរការងារនិងពិគ្រោះរៀនវិជ្ជាជីវៈ ឆ្នាំ ២០២៦ ដើម្បីអនុវត្តភារកិច្ចនិងដំណោះស្រាយអភិវឌ្ឍន៍សេដ្ឋកិច្ច-សង្គម ឆ្នាំ ២០២៦ ព្រមទាំងរួមចំណែកអនុវត្តប្រកបដោយប្រសិទ្ធភាពនូវបណ្តាកម្មវិធីទិសដៅជាតិដំណាក់កាល ២០២៦-២០៣០។ តាមផែនការ ភូមិភាគចាត់តាំង ២ លើក កិច្ចដោះដូរការងារនិងពិគ្រោះរៀនវិជ្ជាជីវៈ ទាក់ទាញពលករជិត ២០០ នាក់ចូលរួម។ នេះជាឱកាសដើម្បីពលករទទួលបានព័ត៌មានពីទីផ្សារពលកម្ម តម្រូវការជ្រើសរើសពលករក្នុងប្រទេស មានឱកាសទៅធ្វើការមានរយៈពេលកំណត់នៅបរទេសតាមកិច្ចសន្យា កម្មវិធីជ្រើសរើស បណ្តុះបណ្តាលវិជ្ជាជីវៈនិងគោលនយោបាយឧបត្ថម្ភពាក់ព័ន្ធការងារនិងរៀនវិជ្ជាជីវៈ។

ជាពិសេស ការចូលរួមកិច្ចដោះដូរមានបណ្តាអង្គភាព អាជីវកម្ម និងមូលដ្ឋានពិគ្រោះ ជួយឧបត្ថម្ភដល់ពលករ ដូច៖ សាលាអនុមហាវិទ្យាល័យវិជ្ជាជីវៈសុកត្រាំង មជ្ឈមណ្ឌលសេវាកម្មការងារទីក្រុងកឹងធើ ការិយាល័យធនាគារគោលនយោបាយសង្គមត្រឹងដេ ព្រមទាំងអាជីវកម្មមានតម្រូវការជ្រើសរើសពលករនៅក្នុងនិងក្រៅប្រទេស។ នៅក្នុងកម្មវិធី ពលករបានណែនាំអំពីតម្រូវការជ្រើសរើសរបស់អាជីវកម្ម ព័ត៌មានពីទីផ្សារពលកម្ម ឱកាសស្វែងរកការងារនៅក្នុងនិងក្រៅប្រទេស ក៏ដូចជាកម្មវិធីបណ្តុះបណ្តាលវិជ្ជាជីវៈ។ តំណាងបណ្តាអង្គភាពក៏បានពិគ្រោះដោយផ្ទាល់អំពីលក្ខណៈជ្រើសរើស ជំនាញសមស្រប គោលនយោបាយឧបត្ថម្ភការងារ រៀនវិជ្ជាជីវៈ និងឆ្លើយបំភ្លឺនូវចម្ងល់ផ្សេងៗរបស់ពលករ។

តាមរយៈកិច្ចដោះដូរការងារ ពលករក៏បានណែនាំឱ្យចុះឈ្មោះរកការងារ រៀនវិជ្ជាជីវៈនិងចូលរួមកម្មវិធីទៅធ្វើការងារមានរយៈពេលកំណត់នៅបរទេសតាមកិច្ចសន្យា។ ការផ្តល់ព័ត៌មានគ្រប់សព្វនិងច្បាស់លាស់ ជួយឱ្យពលករម្ចាស់ការគិតគូរមត់ចត់ ជ្រើសរើសការងារសមស្របនឹងសមត្ថភាព ចំណង់ចំណូលចិត្ត លក្ខណៈគ្រួសារ និងតម្រូវការនៃទីផ្សារពលកម្ម ព្រមទាំងរួមចំណែកកាត់បន្ថយហានិភ័យក្នុងដំណើរការស្វែងរកការងារ។

ពលករប្តូរយោបល់ដោយផ្ទាល់ជាមួយអាជីវកម្ម។

លោកត្រឹងវ៉ាច់ថាយ នៅភូមិអាងហ្វា ២ ឃុំថាញ់ថើយអាង បានឱ្យដឹង៖ “កាលពីមុន ការស្វែងរកព័ត៌មានជ្រើសរើសពលកររបស់អាជីវកម្មសម្រាប់អ្នកពលករនៅភូមិភាគនៅមានកម្រិត។ ដូច្នេះ ការចាត់តាំងកិច្ចដោះដូរការងារនៅឃុំ បានជួយឱ្យបងប្អូននិងពលករជាច្រើនទៀតមានលក្ខណៈជួបប្រាស្រ័យផ្ទាល់ជាមួយអាជីវកម្ម យល់ដឹងច្បាស់ជាងអំពីការងារ និងប្រាក់ចំណូល ក៏ដូចជាតម្រូវការជ្រើសរើស”។

តាមប្រសាសន៍ លោកកាវមិញតឹង ប្រធានគណៈកម្មាធិការប្រជាជនឃុំថាញ់ថើយអាង នាពេលកន្លង ភូមិភាគតែងយកចិត្តទុកដាក់ដល់ការងារពិគ្រោះ ឧទ្ទេសនាមការងារធ្វើ បណ្តុះបណ្តាលវិជ្ជាជីវៈ ឃើញថា នេះជាដំណោះស្រាយដ៏សំខាន់មួយដើម្បីបង្កើនប្រាក់ចំណូល កែលម្អជីវភាពប្រជាជន និងអនុវត្តទិសដៅកាត់បន្ថយភាពក្រីក្រប្រកបដោយចីរភាព។ កិច្ចដោះដូរការងារធ្វើ និងពិគ្រោះរៀនវិជ្ជាជីវៈ ឆ្នាំ ២០២៦ មិនត្រឹមតែជួយពលករទទួលបានព័ត៌មានជ្រើសរើសប៉ុណ្ណោះទេ ថែមទាំងបង្កជាស្ពានតភ្ជាប់រវាងប្រជាជនជាមួយអាជីវកម្ម មូលដ្ឋានអប់រំវិជ្ជាជីវៈ និងបណ្តាអង្គភាពពាក់ព័ន្ធ។ ឆ្លងតាមរយៈនោះ ពលករមានឱកាសបន្ថែមក្នុងការជ្រើសរើសការងារសមស្របនឹងសមត្ថភាព ចំណង់ចំណូលចិត្ត និងលក្ខណៈគ្រួសារ។

នាពេលខាងមុខ ឃុំថាញ់ថើយអាង នឹងបន្តជំរុញការឃោសនា ចលនាប្រជាជនឱ្យចូលរួមសកម្មភាពពិគ្រោះ ឧទ្ទេសនាមការងារធ្វើ និងរៀនវិជ្ជាជីវៈ ដោយយកចិត្តទុកដាក់លើពលករមានគ្រួសារក្រីក្រ គ្រួសារក្បែរក្រ គ្រួសារទើបចាកភាពក្រីក្រ និងយុវជនដែលមានតម្រូវការស្វែងរកការងារ។ ទន្ទឹមនឹងនោះ ភូមិភាគបង្កើនទំនាក់ទំនងជាមួយអាជីវកម្មដែលមានតម្រូវការជ្រើសរើស និងបណ្តាមូលដ្ឋានអប់រំវិជ្ជាជីវៈ ដើម្បីពង្រីកឱកាសជូនប្រជាជន។

ដោយការយកចិត្តទុកដាក់របស់គ្រប់ថ្នាក់ គ្រប់ផ្នែក និងការរួមដំណើរ របស់អាជីវកម្ម មូលដ្ឋានអប់រំវិជ្ជាជីវៈ ព្រមទាំងស្មារតីម្ចាស់ការរបស់ពលករ ការងារពិគ្រោះ ឧទ្ទេសនាមការងារធ្វើ និងបណ្តុះបណ្តាលវិជ្ជាជីវៈនៅថាញ់ថើយអាង នឹងបន្តបានជំរុញខ្លាំង។ តាមរយៈនោះ រួមចំណែកបើកទូលាយឱកាសរកការងារ បង្កើនប្រាក់ចំណូល កែលម្អជីវភាព និងអនុវត្តប្រកបដោយប្រសិទ្ធភាពនូវទិសដៅកាត់បន្ថយភាពក្រីក្រប្រកបដោយចីរភាពនៅលើភូមិឋាន៕

ហុងទើ-ត្រឹងរ៉ូន

ចែករំលែកអត្ថបទ

ពាក្យគន្លឹះ