ព្រឹត្តិការណ៍ - នយោបាយ ព្រឹត្តិការណ៍

03/06/2026 - 19:45

មហាសន្និបាតសហជីពវៀតណាមលើកទី១៤ ប្រព្រឹត្តទៅជាផ្លូវការចាប់ពីថ្ងៃនេះ

ចាប់ពីថ្ងៃទី៣ដល់ថ្ងៃទី៥ ខែមិថុនា មហាសន្និបាតសហជីពវៀតណាមលើកទី១៤បានប្រព្រឹត្តទៅជាផ្លូវការ ដោយមានអ្នកតំណាងចូលរួម៧៨០នាក់ ផ្តោតទៅលើការដោះស្រាយបញ្ហាសំខាន់ៗ អំពីសិទ្ធប្រយោជន៍របស់កម្មករនិយោជិតនិងកំណត់ទិសដៅអភិវឌ្ឍន៍សម្រាប់រយៈពេល៥ឆ្នាំខាងមុខ។

មហាសន្និបាតសហជីពវៀតណាមលើកទី១៤ នឹងពិនិត្យធ្វើវិសោធនកម្មលក្ខន្តិកៈសហជីពវៀតណាម និងបោះឆ្នោតជ្រើសរើសគណៈប្រតិបត្តិការនៃអគ្គសម្ព័ន្ធសហជីពកម្មករវៀតណាម នីតិកាលទី១៤ ដើម្បីដឹកនាំចលនាកម្មករក្នុងដំណាក់កាលថ្មី។

នៅថ្ងៃទី៣ ខែមិថុនា មហាសន្និបាតសហជីពវៀតណាមលើកទី១៤ អាណត្តិកាល២០២៦-២០៣១ នឹងប្រព្រឹត្តទៅជាផ្លូវការនៅមជ្ឈមណ្ឌលសន្និសីទជាតិ(ហាណូយ) មហាសន្និបាតនឹងប្រព្រឹត្តទៅចាប់ពីថ្ងៃទី៣ដល់ថ្ងៃទី៥ ខែមិថុនា ឆ្នាំ២០២៦។ ជាមួយទិសស្លោក “សាមគ្គី ប្រជាធិបតេយ្យ ក្រឹត្យក្រម ផ្លាស់ថ្មី អភិវឌ្ឍន៍” ព្រឹត្តិការណ៍នេះបានប្រមូលផ្តុំអ្នកតំណាងឆ្នើម៧៨០នាក់ ពាំនាំនូវឆន្ទៈ បំណងប្រាថ្នានិងគំនិតប្រាជ្ញារបស់សមាជិកសហជីពជិត១០លាននាក់លើទូទាំងប្រទេស។

កសាងសហជីពរឹងមាំ អនុវត្តបំណងប្រាថ្នាសម្បូររុងរឿង

មហាសន្និបាតសហជីពវៀតណាមលើកទី១៤ គឺជាព្រឹត្តិការណ៍នយោបាយដ៏សំខាន់បំផុតនៃវណ្ណៈកម្មករនិងអង្គការសហជីពវៀតណាម។ អ្នកតំណាងចូលរួមទាំង៧៨០នាក់ គឺជាកម្មាភិបាលសហជីពនិងសមាជិកសម្ព័ន្ធគំរូឆ្នើម ដែលតំណាងឱ្យមុខរបរ វិស័យ ភូមិភាគនិងអង្គភាពក្នុងទូទាំងប្រទេស។

ប្រធានបទសំខាន់នៃមហាសន្នបាតលើកនេះ គឺកសាងសហជីពវៀតណាមរឹងមាំលើគ្រប់ជ្រុងជ្រោយ; ផ្តោតលើការតំណាង គិតអានថែទាំ ការពារសមាជិកសហជីពនិងកម្មករនិយោជិត; ពង្រីកតួនាទីឈានមុខ ស្មារតីផ្លាស់ថ្មីច្នៃប្រតិដ្ឋ រួមចំណែកអនុវត្តបំណងប្រាថ្នាកសាងប្រទេសជាតិរឹងមាំ សម្បូររុងរឿង ស៊ីវិល័យ សុភមង្គល។

ក្នុងក្របខ័ណ្ឌនៃមហាសន្និបាត អ្នកតំណាងទាំងឡាយនឹងផ្តោតលើការបូកសរុប វាយតម្លៃលទ្ធផលនៃការអនុវត្តសេចក្តីសម្រេចមហាសន្និបាតលើកទី១៣នៃសហជីពវៀតណាម; ត្រួតពិនិត្យសកម្មភាពរបស់គណៈប្រតិបត្តិការ នីតិកាលទី១៣; ព្រមទាំងកំណត់គោលដៅ ភារកិច្ចនិងភាពលោតផ្លោះ ក្នុងអាណត្តិកាល ២០២៦-២០៣១។ មហាសន្និបាតក៏បានពិនិត្យធ្វើវិសោធនកម្មលក្ខន្តិកៈសហជីពវៀតណាមនិងការបោះឆ្នោតជ្រើសរើសគណៈប្រតិបត្តិការអគ្គសម្ព័ន្ធសហជីពកម្មករវៀតណាម នីតិកាលទី១៤ ដើម្បីដឹកនាំចលនាកម្មករក្នុងដំណាក់កាលថ្មី។

កាលវិភាគធ្វើការជាបន្ទាន់ វិទ្យាសាស្ត្រ ជាមួយចំណុចលេចធ្លោជាច្រើន

រយៈពេល៣ថ្ងៃធ្វើការជាផ្លូវការរបស់មហាសន្និបាត(ចាប់ពីថ្ងៃទី៣ ខែមិថុនា ដល់ថ្ងៃទី៦មិថុនា) ត្រូវបានរៀបចំឡើងជាមួយកាលវិភាគយ៉ាងប្រញាប់ប្រញាល់ ដោយមានការផ្លាស់ប្តូរគ្នារវាងសម័យប្រជុំពេញអង្គនិងការពិភាក្សាស៊ីជម្រៅ។

ផ្តើមថ្ងៃធ្វើការទីមួយ(ថ្ងៃទី៣ ខែមិថុនា) គណៈអធិបតីនិងអ្នកតំណាងទាំងអស់ បានចូលរួមគោរពវិញ្ញាណក្ខន្ធលោកប្រធានហូជីមិញ និងអុជធូបដាក់កម្រងផ្កានៅស្តូបយុទ្ធជនពលីបាក់ស៊ើង។ បន្ទាប់មក មហាសន្និបាតដំណើរការសម័យប្រជុំលើកទីមួយ ដើម្បីបោះឆ្នោតជ្រើសរើសស្ថាប័នប្រតិបត្តិការ ប្រកាសលក្ខន្តិកៈនិងស្តាប់រាយការណ៍ជាទូទៅនៃរបាយការណ៍នយោបាយ។

ចំណុចលេចធ្លោនៃថ្ងៃធ្វើការនេះ គឺស្ថិតនៅពេលរសៀល ពេលអ្នកតំណាងទាំង៧៨០នាក់ ត្រូវបែងជា៥មជ្ឈមណ្ឌល ដើម្បីពិភាក្សាស៊ីជម្រៅអំពីប្រធានបទសំខាន់ៗ ការពារសិទ្ធិស្របច្បាប់ សមហេតុរបស់កម្មករនិយោជិត ពង្រីកសមាជិកសម្ព័ន្ធ បង្កើតសហជីពមូលដ្ឋាននិងចូលរួមពង្រីកបក្ខជន; ផ្លាស់ថ្មីហិរញ្ញវត្ថុសហជីព គិតគូរសុខុមាលភាពសង្គម; ផ្លាស់ថ្មីការងារផ្សព្វផ្សាយ ចលនានិងការងារកិច្ចការនារី ផ្សព្វផ្សាយចលនាប្រឡងប្រណាំង “ពលកម្មពូកែ ទិន្នផលខ្ពស់ ចំណូលល្អ” រួមចំណែកអនុវត្តគោលដៅកំណើនពីរខ្ទង់លេខ។

ថ្ងៃធ្វើការនៅថ្ងៃទីពីរ (ថ្ងៃទី៤ ខែមិថុនា) សម័យប្រជុំនៃមហាសន្និបាត បានផ្សាយបន្តផ្ទាល់លើប៉ុស្តិ៍ទូរទស្សន៍វៀតណាម។ នៅក្នុងសម័យប្រជុំនេះ មហាសន្និបាតនឹងមានកិត្តិយសបានទទួលស្វាគមន៍និងស្តាប់ការថ្លែងចង្អុលការរបស់បណ្តាសមមិត្តថ្នាក់ដឹកនាំបក្ស រដ្ឋ។ មហាសន្និបាតក៏បានស្តាប់របាយការណ៍បូកសរុបការផ្តល់មតិរបស់សមាជិកសម្ព័ន្ធ កម្មករនិយោជិត ផ្ញើជូនបក្សនិងរដ្ឋ។

រសៀលថ្ងៃទី៤ ខែមិថុនាមហាសន្និបាតនឹងឈានចូលសម័យប្រជុំលើកទីបួន ជាមួយខ្លឹមសារដ៏សំខាន់ គឺការងារបុគ្គលិក។ អ្នកតំណាងទាំងឡាយនឹងធ្វើការពិភាក្សា អនុម័តលើបញ្ជីឈ្មោះ និងធ្វើការបោះឆ្នោតជ្រើសរើសគណៈប្រតិបត្តិការអគ្គសម្ព័ន្ធសហជីពកម្មករវៀតណាម នីតិកាលទី១៤។ នៅពេលរសៀល កិច្ចប្រជុំលើកទីមួយនៃគណៈប្រតិបត្តិការនីតិកាលថ្មីត្រូវបានកោះប្រជុំ។

ថ្ងៃធ្វើការនៅថ្ងៃទីបី (ថ្ងៃទី៥ ខែមិថុនា) មុនពេលចូលដល់នីតិវិធីបិទមហាសន្និបាត នាយករដ្ឋមន្ត្រីនៃរដ្ឋាភិបាល នឹងធ្វើកិច្ចសន្ទនាជាមួយអ្នកតំណាង។ ប្រធានបទនៃកិច្ចសន្ទនានោះគឺ “សហជីពវៀតណាមរួមដំណើរជាមួយរដ្ឋាភិបាលក្នុងការលើកកម្ពស់ទិន្នផលពលកម្ម អនុវត្តគោលដៅកំណើនពីរខ្ទង់លេខ”។

បន្ទាប់មក គណៈប្រតិបត្តិការអគ្គសម្ព័ន្ធសហជីព នីតិកាលទី១៤ នឹងបង្ហាញមុខជាផ្លូវការចំពោះមុខមហាសន្និបាត និងទទួលបាច់ផ្កាអបអរសាទរពីនាយករដ្ឋមន្ត្រីនៃរដ្ឋាភិបាល។ មហាសន្និបាតនឹងដំណើរការអនុម័តសេចក្តីសម្រេចនៃមហាសន្និបាត បិទមហាសន្និបាតនិងចាត់តាំងសន្និសីទសារព័ត៌មាន ដើម្បីផ្តល់ព័ត៌មានអំពីលទ្ធផលនៃមហាសន្និបាតនៅថ្ងៃត្រង់នោះតែម្តង។

ជាមួយខ្លឹមសារជាក់ស្តែងនិងស្មារតីផ្លាស់ថ្មីដ៏ខ្លាំងក្លា មហាសន្និបាតសហជីពវៀតណាមលើកទី១៤ ត្រូវបានរំពឹងថា នឹងបង្កជាចំណុចរបត់ដ៏ធំធេង ជំរុញចលនាកម្មករនិងសកម្មភាពសហជីពរបស់ប្រទេសជាតិឈានចូលដំណាក់កាលអភិវឌ្ឍថ្មី ឆ្លើយតបទៅនឹងតម្រូវការនៃសម័យកាលសមាហរណកម្ម និងការអភិវឌ្ឍប្រទេសជាតិ៕

ប្រភព÷ Vietnam+ - មុនី

ចែករំលែកអត្ថបទ

ពាក្យគន្លឹះ