គោលនយោបាយ -ការរស់នៅ ច្បាប់

04/06/2026 - 06:36

សម្រេចជាផ្លូវការអំពីការដំឡើងប្រាក់សោធននិវត្តន៍និងប្រាក់ឧបត្ថម្ភ ចាប់ពីថ្ងៃទី១ ខែកក្កដា

ចាប់ពីថ្ងៃទី១ ខែកក្កដា ឆ្នាំ២០២៦ កម្រិតប្រាក់សោធននិវត្តន៍និងប្រាក់ឧបត្ថម្ភធានារ៉ាប់រងសង្គម នឹងដំឡើងបន្ថែម ៨%។ ពិសេស រដ្ឋាភិបាលបានដំឡើងកម្រិតប្រាក់សោធននិវត្តន៍ប្រាក់ឧបត្ថម្ភធានារ៉ាប់រងសង្គម និងប្រាក់ឧបត្ថម្ភប្រចាំខែ រហូតដល់ ៣,៨ លានដុងក្នុងមួយខែចំពោះករណីមួយចំនួនដែលមានកម្រិតទទួលទាបក្រោយពេលដំឡើងរួម។

ប្រាក់សោធននិវត្តន៍ និងប្រាក់ឧបត្ថម្ភដំឡើង ៨% ចាប់ពីថ្ងៃទី១ ខែកក្កដា
អនុវត្តចំពោះក្រុមមុខសញ្ញាចំនួន ៩ ក្រុម។

អនុក្រឹត្យលេខ ១៦២/២០២៦ របស់រដ្ឋាភិបាល ដែលបានប្រកាសឱ្យប្រើនៅថ្ងៃទី១៥ ខែឧសភា ស្តីពីការកែសម្រួលប្រាក់សោធននិវត្តន៍ ប្រាក់ឧបត្ថម្ភធានារ៉ាប់រងសង្គម និងប្រាក់ឧបត្ថម្ភប្រចាំខែ ដោយអនុវត្តចំពោះក្រុមមុខសញ្ញា ៩ ក្រុម រួមមាន៖

កម្មាភិបាល អ្នករដ្ឋការ កម្មករ បុគ្គលិករដ្ឋនិងពលករ; យោធិន នគរបាលប្រជាជន និងអ្នកធ្វើការងារសម្ងាត់ ដែលកំពុងទទួលប្រាក់សោធននិវត្តន៍ប្រចាំខែ។

កម្មាភិបាលឃុំ សង្កាត់ ទីប្រជុំជនដែលកំពុង ទទួលប្រាក់សោធននិវត្តន៍និងប្រាក់ឧបត្ថម្ភ។

អ្នកកំពុងទទួលប្រាក់ឧបត្ថម្ភបាត់បង់សមត្ថភាពពលកម្មប្រចាំខែ និងអ្នកកំពុងទទួលប្រាក់ឧបត្ថម្ភប្រចាំខែ។

កម្មាភិបាលឃុំ សង្កាត់ ទីប្រជុំជនដែលកំពុងទទួលប្រាក់ឧបត្ថម្ភប្រចាំខែ។

យោធិនដែលកំពុងទទួលរបបប្រាក់ឧបត្ថម្ភប្រចាំខែ។

នគរបាលប្រជាជនដែលកំពុងទទួលប្រាក់ឧបត្ថម្ភប្រចាំខែ។

យោធិន នគរបាលប្រជាជន និងអ្នកធ្វើការងារសម្ងាត់ដែលទទួលប្រាក់បៀវត្សរ៍ដូចជាយោធិន នគរបាលប្រជាជន កំពុងទទួលប្រាក់ឧបត្ថម្ភប្រចាំខែ។

អ្នកកំពុងទទួលប្រាក់ឧបត្ថម្ភគ្រោះថ្នាក់ពលកម្ម និងជំងឺវិជ្ជាជីវៈប្រចាំខែ។

អ្នកកំពុងទទួលប្រាក់ឧបត្ថម្ភប្រចាំខែ តាមច្បាប់ស្តីពីធានារ៉ាប់រងសង្គម។

យោងតាមអនុក្រឹត្យបានប្រកាសឱ្យប្រើ ចាប់ពីថ្ងៃទី១ ខែកក្កដា ឆ្នាំ២០២៦ នឹងកែសម្រួលដំឡើងបន្ថែម ៨% លើកម្រិតប្រាក់សោធននិវត្តន៍ប្រាក់ឧបត្ថម្ភធានារ៉ាប់រងសង្គម និងប្រាក់ឧបត្ថម្ភប្រចាំខែ។

ចាប់ពីថ្ងៃទី១ ខែកក្កដា ឆ្នាំ២០២៦ អ្នកកំពុងទទួលប្រាក់សោធននិវត្តន៍ ប្រាក់ឧបត្ថម្ភធានារ៉ាប់រងសង្គម និងប្រាក់ឧបត្ថម្ភប្រចាំខែ ក្រោយពេលកែសម្រួលរួចបើមានកម្រិតទទួលទាបជាង ៣.៨០០.០០០ ដុង/ខែ គឺត្រូវបានកែសម្រួលដំឡើងបន្ថែមម្នាក់ ៣០០.០០០ ដុង/ខែ ចំពោះអ្នកដែលមានកម្រិតទទួលស្មើឬទាបជាង ៣.៥០០.០០០ ដុង/ខែ។

ដំឡើងឱ្យឡើងស្មើ ៣.៨០០.០០០ ដុង/ខែ ចំពោះអ្នកដែលមានកម្រិតទទួលខ្ពស់ជាង ៣.៥០០.០០០ ដុង/ខែ ប៉ុន្តែទាបជាង ៣.៨០០.០០០ ដុង/ខែ។

កម្រិតប្រាក់សោធននិវត្តន៍ ប្រាក់ឧបត្ថម្ភធានារ៉ាប់រងសង្គម និងប្រាក់ឧបត្ថម្ភប្រចាំខែ ក្រោយពេលកែសម្រួលខាងលើនេះ គឺជាមូលដ្ឋានសម្រាប់គណនាការកែសម្រួលប្រាក់សោធននិវត្តន៍ ប្រាក់ឧបត្ថម្ភធានារ៉ាប់រងសង្គម និងប្រាក់ឧបត្ថម្ភប្រចាំខែ ក្នុងការកែសម្រួលនាពេលបន្តបន្ទាប់។

អនុក្រឹត្យលេខ ១៦២/២០២៦ បានរដ្ឋាភិបាលប្រកាសឱ្យប្រើក្នុងពេលជាមួយគ្នានឹងការប្រកាសឱ្យប្រើអនុក្រឹត្យលេខ ១៦១/២០២៦ ដែលកំណត់អំពីកម្រិតប្រាក់បៀវត្សរ៍គោល និងរបបប្រាក់រង្វាន់ចំពោះកម្មាភិបាល អ្នករដ្ឋការ បុគ្គលិករដ្ឋ និងកងកម្លាំងប្រដាប់អាវុធ៕

ប្រភព៖ tienphong.vn - ថាច់ធី

ចែករំលែកអត្ថបទ

ពាក្យគន្លឹះ