ព្រឹត្តិការណ៍ - នយោបាយ ព្រឹត្តិការណ៍

01/06/2026 - 09:49

កិច្ចសហការជំរុញផ្លាស់ប្តូរឌីជីថលក្នុងសកម្មភាពសហជីព

សហព័ន្ធសហជីពទីក្រុងកឹងធើ និងសម្ព័ន្ធក្រុមហ៊ុន VNPT កឹងធើ ធ្វើពិធីចុះហត្ថលេខាលើកិច្ចព្រមព្រៀងសហការ ដំណាក់កាល ២០២៦-២០៣០។

យោងតាមកិច្ចព្រមព្រៀង ភាគីទាំងពីរសហការផ្សព្វផ្សាយនូវកម្មវិធីផ្លាស់ប្តូរឌីជីថល ក្នុងអង្គការសហជីព ឧបត្ថម្ភសមាជិកសហជីព កម្មករនិយោជិតបង្ខិតជិតសេវាឌីជីថល សេវាទូរគមនាគមន៍-បច្ចេកវិទ្យាព័ត៌មាន បង្កើនការផ្សព្វផ្សាយលើកកម្ពស់បំណិនឌីជីថល និងសហការអនុវត្តសកម្មភាពសុខុមាលភាពសង្គមនិងផលប្រយោជន៍សម្រាប់សមាជិកសហជីព។

ថ្នាក់ដឹកនាំសហព័ន្ធសហជីពទីក្រុងកឹងធើនិងសម្ព័ន្ធក្រុមហ៊ុន VNPT កឹងធើ ធ្វើពិធី
ចុះហត្ថលេខាលើកិច្ចព្រមព្រៀងសហការ។

VNPT កឹងធើ នឹងជំនួយសហព័ន្ធសហជីពទីក្រុង ផ្សព្វផ្សាយអនុវត្តបច្ចេកវិទ្យាព័ត៌មាន ផ្តល់ពិគ្រោះផ្លាស់ប្តូរឌីជីថល កសាងមូលដ្ឋានគ្រឹះបម្រើសន្និសីទ សិក្ខាសាលា វគ្គហ្វឹកហ្វឺន សួនកម្សាន្តអនឡាញពីទីក្រុងដល់មូលដ្ឋាន។ ភាគីទាំងពីរសហការឧទ្ទេសនាម ផ្សព្វផ្សាយសេវាឌីជីថលមួយចំនួន មានដូច៖VNPT Money ហត្ថលេខាឌីជីថលសម្រាប់បុគ្គល រួមបញ្ចូលការផ្សព្វផ្សាយ គោលនយោបាយអាទិភាព សមស្របជួយសមាជិកសហជីព កម្មករនិយោជិតប្រើប្រាស់សេវាបានយ៉ាងងាយស្រួល សន្សំសំចៃនិងមានប្រសិទ្ធភាព...។

ស្របក្នុងឱកាសនេះដែរ ថ្នាក់ដឹកនាំសម្ព័ន្ធក្រុមហ៊ុន VNPT កឹងធើ ផ្តល់ការឧបត្ថម្ភដល់សមាជិកសហជីព កម្មករនិយោជិតដែលមានស្ថានភាពលំបាកលើភូមិឋានទីក្រុង សរុបទឹកប្រាក់ឧបត្ថម្ភ ៧០ លានដុង ណែនាំរបៀបដំឡើងកម្មវិធីនិងបទពិសោធន៍ប្រើប្រាស់ស៊ីមអ៊ីនធឺណិតល្បឿនលឿន ៥G ដល់កម្មាភិបាលសហជីព៕

ហុងវឹង-មុនី

ចែករំលែកអត្ថបទ

ពាក្យគន្លឹះ