ព្រឹត្តិការណ៍ - នយោបាយ ព្រឹត្តិការណ៍

25/05/2026 - 17:03

ពិធីបើកការពិនិត្យប្រឡងវាយតម្លៃទទួលចូលបម្រើការងាររដ្ឋការ ឆ្នាំ២០២៦

ការពិនិត្យប្រឡងវាយតម្លៃទទួលចូលបម្រើការងាររដ្ឋការ ឆ្នាំ២០២៦ មានបេក្ខជនចូលរួមចំនួន ១៧ នាក់។ បណ្តាតំណែងការងារដែលត្រូវទទួលគឺភ្ជាប់ជាមួយភារកិច្ចនៅមូលដ្ឋាន៖ ការងារចាត់តាំងកសាងបក្ស; រណសិរ្សមាតុភូមិវៀតណាមនិងបណ្តាអង្គការនយោបាយ - សង្គម; ការងារគណនេយ្យ ហិរញ្ញវត្ថុ លិខិតស្នាមនិងបណ្ណសារនៅក្នុងស្ថាប័នរណសិរ្សមាតុភូមិវៀតណាមថ្នាក់ឃុំ-សង្កាត់។

នាព្រឹកថ្ងៃទី២៥ ខែឧសភា លោកដុងវ៉ាំងថាញ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុងកឹងធើ បានអញ្ជើញចូលរួមពិធីបើកពិនិត្យប្រឡងវាយតម្លៃទទួលចូលបម្រើការងាររដ្ឋការ ឆ្នាំ២០២៦ អាស្រ័យក្រុមប្រឹក្សាពិនិត្យប្រឡងវាយតម្លៃទទួលចូលបម្រើការងាររដ្ឋការនៃគណៈកម្មាធិការបក្សទីក្រុងកឹងធើ។

អញ្ជើញចូលរួមក៏មានថ្នាក់ដឹកនាំគណៈកសាងបក្សនៃគណៈកម្មាធិការបក្សទីក្រុង គណៈកម្មាធិការរណសិរ្សមាតុភូមិវៀតណាមទីក្រុង បណ្តាឃុំ សង្កាត់ ដែលមានតម្រូវការទទួលអ្នករដ្ឋការ។

លោកដុងវ៉ាំងថាញ (ខាងឆ្វេង) សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុងកឹងធើ រួមជាមួយបណ្តាអ្នកតំណាងចូលរួមពិធីបើក។

ថ្លែងការណ៍ក្នុងពិធីនេះ លោកដុងវ៉ាំងថាញ បានឱ្យដឹងថា ការពិនិត្យប្រឡងវាយតម្លៃមិនត្រឹមតែជាជំហានមួយក្នុងដំណើរការទទួលអ្នករដ្ឋការប៉ុណ្ណោះទេ ថែមទាំងជាខ្លឹមសារដ៏សំខាន់ដើម្បីទីក្រុងបំពេញបន្ថែមនូវកងជួរអ្នករដ្ឋការដែលមានគុណធម៌ និងសមត្ថភាពគ្រប់គ្រាន់សម្រាប់ប្រព័ន្ធនយោបាយនៅមូលដ្ឋាន ជាពិសេសគឺក្នុងបរិការណ៍ដែលទីក្រុងកំពុងដំណើរការទម្រង់រដ្ឋបាលមូលដ្ឋាន ២ ថ្នាក់ ដែលមានតម្រូវការដោះស្រាយការងារច្រើន លឿន រហ័ស ជិតដិតជាមួយប្រជាជន កៀកជិតប្រជាជន និងទាមទារសមត្ថភាពធ្វើសេនាធិការ ក៏ដូចជាចាត់តាំងអនុវត្តការងារមានលក្ខណៈជាក់ស្តែងជាង។

បណ្តាតំណែងការងារដែលត្រូវទទួលសុទ្ធតែភ្ជាប់ជាមួយភារកិច្ចនៅមូលដ្ឋាន៖ ការងារចាត់តាំងកសាងបក្ស; ការងាររណសិរ្សមាតុភូមិវៀតណាម និងបណ្តាអង្គការនយោបាយ-សង្គម; ការងារគណនេយ្យ ហិរញ្ញវត្ថុ លិខិតស្នាម និងបណ្ណសារ នៅក្នុងស្ថាប័នរណសិរ្សមាតុភូមិវៀតណាមថ្នាក់ឃុំ-សង្កាត់។ ទាំងនេះគឺជាការងារដែលទាមទារអ្នករដ្ឋការមិនត្រឹមតែក្តាប់ណែនាំច្បាស់លាស់នូវបទប្បញ្ញត្តិ មានជំនាញឯកទេសប៉ុណ្ណោះទេ ថែមទាំងត្រូវមានភាពអង់អាច ស្មារតីទទួលខុសត្រូវ ការអស់ពីចិត្តពីថ្លើម ជិតដិតជាមួយប្រជាជន កៀកជិតការងារ និងដោះស្រាយបានរាល់ស្ថានភាពដែលកើតឡើងពីភាពជាក់ស្តែង។ ហេតុនេះ តម្រូវការខ្ពស់បំផុតនៃការពិនិត្យប្រឡងវាយតម្លៃ គឺត្រូវវាយតម្លៃឱ្យបានត្រឹមត្រូវតាមតថភាពជាក់ស្តែង៖ ត្រូវសមត្ថភាព ត្រូវមុខជំនាញ និងត្រូវតាមតម្រូវការនៃតំណែងការងារ។

លោកដុងវ៉ាំងថាញ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្សទីក្រុង
ប្រធានក្រុមប្រឹក្សាប្រជាជនទីក្រុងកឹងធើ ថ្លែងការណ៍ក្នុងពិធីបើក។

អនុលេខាប្រចាំការនៃគណៈកម្មាធិការបក្សទីក្រុងបានសង្កត់ធ្ងន់៖ ការក្លាយជាអ្នករដ្ឋការមិនត្រឹមតែទទួលបានការចាត់តាំងចូលក្នុងតំណែងការងារមួយប៉ុណ្ណោះទេ ថែមទាំងជាការទទួលខុសត្រូវនយោបាយ ការទទួលខុសត្រូវចំពោះការងារ ការទទួលខុសត្រូវចំពោះមុខបក្ស ចំពោះមុខប្រជាជន និងចំពោះមុខស្ថាប័ន អង្គភាព។ អ្នករដ្ឋការម្នាក់ៗប្រសិនបើបានទទួលចូលធ្វើការ ត្រូវតែបន្តហ្វឹកហាត់ រៀនសូត្រ រក្សាគុណធម៌សីលធម៌ លើកកម្ពស់សមត្ថភាពឯកទេស ផ្លាស់ថ្មីវិធីសាស្ត្រធ្វើការងារ; និយាយត្រូវដើរទន្ទឹមនឹងធ្វើ ធ្វើការងារមានលទ្ធផលជាក់ស្តែង រួមចំណែកកសាងប្រព័ន្ធរដ្ឋបាលបម្រើប្រជាជន ជំនាញ មានសុពលភាព និងប្រសិទ្ធភាព។

បេក្ខជនទាំងឡាយចូលរួមការពិនិត្យប្រឡងវាយតម្លៃទទួលចូលបម្រើការងាររដ្ឋការ ឆ្នាំ២០២៦។

តាមព័ត៌មានពីក្រុមប្រឹក្សាពិនិត្យប្រឡងវាយតម្លៃទទួលចូលបម្រើការងាររដ្ឋការនៃគណៈកម្មាធិការបក្សទីក្រុងកឹងធើ មានបេក្ខជនចំនួន ១៧ នាក់ចូលរួមការពិនិត្យប្រឡងវាយតម្លៃ ដោយរូបភាពប្រឡងសួរ-ឆ្លើយផ្ទាល់។ ខ្លឹមសារនៃការពិនិត្យប្រឡងវាយតម្លៃ គឺផ្តោតសំខាន់លើការពិនិត្យចំណេះដឹងអំពីលក្ខន្តិកៈបក្សកុម្មុយនីស្តវៀតណាម; ច្បាប់ស្តីពីកម្មាភិបាល អ្នករដ្ឋការ; អំពីគោលការណ៍ មាគ៌ារបស់បក្ស គោលនយោបាយនិងច្បាប់របស់រដ្ឋ ដែលពាក់ព័ន្ធនឹងវិស័យនៃតំណែងការងារ; មុខងារភារកិច្ច អង្គការចាត់តាំងនៃស្ថាប័នបក្ស រដ្ឋ និងបណ្តាអង្គការនយោបាយ - សង្គម...

ក្វឹកថាយ - សុផន

ចែករំលែកអត្ថបទ

ពាក្យគន្លឹះ