កំសាន្ត រឿងពីនេះពីនោះ

08/05/2026 - 08:01

តិចនិចធ្វើខ្ទឹមសត្រាំទឹកខ្មេះម្ទេស ពណ៌សស្រួយឆ្ងាញ់ ដែលមនុស្សជាច្រើនពុំទាន់បានដឹង

គ្រាន់តែអនុវត្តតាមគន្លឹះងាយៗមួយចំនួនក្នុងការច្នៃនិងត្រាំខ្ទឹមសត្រាំខ្មេះម្ទេសនឹងរក្សាបានពណ៌ស ស្រួយឆ្ងាញ់ ហើយមិនប្រែជាពណ៌ខៀវដែលមនុស្សជាច្រើនធ្លាប់ជួបប្រទះ។

គ្រាន់តែធ្វើត្រឹមត្រូវតាមប្រការទាំងនេះ ខ្ទឹមសត្រាំទឹកខ្មេះម្ទេសនឹងឡើងពណ៌សស្រួយឆ្ងាញ់មិនប្រែជាពណ៌ខៀវ។

រូបថតជាឧទាហរណ៍

ខ្ទឹមសត្រាំទឹកខ្មេះម្ទេសគឺជាមុខម្ហូបហូបផ្ទាប់ដ៏ពេញនិយមរបស់គ្រួសារជាច្រើន។ ប៉ុន្តែ មានមនុស្សជាច្រើនធ្លាប់ជួបប្រទះស្ថានភាពខ្ទឹមស ប្រែពណ៌ខៀវ ឬពណ៌ខៀវស្រអាប់ បន្ទាប់ពីត្រាំធ្វើឱ្យមុខម្ហូបមើលទៅមិនទាក់ទាញ។

តាមក្រុមអ្នកជំនាញម្ហូបអាហារ បាតុភូតនេះ មិនបង្កគ្រោះថ្នាក់អ្វីទេ ប៉ុន្តែ វាប្រែពណ៌មើលទៅមិនទាក់ទាញ។ មូលហេតុចម្បង គឺមកពីការច្នៃ និងត្រាំមិនត្រឹមត្រូវតាមរបៀប។

ជ្រើសរើសវត្ថុធាតុដើមត្រូវរបៀប

គួរជ្រើសរើសខ្ទឹមសស្រុក ក្លែបតូច ស្រស់មិនជាំ។ ខ្ទឹមសទុកយូរឬរក្សាទុកក្នុងបរិស្ថានត្រជាក់ ពេលត្រាំងាយនឹងប្រែពណ៌។

ចំណែកម្ទេសវិញ គួរជ្រើសរើសប្រភេទម្ទេសស្រស់ សំបកភ្លឺរលោង មិនស្វិត ដើម្បីរក្សាកម្រិតស្រួយនិងមានពណ៌ស្អាត។

ច្នៃខ្ទឹមសត្រូវរបៀបដើម្បីកុំឱ្យប្រែពណ៌ខៀវ

បន្ទាប់ពីបកសំបករួច គួរលាងទឹកឱ្យលឿននិងទុកឱ្យខ្ទឹមសស្រក់ទឹកស្ងួត។ គន្លឹះម្យ៉ាងទៀត អ្នកអាចត្រាំខ្ទឹមសក្នុងទឹកអំបិលរាវប្រមាណពី ១០-១៥ នាទី រួចស្រង់ឡើងទុកឱ្យស្ងួតមុននឹងត្រាំ។

តាមការផ្តល់មតិពី BBC Good Food ការធ្វើឱ្យវត្ថុធាតុដើមស្ងួតមុននឹងត្រាំ ជួយកាត់បន្ថយប្រតិកម្មធ្វើឱ្យអាហារប្រែពណ៌។

ប្រើទឹកខ្មេះសមស្របនិងមិនត្រាំពេលនៅក្តៅ

ទឹកខ្មេះ គួរទុកឱ្យត្រជាក់ត្រឹមត្រូវមុនចាក់ទៅក្នុងក្រឡ។ ប្រសិនបើប្រើទឹកខ្មេះនៅក្តៅឧណ្ហៗ ខ្ទឹមសងាយនឹងប្រែពណ៌។

ក្រៅពីនោះ គួរប្រើទឹកខ្មេះអង្ករឬទឹកខ្មេះចិញ្ចឹមធម្មជាតិ ដើម្បីធានាបាននូវរសជាតិនិងពណ៌ស្អាត។

អត្រាត្រាំសមស្រប

អត្រាទូទៅគឺទឹកខ្មេះ ១ភាគ ទឹក ១ភាគនិងបង់បន្ថែមស្ករ អំបិលមួយចឹប។ ការធ្វើតុល្យភាពបែបនេះ មិនត្រឹមតែធ្វើឱ្យខ្ទឹមសស្រួយឆ្ងាញ់ ថែមទាំងជួយកាត់បន្ថយបាតុភូតប្រែពណ៌ទៀតផង។

រក្សាទុកត្រឹមត្រូវតាមរបៀប

បន្ទាប់ពីត្រាំ គួរដាក់ក្រឡខ្ទឹមសនៅកន្លែងស្ងួត ត្រជាក់ ស្រឡះស្រឡំ។ ជៀសវាងប៉ះកម្តៅព្រះអាទិត្យ ឬសីតុណ្ហភាពទាបពេក ព្រោះវាអាចធ្វើឱ្យខ្ទឹមសងាយប្រែពណ៌។

តាមក្រុមអ្នកជំនាញជាច្រើន ការត្រាំខ្ទឹមសត្រឹមត្រូវតាមរបៀបមិនត្រឹមតែធ្វើឱ្យចំណីអាហារ កាន់តែស្រួយឆ្ងាញប៉ុណ្ណោះទេ ថែមទាំងរក្សាបាននូវពណ៌សម្បុរ ធានាអនាម័យនិងសុវត្ថិភាព។

ជាមួយនឹងតិចនិចសាមញ្ញនេះ លោកអ្នកអាចធ្វើបានក្រឡខ្ទឹមសត្រាំទឹកខ្មេះម្ទេសពណ៌ស ស្រួយឆ្ងាញ់ ដ៏ទាក់ទាញសម្រាប់ហូបក្នុងគ្រួសារ៕

ប្រភព៖ laodong.vn-មុនី

ចែករំលែកអត្ថបទ

ពាក្យគន្លឹះ