មិនវិនិយោគ​រាត់រាយ ​រត់តាម​ចលនា​ បង​ស្រី​ចៅធីគីមលី ​នៅភូមិ​ថាញ់ទ្រុង ឃុំហ្វាលីវ​ ជ្រើស​ទិសដៅច្បាស់លាស់​​ធ្វើសេដ្ឋកិច្ច​តាម​ខ្សែសង្វាក់បិទជិត។​​ ដោយវិធីធ្វើ​ “យកខ្លីចិញ្ចឹមវែង”​ បងស្រី សន្សឹមៗ​ឈានឡើងធូរធារ​ រកបានប្រាក់​ចំណេញ​ជាង​ ១២០ លានដុងក្នុងមួយឆ្នាំ។ វិធីធ្វើរបស់​បងស្រី បាន​​បើកចេញទិស​ដៅចាកភាពក្រីក្រ​ជាក់ស្តែងដល់​​នារីខ្មែរជាច្រើននៅភូមិ ភាគ។

បង​ស្រីចៅធីគីមលី កំពុងថែទាំហ្វូងគោ។

បងស្រីលី​ បានអនុវត្ត​ស្របគ្នា ​៥ ទម្រង់​សេដ្ឋកិច្ចគ្រួសារ៖ ត្បាញ​ខ្សែជ័រ ត្បាញកំប្លោក ចិញ្ចឹមគោសាច់ ចិញ្ចឹមក្រូចនិង​មាន់​។  ទម្រង់សេដ្ឋកិច្ចទាំងនេះ តែងនាំមក​ឱ្យបងស្រី​លី ប្រភពចំណូលស្ថិរភាព។​ បងស្រីលី ចែករំលែក​៖ ​“ជាង​ ៦ ឆ្នាំ​មុន ​ជីវភាពគ្រួសារ​ខ្ញុំ​លំបាក​ណាស់។ ពេលបាន​ចូលរួម​ថ្នាក់បង្រៀន​ត្បាញ​ខ្សែជ័រនៅភូមិភាគ ​​ខ្ញុំឆ្លៀតពេលទំនេរ​រកប្រាក់ចំណូលបន្ថែម​។ ដោយចេះ​ត្បាញ​ស្រាប់ ខ្ញុំ​ក៏រៀន​បន្ថែម​របរត្បាញ​កំប្លោក​​​ តាំងពី​នោះ រៀង​រាល់ខែ​ខ្ញុំរកបានប្រាក់ចំណូលបន្ថែម​​ជាង ​៤ លាន​ដុង”។

ផ្ដើមពីប្រភពទុន​សន្សំបាន​ដំបូង​ បងស្រីលី ​វិនិយោគ​ចិញ្ចឹមគោ ​ទិសដៅអភិវឌ្ឍសេដ្ឋកិច្ចយូរអង្វែង​។ ដំបូង ​បងស្រីចិញ្ចឹមគោ ​៤ ក្បាល ​​ក្នុងនោះ​មាន​ ២ ក្បាល បាន​ភូមិភាគ​ជំនួយទុនចិញ្ចឹម​ឥតសំំំណង។ ដោយការស៊ូលំបាក​ក្នុងការចិញ្ចឹមថែទាំ​ ហើយឆ្លៀតប្រើប្រាស់ប្រភពចំណី​​មានស្រាប់​ជិតផ្ទះ ​​​​ហ្វូងគោក៏ឆាប់ធំធាត់ល្អ​​។​ ប្រហែល ២ ឆ្នាំ​ បងស្រីលក់​កូនគោបាន​ ១ លើក។​ រហូតមកដល់នេះ​ បងស្រីលី លក់​​គោបាន​៦ក្បាល ​​​​​ក្នុង​១ក្បាល​ចំណេញ​ពី ១២​-២០ លានដុង​។ ពេលមាន​បទពិសោធន៏​​ បង​ស្រីក៏បង្វែរ​មកចិញ្ចឹម​​គោពូជ​​បង្កើនប្រសិទ្ធភាព​ផលិត។

ចំណុចពូកែ​ក្នុង​វិធី​ធ្វើរបស់បងស្រី​លី ​ជាការតភ្ជាប់​ម៉ត់ចត់​រវាង​បណ្តាទម្រង់។ បងស្រី​ឆ្លៀត​ប្រើប្រាស់​លាមក​គោ​ដើម្បី​ចិញ្ចឹម​ជន្លេនក្រហម។​ នេះជា​ជំហ៊ាន​សំខាន់​សំដៅ​បង្វែរ​កាក​សំណល់​ក្លាយជា​ធនធាន។ ដ្បិត​ការចិញ្ចឹម​ជន្លេនក្រហមនេះ មិនត្រឹម​ជាវិធានការ​បៃតងក្នុងការការពារបរិស្ថាន​ប៉ុណ្ណោះទេ ថែមទាំង​ជាប្រភព​ចំណី​សម្បូរជាតិ​បំប៉ន​ឱ្យសត្វចិញ្ចឹមទៀតផង។

បងស្រីលី ចែករំលែក​៖ ​“ឆ្នាំ២០២១ ​ខ្ញុំបន្តអភិវឌ្ឍបន្ថែម​ទម្រង់ចិញ្ចឹម​សត្វក្រូចក្នុង​ផ្ទះ​ និងចិញ្ចឹមមាន់យកស៊ុត ភ្ញាស់លក់មាន់ពូជ។ ដោយម្ចាស់ការ​បាន​ប្រភពចំណី​ពីជន្លេន​ក្រហម ទើបចំណាយលើការចិញ្ចឹម​មាន់និងសត្វក្រូចបានកាត់បន្ថយ​គួរឱ្យកត់សម្គាល់។ ​ប្រការ​ខ្ញុំរីករាយ​គឺបណ្តាទម្រង់​ឧបត្ថម្ភគ្នា ​​កាត់បន្ថយ​ចំណាយ​និង​បង្កើន​ប្រសិទ្ធភាព​ផលិតជួញប្រែ​។ តាមរយៈទម្រង់ទាំងនេះ​​ ក្រោយពី​ទូទាត់រួចរាល់ ​ខ្ញុំនៅចំណេញ​បាន​ជាង​ ១២០ លានដុងក្នុងមួយឆ្នាំ​​”។​​

ជាមួយការគិតគូរ​សមស្រប ​ធ្វើសេដ្ឋកិច្ច​​តាមខ្សែសង្វាក់​​បិទជិត​ បងស្រីលី​ តែង​ក្តាប់បណ្តា​ការ​ប្រែ​ប្រួលរបស់ទីផ្សា​​រ ទន្ទឹមនឹងនោះ រក្សាប្រភពចំណូល​ស្ថិរភាព​។​ មិន​ត្រឹមធ្វើមាន​ឱ្យគ្រួសារ​ បងស្រីនៅទាំងចែករំលែក​វិធីធ្វើដ៏មានប្រសិទ្ធភាពនេះ​ ដល់បងប្អូននារី​ខ្មែរនៅភូមិភាគទៀត​ផង។

បងធីនីម ​នៅភូមិថាញ់ទ្រុង​ និយាយ៖ ​“បាន​បងស្រីលី ណែនាំ​របរត្បាញ ​រៀងរាល់ខែ​ខ្ញុំរកបាន​ប្រាក់ចំណូលបន្ថែម​ប្រហែល ៣ លាន​ដុង​ ទើបជីវភាពគ្រួសា​រមិន​នៅលំបាក​ទៀត​។ ខ្ញុំគិត​នឹងរៀនរបៀប​ចិញ្ចឹម​សត្វក្រូច​ដើម្បីអភិវឌ្ឍសេដ្ឋកិច្ច”។

ទម្រង់អភិវឌ្ឍសេដ្ឋកិច្ចរបស់បងស្រីលី បង្ហាញឱ្យឃើញ​ថា រាល់គ្រួសារ​បើចេះ​ឆ្លៀតប្រើប្រាស់ប្រភពកម្លាំងដែលមាន​ស្រាប់​​ ផ្លាស់​ថ្មី​វិធីធ្វើ​ គឺអាច​កែប្រែ​ការងារ​រកស៊ី ឈានឡើង​ស្ថិរភាពជីវភាព​លើ​ផ្ទៃដី​ស្រុកកំណើត៕

កាវអាញ់ -ចន្ថា