ព្រឹត្តិការណ៍ - នយោបាយ ព្រឹត្តិការណ៍

07/04/2026 - 19:59

អញ្ជើញទៅសួរសុខទុក្ខនិងជូនពរបុណ្យចូលឆ្នាំថ្មីប្រពៃណីរបស់ជនរួមជាតិខ្មែរ

នៅព្រឹកថ្ងៃទី៧ ខែមេសា ក្រុមប្រតិភូដឹកនាំដោយលោកង្វៀងធៀងញើង សមាជិកគណៈអចិន្ត្រៃយ៍នៃគណៈកម្មាធិការបក្សទីក្រុង ប្រធានគណៈចាត់តាំងនៃគណៈកម្មាធិការបក្សទីក្រុងកឹងធើ បានអញ្ជើញទៅសួរសុខទុក្ខនិងជូនពរបុណ្យចូលឆ្នាំថ្មីប្រពៃណីជាតិរបស់ជនរួមជាតិខ្មែរ ឆ្នាំ២០២៦ នៅឃុំវិញវៀងនិងឃុំលឿងតឹម។

ក្រុមប្រតិភូបានអញ្ជើញទៅសុខទុក្ខនិងជូនពរឆ្នាំថ្មីដល់ព្រះសង្ឃនៅវត្តសង្គមមានជ័យ ដំរ៉ា(នៅភូមិទី១២ ឃុំវិញវៀង) និងវត្តឧត្តុងមានជ័យសិរីវង្សា ជ្រុង្គាំ (នៅភូមិទី៧ ឃុំលឿងតឹម)។

ក្រុមប្រតិភូបានសុខទុក្ខ ជូនពរឆ្នាំថ្មីនិងប្រគេនទេយ្យវត្ថុដល់ព្រះសង្ឃវត្តសង្គមមានជ័យ ដំរ៉ា។

លោកង្វៀងធៀងញើង ជូនពរឆ្នាំថ្មីដល់ព្រះសង្ឃ គណៈកម្មការ អាចារ្យវត្ត និងមាមីងជនរួមជាតិខ្មែរ ទទួលអំណរបុណ្យចូលឆ្នាំថ្មីប្រពៃណី ឆ្នាំ២០២៦ ប្រកបដោយភាពកក់ក្តៅ សម្បូរសប្បាយនិងសុភមង្គល។ ប្រធានគណៈចាត់តាំងនៃគណៈកម្មាធិការបក្សទីក្រុងកឹងធើ រំពឹងថា ព្រះសង្ឃ គណៈកម្មការ អាចារ្យវត្តនិងមាមីងជនរួមជាតិខ្មែរនៅលើភូមិឋានបន្តរួមកម្លាំង ឯកភាព ពង្រីកប្រវេណីសាមគ្គី ជួយគ្នាទៅវិញទៅមក អភិរក្សអត្តសញ្ញាណវប្បធម៌ជនជាតិ រួមជាមួយបក្ខភាគ រដ្ឋអំណាចទីក្រុងអនុវត្តជោគជ័យនូវទិសដៅ ភារកិច្ចអភិវឌ្ឍសេដ្ឋកិច្ច-សង្គម។

លោកង្វៀងធៀងញើង បានកត់សម្គាល់និងស្ងើចសរសើរចំពោះការរួមចំណែកយ៉ាងសំខាន់របស់ជនរួមជាតិខ្មែរក្នុងការអភិវឌ្ឍសេដ្ឋកិច្ច-សង្គមរបស់ទីក្រុង។

តំណាងឱ្យព្រះសង្ឃ គណៈកម្មាការវត្តនិងមាមីងជនរួមជាតិខ្មែរនៅឃុំវិញវៀងនិងឃុំលឿងតឹម ថ្លែងអំណរគុណយ៉ាងជ្រាលជ្រៅដល់ថ្នាក់ដឹកនាំទីក្រុង ភូមិភាគ និងគ្រប់គណៈ ផ្នែក ដែលបានយកចិត្តទុកដាក់ជួយគិតគូរជីវភាពរបស់មាមីងក្នុងរយៈពេលកន្លង សង្ឃឹមថាថ្នាក់ដឹកនាំគ្រប់លំដាប់ថ្នាក់ជួយឧបត្ថម្ភជាបន្ត ដើម្បីមាមីងអភិវឌ្ឍសេដ្ឋកិច្ច រក្សាអត្តសញ្ញាណវប្បធម៌និងអក្សរសាស្ត្ររបស់ដូនតា។ មាមីងខ្មែរនឹងបន្តការពង្រីកប្រវេណីសាមគ្គី ខិតខំពលកម្មផលិត ទទួលអំណរឆ្នាំថ្មីក្នុងស្មារតីសប្បាយរីករាយ សុវត្ថិភាពនិងប្រិតសំចៃ៕

មុងត្វង-មុនី

ចែករំលែកអត្ថបទ

ពាក្យគន្លឹះ