ព្រឹត្តិការណ៍ - នយោបាយ ព្រឹត្តិការណ៍

07/04/2026 - 19:59

អនុម័តសេចក្ដីសម្រេចចិត្តបោះឆ្នោតជ្រើសតាំងអគ្គលេខាបក្ស តូឡឹម កាន់តំណែងប្រធានរដ្ឋ នីតិកាលទី ១៦

យោងតាមសេចក្ដីសម្រេចចិត្តដែលរដ្ឋសភាបានអនុម័ត អគ្គលេខាបក្ស តូឡឹម បានបោះឆ្នោតជ្រើសតាំងឱ្យកាន់តំណែងប្រធានរដ្ឋ អាណត្តិកាល ២០២៦-២០៣១។ ក្រោយពេលជាប់ឆ្នោត ប្រធានរដ្ឋនឹងធ្វើសច្ចាប្រណិធានចូលកាន់តំណែង។

សម័យប្រជុំលើកទីមួយ រដ្ឋសភានីតិកាលទី ១៦។ (ប្រភព៖ TTXVN)

យោងតាមកម្មវិធីនៃថ្ងៃប្រជុំទី ២ សម័យប្រជុំលើកទីមួយ រដ្ឋសភានីតិកាលទី ១៦ នាព្រឹកថ្ងៃនេះ (ថ្ងៃទី ៧ ខែមេសា) រដ្ឋសភាបន្តអនុវត្តការងារបុគ្គលិក។

នៅក្នុងសម័យប្រជុំ ជាកិច្ចចាប់ផ្ដើម គណៈកម្មាធិការអចិន្ត្រៃយ៍រដ្ឋសភាបានលើកជូននូវបញ្ជីឈ្មោះបេក្ខជន ដើម្បីឱ្យរដ្ឋសភាបោះឆ្នោតជ្រើសតាំងប្រធានរដ្ឋ។ បន្ទាប់មក រដ្ឋសភាបានពិភាក្សា និងបោះឆ្នោតអនុម័តបញ្ជីឈ្មោះសម្រាប់បោះឆ្នោតជ្រើសតាំងប្រធានរដ្ឋ តាមរយៈប្រព័ន្ធបោះឆ្នោតអេឡិចត្រូនិក។

បន្ទាប់មកទៀត រដ្ឋសភាបោះឆ្នោតជ្រើសតាំងប្រធានរដ្ឋ តាមរូបភាពបោះឆ្នោតសម្ងាត់។

បន្តទៀតនោះ គណៈកម្មាធិការអចិន្ត្រៃយ៍រដ្ឋសភាបានលើកជូនរដ្ឋសភានូវសេចក្ដីព្រាងសេចក្ដីសម្រេចចិត្តបោះឆ្នោតជ្រើសតាំងប្រធានរដ្ឋ; រដ្ឋសភាពិភាក្សា; គណៈកម្មាធិការអចិន្ត្រៃយ៍រដ្ឋសភារាយការណ៍ជូនរដ្ឋសភា អំពីការបកស្រាយ ទទួលយកមតិយោបល់របស់សមាជិករដ្ឋសភា និងកែសម្រួលសេចក្ដីព្រាងសេចក្ដីសម្រេចចិត្ត។

ផ្អែកលើមូលដ្ឋាននោះ រដ្ឋសភាបានបោះឆ្នោតអនុម័តសេចក្ដីព្រាងសេចក្ដីសម្រេចចិត្តបោះឆ្នោតជ្រើសតាំងប្រធានរដ្ឋ តាមរយៈប្រព័ន្ធបោះឆ្នោតអេឡិចត្រូនិក។ សេចក្ដីសម្រេចចិត្តបោះឆ្នោតជ្រើសតាំងប្រធានរដ្ឋ នីតិកាលទី ១៦ ត្រូវបានអនុម័តដោយមានសមាជិកចូលរួមបោះឆ្នោតចំនួន ៤៩៥ រូប យល់ព្រម។

ហេតុនោះ យោងតាមសេចក្ដីសម្រេចចិត្តដែលបានអនុម័ត អគ្គលេខាបក្ស តូឡឹម បានបោះឆ្នោតជ្រើសតាំងឱ្យកាន់តំណែងប្រធានរដ្ឋ អាណត្តិកាល ២០២៦-២០៣១។

ក្រោយពេលជាប់ឆ្នោត ប្រធានរដ្ឋនឹងធ្វើសច្ចាប្រណិធានចូលកាន់តំណែង៕

ប្រភព៖ Vietnam+ បកប្រែ៖ ថាច់ធី

ចែករំលែកអត្ថបទ

ពាក្យគន្លឹះ