គោលនយោបាយ -ការរស់នៅ គោលនយោបាយ

10/02/2026 - 06:35

ក្តីរីករាយផ្ដើមពីគោលនយោបាយ

ជាច្រើនឆ្នាំកន្លង ទីក្រុងកឹងធើ តែងយកចិត្តទុកដាក់ផ្សព្វផ្សាយអនុវត្តមានប្រសិទ្ធភាពនូវគោលនយោបាយ រួមចំណែកលើកកម្ពស់ជីវភាពសម្ភារៈនិងស្មារតីដល់ជនជាតិភាគតិច។ ក្នុងនោះ គោលនយោបាយឧប្ថម្ភបុលទុនអាទិភាព ផ្តល់ពូជដំណាំ សត្វចិញ្ចឹម លំនៅឋាន...បង្កក្តីទំនុកចិត្តនិងកម្លាំងជំរុញដល់គ្រួសារលំបាកឈានឡើងក្នុងជីវភាព។

អាស្រ័យចិញ្ចឹមជ្រូក ទើបជីវភាពរបស់បងហ្វិញវុាំងវ៉ូវ កាន់តែធូរធារឡើង។

តាមប្រសាសន៍លោកឡេក្វឹកទ្រីវ ប្រធានការិយាល័យវប្បធម៌-សង្គម សង្កាត់វីតឹង មណ្ឌល ១៥ មានជនរួមជាតិខ្មែររស់នៅកុះករ ជីវភាពនៅជួបលំបាក។ ច្រើនឆ្នាំកន្លង អាស្រ័យមានគោលនយោបាយឧបត្ថម្ភបុលទុនឥណទាន ផ្តល់ពូជដំណាំ សត្វចិញ្ចឹម លំនៅឋាន ជួយដល់គ្រួសារខ្មែរក្រីក្រមានលក្ខណៈអភិវឌ្ឍសេដ្ឋកិច្ច ឈានឡើងចាកភាពក្រីក្រ ជីវភាពកាន់តែប្រសើរឡើង។ សព្វថ្ងៃ មណ្ឌល ១៥ នៅត្រឹមតែ ១ គ្រួសារក្រីក្រ និង ៧ គ្រួសារក្បែរក្រ។

ជាក់ស្ដែងដូចបងហ្វិញវុាំងវ៉ូវ នៅមណ្ឌល ១៥ ជាគ្រួសារក្រ ពេលបានរដ្ឋឧបត្ថម្ភសាងសង់លំនៅឋាន បុលទុន ៤០ លានដុងដើម្បីទិញជ្រូកចិញ្ចឹម។ អាស្រ័យការឧស្សាហ៍ព្យាយាម ស៊ូលំបាក រៀនសូត្រស្រាវជ្រាវពីបច្ចេកទេសថែទាំទើបការចិញ្ចឹមជ្រូកមានប្រសិទ្ធភាព ជីវភាពគ្រួសារ បងវ៉ូវ ពីមួយថ្ងៃទៅមួយថ្ងៃកាន់តែធូរធារឡើង។ បងវ៉ូវ ឱ្យដឹង៖ “ពេលបុលទុនបាន ៤០ លានដុង ខ្ញុំសង់ទ្រុងនិងទិញកូនជ្រូក ១០ ក្បាលមកចិញ្ចឹម។ លើកដំបូង ខ្ញុំលក់ ១០ ក្បាល ក្រោយពីទូទាត់រួចរាល់នៅចំណេញជាង ៣០ លានដុង។ ការចិញ្ចឹមនាំមកប្រសិទ្ធភាព ខ្ញុំក៏បានពង្រីកទ្រុងបន្ថែម បង្កើនហ្វូងជ្រូកពី ២០-៣០ កូនក្នុងមួយល្បាស់។ បន្ទាប់ពីឃើញហ្វូងជ្រូកធំធាត់ជិតនឹងលក់បាន ខ្ញុំក៏ទិញកូនជ្រូកមកចិញ្ចឹមបន្ត ក្នុងមួយឆ្នាំខ្ញុំចិញ្ចឹមបាន៣ល្បាស់។ ថ្មីៗនេះ ខ្ញុំទើបលក់ជ្រូក ១០ ក្បាល ជាមធ្យមក្រោយពីផាត់ទាត់ នៅចំណេញ ២,៥ លានដុងក្នុងមួយក្បាល”។ អាស្រ័យការចិញ្ចឹមជ្រូក បងវ៉ូវ ក៏បានជួសជុលផ្ទះនិងជួលដីធ្វើស្រែជិត ៣០ កុង ជីវភាពគ្រួសារកាន់តែល្អប្រសើរឡើង។

ឆ្នាំ ២០២៦ ឃុំមីហឿង បានចលនាសប្បុរសជន ជួយឧបត្ថម្ភសាងសង់ផ្ទះចំនួន ៧៥ ខ្នងជូនគ្រួសារក្រីក្រ ជួបលំបាកអំពីលំនៅឋាន (ផ្ទះមួយខ្នងៗមានតម្លៃ ៦០ លានដុង)។ អ្នកមីងយីបធីនី នៅភូមិបឹងកក់ ចែករំលេកដោយក្តីរីករាយ “ប៉ុន្មានឆ្នាំកន្លង គ្រួសារខ្ញុំរស់នៅក្នុងផ្ទះទ្រុឌទ្រោម ទ្រេតទ្រោត នៅពេលភ្លៀងខ្យល់ម្តងៗ គឺខ្ញុំរត់ទៅជ្រកផ្ទះមាមីងជិតខាង។ ប្តីប្រព័ន្ធខ្ញុំធ្វើការឈ្នួលនៅក្នុងភូមិ បានត្រឹមដោះស្រាយជីវភាពប្រចាំថ្ងៃប៉ុណ្ណោះ ដូច្នេះ ទើបមិនសល់សម្រាប់ជុសជុលផ្ទះ។ ផ្ទះខ្ញុំមុននេះ ក៏ជាផ្ទះមេត្តាធម៌ដែរ សព្វថ្ងៃនេះទ្រុឌទ្រោម ហើយបានរដ្ឋអំណាចជំនួយផ្ទះថ្មីរឹងមាំ ខ្ញុំសប្បាយចិត្តណាស់! សព្វថ្ងៃ ប្តីប្រព័ន្ធខ្ញុំស្ងប់អារម្មណ៍ទៅធ្វើការរកស៊ី មិនបារម្មណ៍ដូចមុនទៀត”។

តាមប្រសាសន៍ លោកសើុងសារ៉ាញ ប្រធានគណៈកម្មាធិការរណសិរ្សមាតុភូមិវៀតណាមឃុំមីហឿង ឃុំមានប្រជាជនជាង ៥៦% ជាជនរួមជាតិខ្មែរ ដូច្នេះ ឃុំតែងទទួលបានគោលនយោបាយវិនយោគជាច្រើន។ អនុវត្តចលនាប្រឡងប្រណាំង “បំបាត់ផ្ទះបណ្តោះអាសន្ន ផ្ទះទ្រុឌទ្រោម” អាស្រ័យរដ្ឋាភិបាលបំផុស ឃុំបានជួសជុលផ្ទះ ២២ ខ្នង សាងសង់ថ្មី ១៥០ ខ្នង សរុបតម្លៃទឹកប្រាក់ ១១,២ ពាន់លានដុង។ ទន្ទឹមនឹងនោះ ឃុំនៅទាំងចលនាសប្បុរសជនឧបត្ថម្ភសាងសង់ផ្ទះ ៧៥ ខ្នងជូនដល់គ្រួសារក្រីក្រដែល ជួបលំបាកអំពីលំនៅឋាន។ ផ្ទះទាំងនោះ ក៏បានសម្រេចរួចរាល់ ជួយប្រជាជនមានផ្ទះថ្មីទទួលបុណ្យចូលឆ្នាំវៀតណាមក្នុងក្តីរំភើបរីករាយ៕

យ្វីអាញ-ត្រឹងរ៉ូន

ចែករំលែកអត្ថបទ

ពាក្យគន្លឹះ