គោលនយោបាយ -ការរស់នៅ គោលនយោបាយ

21/01/2026 - 10:07

ភាពផ្លាស់ថ្មីនៅតំបន់ជនរួមជាតិខ្មែរ

ឃុំតឹបសើុង ខេត្តវិញឡុង ជាភូមិភាគមួយដែលមានជនរួមជាតិខ្មែររស់នៅកុះករ។ ដោយកំណត់ថា ការអនុវត្តគោលនយោបាយជនជាតិគឺជាភារកិច្ចស្នូលដ៏សំខាន់មួយ។ អាស្រ័យការអនុវត្តរាល់វិធានការព្រមៗគ្នា និងមានប្រសិទ្ធភាព ទើបជីវភាពសេដ្ឋកិច្ច - សង្គមនៅតំបន់ជនរួមជាតិខ្មែររបស់ឃុំ កាន់តែមានភាពរីកចម្រើនពីមួយថ្ងៃទៅមួយថ្ងៃ។

លោកហឿវុាំងមើុយ (ខាងស្ដាំ) កំពុងពិភាក្សាយោបល់ជាមួយកម្មាភិបាលឃុំតឹបសើុង
ខេត្តវិញឡុង។

លោកថាយហ្វាងយ៉ាង ប្រធានគណៈកម្មាធិការប្រជាជនឃុំតឹបសើុង ឱ្យដឹង៖ “ជាច្រើនឆ្នាំកន្លង ឃុំបានឆ្លៀតប្រើប្រាស់ប្រកបដោយប្រសិទ្ធភាពនូវប្រភពទុនរបស់មជ្ឈិម និងខេត្ត ដើម្បីវិនិយោគលើគម្រោងនានា ដូចជាហេដ្ឋារចនាសម្ព័ន្ធជនបទ បណ្តុះបណ្តាលវិជ្ជាជីវៈ ឧបត្ថម្ភសង់ផ្ទះ ដីសង់ផ្ទះ និងការផលិតសម្រាប់គ្រួសារក្រីក្រ គ្រួសារក្បែរក្រជាជនជាតិខ្មែរ។ ដោយឡែកក្នុងឆ្នាំ ២០២៥ ឃុំបានអនុវត្តការជួសជុល ថែទាំផ្លូវគមនាគមន៍ជនបទចំនួន ៩ ដោយចំណាយថវិកាសរុបជាង ១២ ពាន់លានដុង។ ព្រមទាំងឧបត្ថម្ភសង់ផ្ទះជូនគ្រួសារដែលជួបលំបាក ៤៩ ខ្នង។ល។ ប្រាក់ចំណូលមធ្យមលើមនុស្សម្នាក់ៗសម្រេចបាន ៧៤,៤ លាន ដុងក្នុងមួយឆ្នាំ អត្រាគ្រួសារក្រថយចុះនៅត្រឹម ១០៩ គ្រួសារ ក្នុងចំណោម ៩.៣០៩ គ្រួសារ ស្មើនឹង ១,១៧%”។

ស្ថានភាពផលិតកសិកម្ម ជលផលក្នុងឆ្នាំ ២០២៥ មានភាពងាយស្រួលបង្គួរ។ ផ្ទៃដីដែលព្រោះស្រូវសរុបមានជិត ១៤.០០០ ហិកតា ដាំដំណាំបានជាង ៨០២ ហិកតា។ ស្ថានភាពចិញ្ចឹមសត្វបានរក្សាបន្ត និងមានការផ្លាស់ប្តូរពីការចិញ្ចឹមជាលក្ខណៈគ្រួសារ មកការចិញ្ចឹមប្រមូលផ្តុំខ្នាតធំ គុណភាពពូជសត្វចិញ្ចឹមបានកែលម្អជាបណ្តើរៗ ដោយមានការវិវឌ្ឍតាមទិសដៅបង្កើនទិន្នផលនិងគុណភាព។ ជាមួយគ្នានោះ ឃុំបានអនុវត្តព្រមៗគ្នានូវវិធានការបង្ការទប់ស្កាត់ជំងឺឆ្លងរាលដាលលើសត្វចិញ្ចឹមយ៉ាងម៉ឺងម៉ាត់និងមានប្រសិទ្ធភាព។

លោកហឿវុាំងមើុយ នៅភូមិដើមជ្រៃ ឃុំតឹបសើុង រៀបរាប់ឱ្យដឹង៖ “កាលពីមុន ការធ្វើដំណើរនិងការដឹកជញ្ជូនកសិផលមានការលំបាកណាស់។ ឥឡូវ ផ្លូវថ្នល់បានវិនិយោគយ៉ាងសមរម្យ ផ្សារបានបង្កើនកម្រិត ធ្វើឱ្យជីវភាពរបស់មាមីងមានភាពងាយស្រួលជាងមុនឆ្ងាយ។ អាស្រ័យការជំនួយរបស់រដ្ឋ ជនរួមជាតិខ្មែរកាន់តែប្រឹងប្រែងធ្វើការរកស៊ីឈានឡើងចាកភាពក្រីក្រ។ ដើម្បីគាំទ្រចលនាកសាងជនបទថ្មី គ្រួសារខ្ញុំបានបរិច្ចាគដី ២១០ ម៉ែត្រការ៉េ ដើម្បីកសាងផ្លូវជនបទ”។

នាពេលខាងមុខ ឃុំតឹបស៊ើងនឹងបន្តផ្តោតសំខាន់លើការអភិវឌ្ឍសេដ្ឋកិច្ច-សង្គម នៅតំបន់ជនរួមជាតិខ្មែរ ដោយជំរុញខ្លាំងការផ្លាស់ប្តូររចនាសម្ព័ន្ធផលិតកសិកម្មតាមទិសដៅមានប្រសិទ្ធភាពនិងចីរភាព។ បង្កើនការបង្កើតក្រុមសហការ សហករណ៍ ដើម្បីចងសម្ព័ន្ធផលិត ធានាច្រកចេញសម្រាប់កសិផល។ ជាមួយគ្នានោះ នឹងផ្ដុំកម្លាំងកៀរគរប្រភពកម្លាំងវិនិយោគកសាងហេដ្ឋារចនាសម្ព័ន្ធសេដ្ឋកិច្ច-សង្គម អនុវត្តល្អនូវរាល់គោលនយោបាយសម្រាប់ជនរួមជាតិខ្មែរទទួលផលពីកម្មវិធីគម្រោងនានា និងអភិវឌ្ឍន៍វិស័យឧស្សាហកម្ម សិប្បកម្ម ដើម្បីលើកកម្ពស់ជីវភាពរបស់ប្រជាជនឱ្យកាន់តែប្រសើរឡើង៕

សើុងម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ