សុខភាព - អប់រំ អប់រំ

04/12/2025 - 08:31

ផ្ដោតសំខាន់លើការពង្រីកបក្ខជនជនជាតិភាគតិច

គណៈកម្មាធិការបក្សខេត្តកាម៉ាវ កំពុងអនុវត្តសេចក្តីសម្រេចមហាសន្និបាត ជាមួយនឹងការប្តេជ្ញាចិត្តនយោបាយខ្ពស់បំផុតក្នុងឆ្នាំដំបូងអាណត្តិកាល ២០២៥-២០៣០។ ចំណុចសំខាន់របស់គណៈកម្មាធិការបក្សឃុំ សង្កាត់ និងអង្គភាពចំនួន ៦៨ បានកំណត់ច្បាស់ គឺបន្តកសាងបក្សស្អាតស្អំ រឹងមាំ ដោយយកចិត្តទុកដាក់ពិសេសចំពោះការបណ្តុះបណ្តាល ពង្រីកបក្ខជន ក្នុងនោះ ផ្តល់អាទិភាពដល់ជនជាតិភាគតិច។

បក្ខជនជនជាតិភាគតិចពង្រីកតួនាទីឈានមុខ ជាគំរូក្នុងការឃោសនា ចលនាមាមីងជនរួមជាតិខ្មែរកសាងផែនមហាសាមគ្គីជនជាតិនិងភូមិស្រុកសុខសាន្ត។

បក្ខភាគសង្កាត់ហ៊ីបថាញ់ មានបក្ខជន ៦៨០ នាក់ ក្នុងនោះ បក្ខជនជនជាតិភាគតិចមាន ១១៣ នាក់ ក្នុងចំណោមជនជាតិ ទាំង៥៖ ខ្មែរ ហ្វា កើហ តៃនិងណុង។ តាមប្រ សាសន៍លោកង្វៀងជីត្រុង ប្រធានគណៈកម្មការកសាងបក្ស គណៈកម្មាធិការបក្សសង្កាត់ហ៊ីបថាញ់ ការងារបំប៉នមហាជនឆ្នើមនិងបង្កើតប្រភពសម្រាប់ពង្រីកបក្ខជន ពិសេសគឺជនជាតិ ភាគតិចបានចាត់ទុកជាភារកិច្ចមួយដ៏សំខាន់និងចាំបាច់។

នៅឃុំខាញ់ហ៊ឹង គណៈកម្មាធិការបក្សឃុំបន្តចង្អុលការសាខាបក្សក្រោមឱវាទចំនួន ៤៥ យកចិត្តទុកដាក់លើការងារបណ្តុះបណ្តាល បំប៉នមហាជនឆ្នើមដើម្បីចូលក្នុងកងជួរបក្ស។ បច្ចុប្បន្ន ទូទាំងឃុំមានបក្ខជនជនជាតិភាគតិច ២៦ នាក់ ក្នុងនោះ ជនរួមជាតិខ្មែរ ២២ នាក់។ មកដល់បច្ចុប្បន្ន គណៈកម្មាធិការបក្សឃុំខាញ់ហ៊ឹងសម្រេចរួចរាល់ ភាគកម្រិតពង្រីកបក្ខជនឆ្នាំ២០២៥ ក្នុងចំណោមបក្ខជន២០នាក់ ដែលបានចូលកងជួរបក្សមានជនជាតិភាគតិចម្នាក់។ សមមិត្តង្វៀងវិញថាញ់ អនុលេខាប្រចាំការនៃគណៈកម្មាធិការបក្សឃុំខាញ់ហ៊ឹង ឱ្យដឹង៖ “ក្នុងសេចក្តីសម្រេចចិត្តនៃមហាសន្និបាតបក្ខភាគឃុំលើកទី I យើងខ្ញុំបានកំណត់ភាគកម្រិតសំខាន់ៗចំនួន១៥។ ក្នុងនោះ ភាគកម្រិតស្ដីពីការពង្រីកបក្ខជនសម្រេចពី៣% ឡើងទៅ បើប្រៀបធៀបទៅនឹងចំនួនបក្ខជន សរុបរបស់បក្ខភាគ។ ពិសេស នៅពេលកសាង ភាគកម្រិត ៣%នេះ យើងខ្ញុំបានពិចារណានិងយកចិត្តទុកដាក់ពិសេសចំពោះការពង្រីកបក្ខជន ជនជាតិភាគតិច”។

លោកផាមវុាំងបាច់ លេខាសាខាបក្សភូមិកិញដឹងB ឃុំខាញ់ហ៊ឹង ឱ្យដឹង៖ “ភូមិមានជនរួមជាតិ ខ្មែររស់នៅប្រមាណ ៥៧% ហើយការងារបណ្តុះបណ្តាលនិងពង្រីកបក្ខជនជនជាតិភាគតិច តែងបានសាខាបក្សយកចិត្តទុកដាក់អនុវត្ត។ នាពេលកន្លង បក្ខជនជនជាតិភាគតិច ៨/១១ នាក់មិនត្រឹមតែពង្រីកតួនាទីឈានមុខ ជាគំរូក្នុងការចូលរួមការងារនៅភូមិភាគប៉ុណ្ណោះទេ ថែមទាំងសកម្ម ឃោសនា ចលនាមាមីងខ្មែរអនុវត្តល្អនូវគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋ រួមចំណែកកសាងភូមិស្រុកសម្បូរសប្បាយនិងសុខសាន្ត”។

ផ្តោតសំខាន់លើការបណ្តុះបណ្តាលពង្រីកបក្ខជនជនជាតិភាគតិចមិនត្រឹមតែជាភារកិច្ចកសាងបក្សប៉ុណ្ណោះទេ នៅទាំងជាដំណោះស្រាយដ៏សំខាន់មួយដើម្បីពង្រឹងផែនមហាសាមគ្គីទូទាំងជនជាតិ លើកកម្ពស់តួនាទីស្នូលនយោបាយរបស់អង្គការបក្សនៅតំបន់ជនជាតិភាគតិច។ ផ្ដើមពីនោះ ជំរុញការអភិវឌ្ឍសេដ្ឋកិច្ច-សង្គម រក្សាលំនឹងសន្តិសុខនយោបាយ សណ្តាប់ធ្នាប់ សុវត្ថិភាពសង្គមនៅមូលដ្ឋាន៕

យ៉ីអាញ-ទីទុយ

ចែករំលែកអត្ថបទ

ពាក្យគន្លឹះ