មហាសាមគ្គីជនជាតិ ភូមិស្រុកផ្លាស់ថ្មី

25/11/2025 - 07:30

អាងនិញ នាបច្ចុប្បន្ន

ដោយបានផ្សព្វផ្សាយទាន់ពេល និងមានប្រសិទ្ធភាពនូវកម្មវិធីគោលនយោបាយរបស់បក្ស រដ្ឋ និងកិច្ចចង្អុលការយ៉ាងហ្មត់ចត់របស់រដ្ឋអំណាចភូមិភាគ។ ផ្តើមពីនោះ ជីវភាពសម្ភារៈនិងស្មារតីរបស់ប្រជាជននៅឃុំអាងនិញ ទីក្រុងកឹងធើ មានភាពរីកចម្រើន ធ្វើឱ្យទិដ្ឋភាពជនបទ មានភាពផ្លាស់ថ្មីពីមួយថ្ងៃទៅមួយថ្ងៃ។

ផ្លូវគមនាគមន៍នៅឃុំអាងនិញ បានវិនិយោគកសាងយ៉ាងរឹងមាំ។

យើងខ្ញុំរួមជាមួយនឹងកម្មាភិបាលឃុំ ចុះធ្វើបទយកការណ៍អំពីជីវភាពរបស់ប្រជាជននៅឃុំអាងនិញ ក៏បានឃើញច្បាស់នូវភាពផ្លាស់ថ្មីនៃតំបន់ជនបទដែលមានជនរួមជាតិខ្មែររស់នៅកុះករ មានភាពវិវឌ្ឍន៍គួរឱ្យកត់សម្គាល់ ផ្ទះសម្បែង ផ្លូវគមនាគមន៍ សាលារៀន ដំណាក់សុខាភិបាល បានវិនិយោគកសាងរឹងមាំ ជួយឱ្យប្រជាជនធ្វើដំណើរទៅមកមានភាពងាយស្រួល កូនចៅមាមីងបានទៅសិក្សាក្នុងបរិស្ថានអប់រំ ដែលមានសម្ភារៈសិក្សាគ្រប់គ្រាន់។

លោក ត្រឹងថាញញ៉ាង អ្នកនៅភូមិភាគ ចែករំលែក៖ “ពីមុន ជីវភាពប្រជាជននៅជួបការលំបាកច្រើន ផ្លូវដីតូចចង្អៀតនិងភក់ជ្រាំ ជាច្រើនឆ្នាំមកនេះ ដោយបានរដ្ឋយកចិត្តទុកដាក់វិនិយោគកសាង ផ្លូវដីបានជំនួសដោយផ្លូវក្រាលកៅស៊ូនិងបេតុង។ ផ្ទះបណ្តោះអាសន្ន ផ្ទះទ្រុឌទ្រោម ជំនួសដោយផ្ទះឥដ្ឋរឹងមាំ ជួយប្រជាជនរស់នៅបានសុខស្រួល”។

ទន្ទឹមនឹងការវិនិយោគហេដ្ឋារចនាសម្ព័ន្ធជនបទ ក៏មានកម្មវិធីគោលនយោបាយជាច្រើន ដូចជា ឧបត្ថម្ភសាងសង់ផ្ទះ ឧបត្ថម្ភទុនពង្រីកផលិត ក៏បានផ្តោតការយកចិត្តទុកដាក់និងអនុវត្តយ៉ាងមានប្រសិទ្ធភាព។ គ្រួសារបងហាងរ៉ង នៅភូមិបឹងទ្រព្យ A ឃុំអាងនិញ ជាគ្រួសារក្រីក្រ ក្នុងឃុំបានរដ្ឋអំណាចពិនិត្យឧបត្ថម្ភផ្ទះតាម រយៈកម្មវិធីទិសដៅជាតិអភិវឌ្ឍសេដ្ឋកិច្ច-សង្គមនៅតំបន់ជនជាតិភាគតិចនិងតំបន់ភ្នំ ដំណាក់កាលទី១ ឆ្នាំ ២០២១-២០២៥ គាត់ឱ្យដឹង ដោយក្តីរីករាយ៖ “បានរដ្ឋឧបត្ថម្ភប្រាក់៤៤លានដុង ផ្សំនិងប្រាក់សន្សែសន្សំរបស់គ្រួសារ ខ្ញុំសង់បានផ្ទះមួយខ្នងរឹងមាំ ឥឡូវនេះ គ្រួសារខ្ញុំលែងបារម្ភពេលភ្លៀងខ្យល់ដូចមុនទៀត”។ ដោយបានដឹងថា គ្រួសារគាត់ជាគ្រួសារក្រីក្រ ប្រាក់ចំណូល សំខាន់បានមកពីធ្វើការឈ្នួល ប្រាក់ដែលរកបានល្មមតែផ្គត់ផ្គង់ជីវភាពប្រចាំថ្ងៃ ដូច្នេះ គ្មានលទ្ធភាពសាងសង់ផ្ទះ ឥឡូវបានរដ្ឋឧបត្ថម្ភសាងសង់ផ្ទះ ជួយឱ្យគ្រួសារមានផ្ទះនៅលំនឹង ស្ងប់ចិត្តពលកម្មផលិត ដើម្បីឈានឡើងចាកផុតពីភាពក្រីក្រ”។

សមមិត្ត ចូវង៉ុកហ៊ុង អនុប្រធានគណៈកម្មាធិការប្រជាជនឃុំអាងនិញ ឱ្យដឹង៖ ក្រោយពីផ្សព្វផ្សាយអនុវត្តកម្មវិធីគោលនយោបាយរបស់បក្ស រដ្ឋ ឃើញថា ជីវភាពរបស់ប្រជាជននៅក្នុងឃុំ មានការកែលម្អគួរឱ្យកត់សម្គាល់។ ទិដ្ឋភាពជនបទមានភាពរីកចម្រើន ពីមុនផ្លូវដី ឥឡូវនេះបានជំនួសដោយផ្លូវកៅស៊ូ ផ្លូវបេតុង មូលដ្ឋានសុខាភិបាល សាលារៀនបានវិនិយោគកសាង ជួសជុលយ៉ាងសមរម្យនៅគ្រប់ទីកន្លែង។ សម្រេចបានលទ្ធផលដូចពោលខាងលើ គឺអាស្រ័យដោយការយកចិត្តទុកដាក់របស់បក្ស រដ្ឋ និងកិច្ចចង្អុលការយ៉ាងហ្មត់ចត់របស់រដ្ឋអំណាច និងការខិតខំយ៉ាងពេញទំហឹងរបស់ប្រជាជនក្នុងរយៈពេលកន្លង”៕

ថាញវ៉ាង-មុនី

ចែករំលែកអត្ថបទ

ពាក្យគន្លឹះ