មហាសាមគ្គីជនជាតិ ភូមិស្រុកផ្លាស់ថ្មី

15/10/2025 - 08:27

ភាពរីកចម្រើននៅតំបន់ជនរួមជាតិខ្មែរឃុំមីហឿង

ដោយបានផ្សព្វផ្សាយទាន់ពេលនិងមានប្រសិទ្ធភាពនូវកម្មវិធី គោលនយោបាយរបស់បក្ស រដ្ឋ របៀបធ្វើសមស្របរបស់រដ្ឋអំណាចភូមិភាគ និងការស្រុះស្រួលរបស់ប្រជាជនក្នុងដំណើរការអនុវត្ត។ ផ្តើមពីនោះ ទិដ្ឋភាពជនបទឃុំមីហឿង ទីក្រុងកឹងធើ មានភាពរីកចម្រើនច្រើន មូលដ្ឋានសម្ភារៈនិងស្មារតីរបស់ប្រជាជនបានលើកកម្ពស់ដោយឥតឈប់ឈរ។

ដងផ្លូវនៅឃុំមីហឿង ទីក្រុងកឹងធើ បានកសាងរឹងមាំជួយឱ្យមាមីងធ្វើដំណើរទៅមកបានងាយស្រួល ទិដ្ឋភាពជនបទកាន់តែស្រស់បំព្រង។

មកកាន់ឃុំមីហឿង ទីក្រុងកឹងធើ ក្នុងអំឡុងពេលនេះ យើងនឹងឃើញច្បាស់នូវភាពផ្លាស់ថ្មីនៃតំបន់ជនបទដែលមានជនរួមជាតិខ្មែររស់នៅកុះករ ដោយមានផ្ទះឥដ្ឋ ដំបូលប្រក់ស័ង្កសីសមរម្យ ផ្លូវ សាលារៀន ដំណាក់សុខាភិបាលបានវិនិយោគកសាងរឹងមាំ ជីវភាពស្មារតីរបស់ប្រជាជនកាន់តែបានលើកកម្ពស់ពីមួយថ្ងៃទៅមួយថ្ងៃ។ និយាយអំពីភាពផ្លាស់ថ្មីរបស់ស្រុកកំណើត លោកត្រឹងវុាំងឌឹក នៅភូមិប៊ូលៀង ៣ ឃុំមីហឿង ឱ្យដឹង៖ “ពីមុន ជីវភាពរបស់ប្រជាជននៅមានការលំបាកច្រើន ការផលិតនៅឱនថយ ផ្លូវតូចចង្អៀត និងភក់ជ្រាំ ប៉ុន្តែប៉ុន្មានឆ្នាំមកនេះ បានរដ្ឋយកចិត្តទុកដាក់ វិនិយោគកសាងផ្លូវ ការធ្វើដំណើរទៅមកនិងដោះដូរទំនិញរបស់ប្រជាជនមានភាពងាយស្រួលជាង ផ្តើមពីនោះ ជីវភាពរបស់មាមីងក៏មានការរីកចម្រើងផងដែរ។

តាមប្រសាសន៍សមមិត្ត គីមិញធី ប្រធានគណៈកម្មាធិការប្រជាជនឃុំមីហឿង ឆ្នាំ២០២៣ ឃុំបានថ្នាក់លើវិនិយោគកសាងដងផ្លូវភូមិបាន២ គឺនៅភូមិដៃដូនអ៊ុយ និងភូមិត្រាលៃចាស់ គិតជាថវិកាសរុបជាង ៣ ពាន់លានដុងពីគម្រោង៤ និងកម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គម នៅតំបន់ជនជាតិភាគតិចនិងតំបន់ភ្នំ ដំណាក់កាល I ឆ្នាំ២០២១-២០២៥។

ទន្ទឹមនឹងការវិនិយោគហេដ្ឋារចនាសម្ព័ន្ធជនបទ គម្រោងទី១អំពីឧបត្ថម្ភសង់ផ្ទះ ដីសង់ផ្ទះ និងផ្លាស់ប្តូរមុខរបរ។ល។ ឃុំផ្សព្វផ្សាយអនុវត្តបានទាន់ពេល ដើម្បីជួយប្រជាជនមានលក្ខណៈផលិត ឈានឡើងចាកភាពក្រីក្រ។ ឆ្នាំ២០២២-២០២៣ ដោយមានការឧបត្ថម្ភរបស់ថ្នាក់លើ ឃុំមីហឿង បានធ្វើការចលនាឧបត្ថម្ភសង់ផ្ទះជូនគ្រួសារក្រីក្រ គ្រួសារលំបាកបាន១០២ខ្នង ឧបត្ថម្ភផ្លាស់ប្តូររបរបាន៤៥គ្រួសារ និងឧបត្ថម្ភទឹកស្អាតប្រើប្រាស់បាន៥៦គ្រួសារ គិតជាថវិកាសរុបជាង៤ពាន់លានដុង។

បងស្រីសើុងធីហុងអាញ នៅភូមិដៃដូនអ៊ុយ ឃុំមីហឿង ជាគ្រួសារបានទទួលផលពីគោលនយោបាយ ឱ្យដឹងដោយក្តីរីករាយ៖ “ដោយសារបានរដ្ឋឧបត្ថម្ភ៤៤លានដុង ផ្សំនិងប្រាក់សន្សែសន្សុំខ្ញុំសង់បានផ្ទះមួយខ្នងរឹងមាំ ឥឡូវពេលមេឃភ្លៀង ខ្ញុំមិនបារម្ភទៀតឡើយ”។ ដោយបានដឹងថា បងស្រីសើុងធីហុងអាញ ជាគ្រួសារក្រីក្រ គ្មានដីផលិត ប្រាក់ចំណូលសំខាន់បានមកពីធ្វើការឈ្នួល ប្រាក់ដែលរកបានគ្រាន់តែគ្រប់ហូបចុកប្រចាំថ្ងៃប៉ុណ្ណោះ ម្ល៉ោះហើយគ្មានលទ្ធភាពសង់ផ្ទះទេ។ ឥឡូវបានរដ្ឋអំណាចជ្រើសឧបត្ថម្ភសង់ផ្ទះឱ្យជួយគ្រួសារគាត់ស្ងប់ចិត្តផលិត ឈានឡើងចាកផុតពីភាពក្រីក្រ។

សមមិត្ត គីមិញធី ប្រធានគណៈកម្មាធិការប្រជាជនឃុំមីហឿង ឱ្យដឹង៖ “ច្រើនឆ្នាំកន្លង ដោយសារផ្សព្វផ្សាយអនុវត្តមានប្រសិទ្ធភាពនូវកម្មវិធីនិងគម្រោង ទើបជីវភាពរបស់ប្រជាជននៅក្នុងឃុំមានការរីកចម្រើន។ អត្រាគ្រួសារក្រ គ្រួសារក្បែរក្រ ថយចុះគួរឱ្យកត់សម្គាល់ ការងារបណ្តុះបណ្តាល ដោះស្រាយការងារធ្វើសម្រេចតាមលក្ខឋានដែលបានដាក់ចេញ។ល។ សម្រេចបានលទ្ធផលដូចពោលខាងលើ គឺអាស្រ័យដោយការយកចិត្តទុកដាក់វិនិយោគរបស់បក្ស រដ្ឋ ការខិតខំរបស់រដ្ឋអំណាចភូមិភាគ និងឆន្ទៈឈានឡើងរបស់ប្រជាជននៅភូមិភាគ៕

ថាញវ៉ាង-វិមាន

ចែករំលែកអត្ថបទ

ពាក្យគន្លឹះ