សុខភាព - អប់រំ អប់រំ

01/10/2025 - 08:30

អ្នកគ្រូអស់ពីចិត្តជាមួយសិស្សតំបន់ជនរួមជាតិ

ប្រឹងប្រែងអស់ពីចិត្តនឹងអាជីព ស្រឡាញ់សិស្ស ទាំងនេះគឺជាការបញ្ជាក់របស់មិត្តរួមអាជីព ពេលពោលពីអ្នកគ្រូឌិញធីមីហ្វា ចាងហ្វាងរងសាលាបឋមសិក្សាតឹងហឹង C ឃុំតឹងថាញ់ ទីក្រុងកឹងធើ។

អ្នកគ្រូ ឌិញធីមីហ្វា ចាងហ្វាងរងសាលាបឋមសិក្សាតឹងហឹង C ឃុំតឹងថាញ់ ទីក្រុងកឹងធើ កំពុងពិភាក្សាជាមួយអ្នកសារព័ត៌មាន។

កើតនិងធំដឹងក្តីនៅតំបន់ជនបទភូមិតឹងលិត ឃុំតឹងថាញ់ ទីក្រុងកឹងធើ។ ឆ្នាំ ១៩៩០ ក្រោយពីបញ្ចប់ការសិក្សាគរុកោសល្យ អ្នកគ្រូឌិញធីមីហ្វា បានចាត់មកបង្រៀននៅសាលាអនុវិទ្យាល័យវិទ្យាល័យតឹងហឹង ស្រុកឡុងភូ ខេត្តសុកត្រាំង (ចាស់) លុះឆ្នាំ ២០០០ អ្នកគ្រូបានចាត់មកបង្រៀននៅសាលាបឋមសិក្សាតឹងហឹង C ឃុំតឹងថាញ់ ឆ្នាំ ២០០១ បានតែងតាំងជាចាងហ្វារងរហូតមកដល់សព្វថ្ងៃ។

អ្នកគ្រូ ឌិញធីមីហ្វា ចាងហ្វាងរងសាលាបឋមសិក្សាតឹងហឹងC ឃុំតឹងថាញ់ ឱ្យដឹង៖ “ភារកិច្ច របស់ខ្ញុំ គឺធានាសកម្មភាពជំនាញវិជ្ជាជីវៈរបស់សាលាដំណើរការមានរបៀបរៀបរយ។ ប្រការសំខាន់បំផុតគឺត្រូវបង្កជាកម្លាំងជំរុញ ដើម្បីលោកគ្រូអ្នកគ្រូបន្តការផ្លាស់ថ្មីវិធីសាស្ត្របង្រៀន ជួយសិស្សអភិវឌ្ឍសមត្ថភាពគ្រប់ផ្នែក”។ ក្នុងការងារជំនាញ អ្នកគ្រូជំនួយការដល់ចាងហ្វាងក្នុងការរៀបចំ គ្រប់គ្រងនិងដឹកនាំសកម្មភាពបង្រៀន ធានាគុណភាពអប់រំរបស់សាលាក្នុងក្របខ័ណ្ឌដែលបានចាងហ្វាងប្រគល់ភារកិច្ច; សហការជាមួយចាងហ្វាងបង្កើតផែនការអប់រំសម្រាប់ឆ្នាំសិក្សាឱ្យបានសមស្របនឹងលក្ខណៈជាក់ស្តែងរបស់សាលា; ផ្សព្វផ្សាយផែនការបង្រៀន បែងកម្មវិធី កាលបរិច្ឆេទ; ណែនាំគ្រូបង្រៀនអនុវត្តកម្មវិធីផ្លាស់ថ្មីវិធីសាស្ត្របង្រៀនតាមទិសដៅអភិវឌ្ឍសមត្ថភាពសិស្ស; ចាត់តាំងចូលរួមពិនិត្យ វាយតម្លៃម៉ោងបង្រៀន ពិនិត្យតាមដានថ្នាក់រៀន វាយតម្លៃគុណភាពបង្រៀន; រៀបចំប្រជុំក្រុមជំនាញវិជ្ជាជីវៈតាមកាលកំណត់ ដាស់តឿនគ្រូបង្រៀនអនុវត្តយ៉ាងម៉ឺងម៉ាត់សកម្មភាពជំនាញវិជ្ជាជីវៈ ចង្អុលការដល់គ្រូបង្រៀនប្រចាំថ្នាក់ ត្រួតពិនិត្យនិងវាយតម្លៃតាមកាលកំណត់ចំពោះ សិស្សត្រូវតាមសេចក្តីកំណត់។

លោកគ្រូ យ៉េបថាញហាយ ចាងហ្វាងសាលាបឋមសិក្សាតឹងហឹងC ឱ្យដឹង៖ “ក្រៅពីជាជំនួយការចាងហ្វាងក្នុងការងារគ្រប់គ្រងសាលា ជាមួយនឹងតួនាទីជាចាងហ្វាងរង អ្នកគ្រូឌិញធីមីហ្វា តែងធ្វើជាគំរូ ប្រឹងប្រែងអស់ពីចិត្តដើម្បីសិស្ស; បង្កើតភាពសាមគ្គីក្នុងសមូហភាពសាលា មិនបង្អង់ក្នុងការសិក្សារៀនសូត្រដើម្បីបង្កើនកម្រិតជំនាញវិជ្ជាជីវៈ ផ្លាស់ថ្មីវិធីសាស្ត្របង្រៀន”។

កន្លងរយៈកាល ៣៦ ឆ្នាំ ផ្សារភ្ជាប់នឹងអាជីព បណ្តុះបណ្តាលធនធានមនុស្ស ចាប់ពីការងារគ្រូ បង្រៀនរហូតដល់កាន់តួនាទីចាងហ្វាងរង ទោះបីនៅអង្គភាពនិងតួនាទីណាក៏ដោយ អ្នកគ្រូតែង អនុវត្តសម្រេចឆ្នើមភារកិច្ច ជាគំរូសម្រាប់សិស្ស និងមិត្តរួមអាជីពយកតម្រាប់តាម។

ជាមួយនឹងស្នាដៃសម្រេចបានក្នុងការងារបង្ហាត់បង្រៀន ជាច្រើនឆ្នាំកន្លង អ្នកគ្រូឌិញធីមីហ្វា មានកិត្តិយសទទួលបានប័ណ្ណសរសើរនិងលិខិតសរសើររបស់ផ្នែកអប់រំ ទទួលបានប័ណ្ណសរសើររបស់ គណៈកម្មាធិការប្រជាជនស្រុកឡុងភូ ខេត្តសុកត្រាំង (ចាស់)។ អ្នកគ្រូមីហ្វា នៅទាំងបានដឹងថា ជាអ្នកសកម្មចូលរួមយ៉ាងពុះពោររាល់សកម្មភាពចលនា ដែលសាលានិងភូមិភាគបំផុស។ល។ ជាពិសេសបានមិត្តរួមអាជីពនិងសិស្សគោរពរាប់អាន៕

ដាលីន-មុនី

ចែករំលែកអត្ថបទ

ពាក្យគន្លឹះ