មហាសាមគ្គីជនជាតិ គំរូក្នុងសហគមន៍

10/09/2025 - 09:21

លោកសើុងសាង គំរូលេចធ្លោនៅសុងឡុក

លោកសើុងសាង នៅភូមិបត់ចេក ឃុំសុងឡុក ខេត្តវិញឡុង ជាច្រើនឆ្នាំកន្លង បានរដ្ឋអំណាចភូមិភាគនិងប្រជាជនបោះឆ្នោតជ្រើសជាអ្នកមានប្រិយភាព។ មិនត្រឹមតែផ្សារភ្ជាប់ជាមួយមាមីងប៉ុណ្ណោះទេ គាត់នៅទាំងជាគំរូឈានមុខក្នុងការចលនាកសាងជនបទថ្មី រួមចំណែកពង្រឹងផែនមហាសាមគ្គីនៅភូមិភាគ។

ដងផ្លូវកៅស៊ូមានការរួមចំណែកគ្រួសារលោកសើុងសាងបរិច្ចាគដី។

ជាមួយនឹងស្មារតីទទួលខុសត្រូវ លោកសើុងសាង ខ្នះខ្នែងចលនាមាមីងក្នុងភូមិអនុវត្តគោលការណ៍ គោលមាគ៌ារបស់បក្ស គោលនយោបាយនិងច្បាប់របស់រដ្ឋ និងគាំទ្រការចលនាដែលភូមិភាគបំផុស។ ដើម្បីអនុវត្តល្អការងារចលនា គាត់ជាអ្នកនាំមុខបរិច្ចាគដើមដូង១៨ដើមនិងដីជាង៦០០ម៉ែត្រការ៉េ ដើម្បីធ្វើផ្លូវគមនាគមន៍។ លោកសើុងសាង ឱ្យដឹង៖ “ដីមានតម្លៃ ប៉ុន្តែខ្ញុំបានកំណត់ច្បាស់ថា បើចង់ឱ្យភូមិភាគមានការអភិវឌ្ឍ ប្រជាជនគ្រប់រូបត្រូវព្រួតដៃចូលរួម ពិសេសគឺបក្ខជននិងអ្នកមានប្រជាប្រិយ។ ហេតុនេះ ខ្ញុំស្ម័គ្រចិត្តបរិច្ចាគដីនិងដើមឈើ ដើម្បីកសាងសំណង់គមនាគមន៍។ ជាមួយតួនាទីអ្នកមានប្រិយភាពនៅក្នុងភូមិ ខ្ញុំមិនបង្អង់ពង្រីកស្មារតី គំរូនាំមុខក្នុងការអនុវត្តភារកិច្ចអភិវឌ្ឍសេដ្ឋកិច្ច-សង្គម។ ក្រៅពីនោះ ខ្ញុំតែងផ្សព្វផ្សាយដល់មាមីងលើកកម្ពស់ស្មារតីប្រុងប្រយ័ត្ន មិនស្តាប់តាមការញុះញង់របស់ជនអាក្រក់ ដើម្បីរក្សាលំនឹងសន្តិសុខនយោបាយ សណ្តាប់ធ្នាប់ សុវត្ថិភាពសង្គមនៅភូមិភាគ”។

លោកសើុងសាង (អ្នកទី៣ខាងស្តាំង) កំពុងពិភាក្សាជាមួយកម្មាភិបាលឃុំសុងឡុក
ខេត្តវិញឡុង។

ទន្ទឹមនឹងនោះ គាត់ក៏បានផ្សព្វផ្សាយដល់មាមីង បង្ហាញឱ្យឃើញច្បាស់ពីប្រសិទ្ធភាពនៃការបង្វែររចនាសម្ព័ន្ធផលិតកសិកម្ម ដើម្បីមាមីងមិនរារែកនាំយកពូជដំណាំ សត្វចិញ្ចឹមដែលមានតម្លៃសេដ្ឋកិច្ចខ្ពស់មកអនុវត្តក្នុងការបង្កបង្កើនផល។

លោកគឹមសុភាព ប្រធានភូមិបត់ចេក បញ្ជាក់៖ “លោកសើុងសាង គឺជាសមាជិកគណៈកម្មការវត្ត ព្រះបន្លាជ័យនិងជាអ្នកមានប្រជាប្រិយនៅភូមិភាគ។ គាត់តែងយកចិត្តទុកដាក់ដល់ការរៀនសូត្ររបស់ព្រះសង្ឃក្នុងវត្តនិងជីវភាពរបស់មាមីងនៅក្នុងភូមិ ដូច្នេះ គាត់តែងបានមាមីងខ្មែរស្រឡាញ់រាប់អាន។ ការរួមចំណែករបស់លោកសើុងសាង ទទួលបានការស្ងើចសរសើរនិងជូនរង្វាន់របស់ប្រធានគណៈកម្មាធិការប្រជាជនឃុំសុងឡុក និងបានប្រជាជនបោះឆ្នោតជ្រើសជាអ្នកមានប្រិយភាពក្នុងសហគមន៍ជនរួមជាតិនៅភូមិបត់ចេកជាច្រើនឆ្នាំកន្លងមក”។

អ្នកស្រី ង្វៀងធីយ៉េមធើ អនុប្រធានគណៈកម្មាធិការរណសិរ្សមាតុភូមិវៀតណាម ឃុំសុងឡុក ឱ្យដឹង៖ “យើងខ្ញុំស្ងើចសរសើរពីទង្វើល្អរបស់លោកសើុងសាង បានស្ម័គ្រចិត្តបរិច្ចាគដីដើម្បីបើកទូលាយផ្លូវគមនាគមន៍ជនបទ។ នេះមិនត្រឹមជាការរួមចំណែកជាក់ស្តែងសម្រាប់សហគមន៍ប៉ុណ្ណោះទេ ថែមទាំងបង្ហាញពីស្មារតីគំរូនាំមុខក្នុងការចលនាកសាងជនបនថ្មី។ ទង្វើល្អរបស់លោកសើុងសាង មានភាពសាយភាយខ្លាំង ប្រការនេះ បញ្ជាក់ឱ្យឃើញថា ក្នុងសហគមន៍ជនរួមជាតិខ្មែរ ស្មារតីសាមគ្គី ការចែករំលែកនិងផលប្រយោជន៍ រួមតែងបានរក្សានិងពង្រីក។ គំរូរបស់គាត់បានប្រជាជនធ្វើតាម ត្រៀមលក្ខណៈព្រួតដៃរួមកម្លាំងជាមួយភូមិភាគ។ រណសិរ្សមាតុភូមិវៀតណាម ឃុំបានកត់សម្គាល់និងស្ងើចសរសើរ ហើយរំពឹងថានឹងមានគំរូជាច្រើនទៀតដូចលោកសើុងសាង ដើម្បីកសាងមាតុភូមិកាន់តែសម្បូរសប្បាយ អភិវឌ្ឍចីរភាពនិងស៊ីវិល័យ”៕

អត្ថបទនិងរូបថត៖ សើុងម៉ាល័យ-មុនី

ចែករំលែកអត្ថបទ

ពាក្យគន្លឹះ