កីឡា - ទេសចរណ៍ កីឡា

29/08/2025 - 08:45

បាល់ទះនារីវៀតណាម បង្កើតប្រវត្តិសាស្ត្រ

ក្រុមជម្រើសបាល់ទះនារីវៀតណាម បានក្រឡាស់ស្ថានភាពដោយស្មានមិនដល់លើក្រុមជើងឯក ទ្វីបអាស៊ី ជើងឯក Seagame ថៃ ដើម្បីគ្រងតំណែងជើងឯកដំណាក់កាល២ Sea V.League ២០២៥។ មិនចាញ់រៀមច្បងនោះទេ ក្រុមជម្រើស U ២១ ក៏បានបង្ក “ភាពចម្លែក” នៅពានរង្វាន់បាល់ទះ U ២១ ពិភពលោក។

ក្រុមជម្រើសបាល់ទះនារីវៀតណាម ឈ្នះជើងឯកដំណាក់កាល ២ SEA V.League ២០២៥។|
រូប៖ កាសែតប្រជាជន

ជ័យជម្នះដ៏អង់អាចរបស់ក្រុមជម្រើសបាល់ទះនារីវៀតណាម លើក្រុមថៃបាននាំមកនូវក្តីរីករាយឥតឧបមាចំពោះអ្នកគាំទ្រ។ ក្រោយពីត្រូវថៃនាំមុខ២សិត កីឡាការិនីថាញធ្វី ប៊ិតត្វៀង និងមិត្តរួមក្រុមបានយកឈ្នះយ៉ាងមុតមាំដើម្បីបង្កើតជាប្រវត្តិសាស្ត្រ។ ឈានចូលសិតផ្ដាច់ព្រ័ត្រ គ្មានអ្វីបាត់បង់ទៀត គ្រូបង្វឹកង្វៀងត្វឹងកៀក ឱ្យកីឡាការិនីវ៉ីធីញ៉ឺហ្វិញចូលប្រកួត។ ផ្តើមពី “ភាពអត់ធ្មត់” របស់ញ៉ឺហ្វិញ បានធ្វើឱ្យផ្លាស់ប្ដូរស្ថានភាពនៃការប្រកួត។ ការស្ទាក់ស្ទើរក្នុងការការពារ មិនយល់ចិត្ដគ្នាពេលវាយលុក និងទទួលបាល់ជំហាននីមួយត្រូវបានជម្នះឡើងវិញ។ ខណៈទូទាំងក្រុមចាប់បានសង្វាក់ យុទ្ធសាស្រ្តវាយលុកក៏នាំមកប្រសិទ្ធភាព។ កីឡាការិនីប៊ិតត្វៀង ញ៉ឺហ្វិញ ប៊ិតធ្វី ធីត្រិញ និងថាញធ្វី៘ ជំនួសគ្នាដណ្ដើមបានពិន្ទុ បង្កើតប្រវត្តិសាស្ត្រ គឺ៖ លើកដំបូងក្រោយរយៈពេល២៥ឆ្នាំ យកឈ្នះលើក្រុមជម្រើសបាល់ទះនារីថៃដើម្បីគ្រងតំណែងជើងឯក។ នេះមិនត្រឹមតែជាគំនូសបញ្ជាក់ពីជំហានវិវឌ្ឍន៍ដ៏ធំសម្រាប់បាល់ទះនារីប្រទេសយើងនោះទេ ថែមទាំងបានរំសាយអារម្មណ៍របស់កីឡាការិនី នៅពេលប្រឈមមុខនឹងកីឡាការិនីនៃប្រទេសថៃទៀតផង។ មុនវគ្គផ្តាច់ព្រ័ត្រ ក្រុមជម្រើសរបស់យើង លើកដំបូងបានឈានឡើងលំដាប់ថ្នាក់ទី២២ពិភពលោក តាមប្រកិតក្រុមជម្រើសថៃ។ គម្លាតពិន្ទុនឹងត្រូវបានបំប្រួញចុះក្រោយពីការប្រកួតឈ្នះនេះ។

ក្រុមជម្រើសបាល់ទះនារី U ២១ វៀតណាម ក៏បានធ្វើឱ្យភ្ញាក់ផ្អើលដល់អ្នកចូលចិត្តកីឡាបាល់ទះផងដែរ ខណៈពេលយកឈ្នះលើគូប្រកួតដែលមានប្រៀបខ្លាំងគឺ៖ សាធារណរដ្ឋ Dominica, Serbia កាណាដា៘ នៅពានរង្វាន់ U២១ ពិភពលោក។ ក្រុមបាល់ទះប្រទេសយើងត្រូវបានចាត់ជាក្រុម “ទ្រនាប់ផ្លូវ” តែបានយកឈ្នះលើគូប្រកួតជើងខ្លាំងជាច្រើនដើម្បីឈានឡើងលំដាប់ថ្នាក់ទី២៥ពិភពលោក។ ចំណុចពិសេសរបស់ក្រុមជម្រើស U២១ នោះគឺស្មារតីប្រកួត។ កីឡាការិនីពិតជាជឿជាក់លើខ្លួនឯងក្នុងការវាយលុកស្មារតីនឹងធឹងនៅពេលការពារនិងជម្នះបាន កំហុសបច្ចេកទេសនៃជំហានទទួលបាល់ទីមួយ។ យុទ្ធសាស្ត្រប្រកួតរបស់U២១ វៀតណាមក៏បានល្អប្រសើរ។ ប្រសិនទទួលបានការបំប៉នហ្មត់ចត់ ដូចជាកីឡាការិនី ញ៉ឺអាញ ផាមហ្វិញហឿង ឡាងវ៉ី អាញ់ថាវ ថ្វីឡិន កេវវ៉ី៘ ថ្ងៃមុខអាចនឹងស្នងបន្តរៀមច្បងក្រុមជម្រើសវៀតណាមជាមិនខាន។ លើកដំបូងចេញប្រកួតទ្រង់ទ្រាយធំ U២១ វៀតណាម បានធ្វើឱ្យអ្នកគាំទ្រពិតជាមានមោទនៈភាពណាស់។ នេះគឺជាស្រទាប់កីឡាការិនីវ័យក្មេងពោរពេញដោយទេពកោសល្យ៕

ហាថាញ-ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ