កីឡា - ទេសចរណ៍ កីឡា

28/04/2025 - 10:08

កីឡាការិនី Chen Yu Fei ត្រឡប់មកវិញ

ក្រោយពីព្រឹត្តិការណ៍អូឡាំពិកនៅប្រទេសបារាំង កីឡាការិនីវាយសីជនជាតិចិន Chen Yu Fei ជាអតីតកីឡាករលេខ១ពិភពលោក បានស្នើសុំរក្សាពិន្ទុរបស់ខ្លួននិងសុំផ្អាកប្រកួតមួយរយៈ ដើម្បីទៅបន្តការសិក្សានៅប្រទេសក្រៅ។ បន្ទាប់ពីបញ្ចប់ថ្នាក់អនុបណ្ឌិតនៅប្រទេសអូស្ត្រាលី Chen ត្រឡប់មកជាមួយនឹងទម្រង់លេងគួរឱ្យចាប់អារម្មណ៍។

 កីឡាការិនី Chen Yu Fei។ រូបថត៖ អីនធឺណិត

បន្ទាប់ពីយកឈ្នះមេដាយមាសក្នុងព្រឹត្តិការណ៍អូឡាំពិក ឆ្នាំ ២០២០ នៅប្រទេសជប៉ុន រហូតដល់អូឡាំពិកនៅប្រទេសបារាំង Chen ប្រកួតមិនបានជោគជ័យ។ ម្ល៉ោះហើយ នាងរងការរិះគន់មិនតិចពីអ្នកគាំទ្រឡើយ។ សម្ពាធពីអ្នកគាំទ្រ រួមជាមួយនឹងបន្ទុកពេលវេលានៃការប្រកួតជាបន្តបន្ទាប់ ធ្វើឱ្យបះពាល់ដល់អារម្មណ៍របស់ Chen។ ក្នុងការប្រកួតនៅវគ្គបន្តបន្ទាប់ទៀត នាងប្រកួតមិនបានល្អ ព្រោះគ្មានកម្លាំងចិត្ត។ សម្រាប់អត្តពលិកជំនាញ ការប្រកួតហួសចំណុះ មិនត្រឹមតែធ្វើឱ្យទម្រង់លេងធ្លាក់ចុះនិងប៉ះពាល់ការប្រកួតប៉ុណ្ណោះទេ ថែមទាំងកាត់បន្ថយប្រាក់ចំណូលពីកិច្ចសន្យាផ្សាយពាណិជ្ជកម្មផងដែរ។ Chen សម្រេចចិត្តសុំផ្អាកប្រកួតមួយរយៈ ក៏ទទួលបានការយល់ព្រមពីសំណាក់គណៈគ្រូបង្វឹកកីឡាវាយសីចិន។

រយៈកាលជាង ១០ ឆ្នាំប្រកួតកម្រិតកំពូល Chen ធ្លាប់រងរបួសធ្ងន់ជាច្រើនលើក ក្នុងនោះ ក៏មានរងរបួសលៀនទ្រនាប់ឆ្អឹងខ្នង។ ដូច្នេះហើយ ពេលនាងសុំផ្អាកប្រកួតក្នុងវ័យ ២៦ ឆ្នាំ មានអ្នកខ្លះលើកឡើងថា Chen នឹងបញ្ចប់អាជីពកីឡាវាយសី។ ការលាលែងពីអាជីពប្រកួតកីឡាជំនាញរបស់ Chen ទទួលបានការគាំទ្រខ្ពស់ ពីព្រោះនាងសមុច្ច័យបានពានសព្វគ្រប់ទាំងក្នុង និងក្រៅប្រទេស។ ប៉ុន្តែ គណៈគ្រូបង្វឹកតែងលើកទឹកចិត្តនាងកុំបោះបង់ការប្រកួត។

បញ្ចប់ថ្នាក់អនុបណ្ឌិតនៅប្រទេសអូស្ត្រាលី ត្រឡប់មកវិញត្រឹមតែ ១ ខែ កីឡាការិនី Chen យកឈ្នះពានជើងឯក Super ៥០០ នៅប្រទេសស្វីស និងបានឈានចូលវគ្គផ្តាច់ព្រ័ត្រនៃការប្រកួតជើងឯកអាស៊ី ឆ្នាំ ២០២៥។ ដំណើរការប្រកួតចូលដល់វគ្គផ្តាច់ព្រ័ត្ររបស់នាង គឺមិនមែនជាការងាយស្រួលទេ ពីព្រោះ មានគូប្រកួតវ័យក្មេង ហើយកំពុងប្រកួតឡើងដៃជាច្រើន។ ពិសេស បានជួបនឹងកីឡាការិនីធ្លាប់ប្រកួតប្រជែងយកពានពីមុន គឺកីឡាការិនីឆ្មាយន្ត Yamaguchi របស់ជប៉ុន។ កីឡាការិនីឆ្មាយន្ត ក៏ទើបត្រឡប់មកវិញបន្ទាប់ពីសម្រាក់មួយរយៈដោយសាររងរបួស នាងមានពេលហាត់សមបានយូរជាង Chen ដូច្នេះ អ្នកគាំទ្រសង្កេតឃើញថា ឆ្មាយន្តនឹងមានប្រៀបជាង។ ប៉ុន្តែ ត្រឹមតែ ២ សិត Chen ផ្តួលឆ្មាយន្ត ឈានចូលវគ្គផ្តាច់ព្រ័ត្រ។ ពេលប្រកួតជាមួយ Han Yue កីឡាការិនីរួមស្រុកកំណើត Chen ចាញ់ពិន្ទុយ៉ាងចាស់ដៃនៅសិតទី ១។ មុននឹងយកឈ្នះលើ Han នៅ ២ សិតក្រោយ នាងបានក្រឡាស់ស្ថានភាពជោគជ័យ ដើម្បីគ្រងតំណែងជើងឯកអាស៊ី។

ប្រសិនបើរក្សាទម្រង់លេងបានល្អដូចសព្វថ្ងៃ នោះ Chen គឺជាការរំពឹងរបស់កីឡាវាយសីចិនសម្រាប់ខ្លឹមសារឯកត្តជននារីក្នុងព្រឹត្តិការណ៍អូឡាំពិកនាពេលខាងមុខ។ ការត្រឡប់មកវិញរបស់កីឡាការិនី Chen ធ្វើឱ្យអ្នកគាំទ្រសប្បាយចិត្តខ្លាំងណាស់ ពីព្រោះនាងមានទម្រង់លេងល្អ។ នាងតែងផ្តល់តម្លៃដល់គូប្រកួតនិងអ្នកគាំទ្រ។ Chen មិនដែលមានប្រតិកម្មនៅលើព្រលាន។ល។ នាងមានស្មារតីនឹងនរ រីករាយស្រស់ស្រាយគួរឱ្យស្រឡាញ់ ដូច្នេះ នៅរាល់ការប្រកួតដែលមានវត្តមានរបស់ Chen តែងទទួលបានការគាំទ្រយ៉ាងពេញទំហឹងពីសំណាក់ទស្សនិកជន៕

ហាថាញ-មុនី

ចែករំលែកអត្ថបទ

ពាក្យគន្លឹះ