មហាសាមគ្គីជនជាតិ គំរូក្នុងសហគមន៍

21/10/2024 - 15:50

ជម្នះការលំបាកដើម្បីផ្សាយព័ត៌មានទាន់ពេលជូនប្រជាជន

ទោះបីមិនធ្លាប់បានឆ្លងកាត់ការបណ្ដុះបណ្ដាល ឬហ្វឹកហាត់អំពីព័ត៌មានមូលដ្ឋាន ប៉ុន្តែ បងស្រី ង្វៀងធីវ៉នហ្គា បានជម្នះគ្រប់ឧបសគ្គ ដើម្បីផ្សាយព័ត៌មានសំខាន់ចាំបាច់ជូនប្រជាជននៅទីប្រជុំជនកូវង៉ាង ស្រុកកូវង៉ាង ខេត្តត្រាវិញ បានទៀងទាត់។

បងស្រី ង្វៀងធីវ៉នហ្គា។

បងស្រី ង្វៀងធីវ៉នហ្គា បច្ចុប្បន្នជាអនុប្រធានគណៈឃោសនាអប់រំ វប្បធម៌ កីឡា និងផ្សាយសំឡេងនៅគណៈកម្មាធិការប្រជាជនទីប្រជុំជនកូវង៉ាង។ នៅឆ្នាំ ២០២០ បងស្រី វ៉នហ្គា ក៏ចាប់ផ្ដើមទទួលរ៉ាប់រងការងារផ្សាយសំឡេងរបស់ទីប្រជុំជនកូវង៉ាង ស្របជាមួយនឹងដំណាក់កាលនៃការផ្ទុះរាលដាលជំងឺ COVID - ១៩ ។ ទោះបីកាលនោះ បងស្រីមិនទាន់ឆ្លងកាត់វគ្គបណ្ដុះបណ្ដាល ឬហ្វឹកហាត់អំពីការងារផ្សព្វផ្សាយក៏ដោយ ប៉ុន្តែជាមួយនឹងភាពចាំបាច់នៃការងារផ្សព្វផ្សាយព័ត៌មានជូនប្រជាជន យល់ដឹងពីវិធីបង្ការប្រឆាំងជំងឺរាតត្បាតត្រូវរបៀប និងនាំមកប្រសិទ្ធភាព បងស្រី វ៉នហ្គា ក៏បានប្រឹងប្រែងអស់ពីកម្លាំងកាយចិត្តចំពោះការងារមួយនេះ។ ថ្វីដ្បិតឧបករណ៍ចាស់ធ្លាក់ចុះគុណភាពក៏ដោយ ប៉ុន្តែស្រីវ៉នហ្គា ឱ្យដឹង ពិតជាមានសំណាងខ្លាំងណាស់ ឧបករណ៍ទាំងនោះដំណើរការយ៉ាងរលូនក្នុងយុទ្ធនាការផ្សព្វផ្សាយបង្ការ ប្រឆាំងជំងឺ COVID - ១៩ ដែលបងស្រីអនុវត្ត។

លុះដល់ឆ្នាំ ២០២១ ស្ថានីយផ្សាយសំឡេងរបស់ទីប្រជុំជនកូវង៉ាង ត្រូវបានបំពាក់ប្រព័ន្ធផ្សាយសំឡេងឈ្លាសវៃ រួមមាន ៩ ទីតាំង មានឧគ្ឃោសនស័ព្ទ ១៨ គ្រឿង ដាក់ពង្រាយគ្រប់កន្លែងក្នុងទីប្រជុំជន។ បន្ទាប់ពីបានទទួលឧបករណ៍ថ្មី បងស្រី វ៉នហ្គា នៅតែខ្វល់ខ្វាយធ្វើយ៉ាងណាដើម្បីផលិតកម្មវិធីផ្សាយតាមរលកធាតុអាកាសជូនមាមីងរៀងរាល់ថ្ងៃឱ្យបានសម្បូរបែប; ខ្លឹមសារនៃកម្មវិធីបានច្រើន និងពាំនាំនូវគោលការណ៍របស់បក្ស គោលនយោបាយច្បាប់របស់រដ្ឋ និងខ្លឹមសារសំខាន់ចាំបាច់ជូនដល់ប្រជាជន ប្រកបដោយប្រសិទ្ធភាព។

ទន្ទឹមនឹងនោះ ថ្វីដ្បិតជាកម្មាភិបាលទទួលបន្ទុកផ្សាយសំឡេងក៏ពិតមែន បុ៉ន្តែបងស្រីមិនធ្លាប់បានឆ្លងកាត់វគ្គបណ្ដុះបណ្ដាល ឬហ្វឹកហាត់អំពីវិជ្ជាជីវៈណាមួយឡើយ ម្ល៉ោះហើយ បងស្រីតែងសញ្ជឹងគិតនិងដាក់ជាសំណួរថា តើត្រូវចាប់ផ្ដើមយ៉ាងណាដើម្បីទទួលបានខ្លឹមសារនិងព័ត៌មានថ្មីៗ សម្រាប់កម្មវិធីផ្សាយសំឡេង ហើយធានាបានលក្ខខ័ណ្ឌដែលកំណត់។ ដើម្បីដោះស្រាយសំណួររបស់ខ្លួន បងស្រីក៏ម្ចាស់ការសហការជាមួយនឹងគណៈ ផ្នែកនិងអង្គការមហាជននានា ចាប់ពីខេត្តរហូតដល់ស្រុកនិងមូលដ្ឋាន ។ល។ ដើម្បីប្រមូលព័ត៌មាន និងសរសេរអត្ថបទអំពីចលនាកសាងជនបទថ្មី អភិវឌ្ឍក្រុងស៊ីវិល័យ ក៏ដូចជាផ្សព្វផ្សាយអំពីគោលនយោបាយ លុបបំបាត់ភាពអត់ឃ្លាន កាត់បន្ថយភាពក្រីក្រជូនប្រជាជន។ ជាពិសេស បងស្រីនៅទាំងសហការជាមួយនឹងនគរបាលទីប្រជុំជន ចាក់ផ្សាយកម្មវិធីឃោសនាច្បាប់ដើម្បីប្រជាជនគោរពធ្វើតាម មានដូចបង្ការប្រឆាំងគ្រឿងញៀន បាបគ្រោះសង្គម ។ល។ ក្រៅពីនោះ ស្ថានីយផ្សាយសំឡេងទីប្រជុំជន នៅទាំងចាក់ផ្សាយព័ត៌មានផ្សព្វផ្សាយពីចំណេះដឹង ដូចជា៖ ថែទាំសុខភាពបន្តពូជឱ្យស្រ្តីនិងកុមារ កំណែទម្រង់រដ្ឋបាលជាដើម។

ជាមួយនឹងការខិតខំជម្នះការលំបាក រហូតមកទល់បច្ចុប្បន្ន បងស្រី វ៉នហ្គា បានចាក់ផ្សាយសំឡេង ២ លើកក្នុងមួយថ្ងៃ ជាមួយនឹងចំណុះពេលនៃកម្មវិធីចាប់ពី ២០-៣០ នាទី តាមរយៈស្ថានីយផ្សាយសំឡេងទីប្រជុំជនកូវង៉ាង គិតមធ្យមភាគក្នុងមួយខែមានដំណឹងចាក់ផ្សាយជាង ៦០ និងអត្ថបទសរសេរជាង ១០ ដោយ មានអ្នកស្ដាប់ចំនួន ៦០.០០០ លើកនាក់។ ដើម្បីការងារផ្សាយសំឡេងកាន់តែល្អ បងស្រី វ៉នហ្គា មានគោលបំណងពេលខាងមុខ គណៈកម្មាធិការបក្សគ្រប់លំដាប់ថ្នាក់ រដ្ឋអំណាចភូមិគាគ គួរយកចិត្តទុកដាក់វិនិយោគឧបករណ៍ទំនើបៗ សំដៅបម្រើការបានល្អដល់ការងារផ្សាយសំឡេងជូនប្រជាជន៕

ប្រភពៈ VietnamNet - ថាច់ធី

ចែករំលែកអត្ថបទ

ពាក្យគន្លឹះ