គោលនយោបាយ -ការរស់នៅ គោលនយោបាយ

07/10/2024 - 16:18

ជីវភាពជនរួមជាតិភាគតិចនៅគៀងយ៉ាង បានផ្លាស់ប្តូរជាវិជ្ជមាន

កម្មវិធីទិសដៅជាតិអភិវឌ្ឍន៍សេដ្ឋកិច្ច - សង្គមនៅតំបន់ជនរួមជាតិភាគតិចនិងតំបន់ភ្នំ ដំណាក់កាល២០២១- ២០៣០ (ហៅកាត់ថា កម្មវិធី) ត្រូវបានខេត្តគៀងយ៉ាងសហការអនុវត្តល្អ ម្ល៉ោះហើយ ជីវភាពជនរួមជាតិភាគតិចបានផ្លាស់ប្តូរជាវិជ្ជមាន។

អនុវិទ្យាល័យជនជាតិអន្តេវាសិកស្រុកយុងរៀង ជាសាលា១ក្នុងចំណោមសាលាជនជាតិអន្តេវាសិកទាំង៣នៅខេត្តគៀងយ៉ាង ត្រូវបានជួសជុល បង្កើនកម្រិតពីថវិការបស់កម្មវិធី។

ពេលអនុវត្តកម្មវិធី ជាសារវន្តខេត្តបានដោះស្រាយស្ថានភាពខ្វះដីធារផ្ទះ លំនៅឋាន ដីផលិត និងទឹកប្រើប្រាស់ ដូច៖ ផ្សព្វផ្សាយអនុវត្តឧបត្ថម្ភដីធារផ្ទះដល់៣១គ្រួសារ ឧបត្ថម្ភសង់លំនៅឋានដល់៣៨៣គ្រួសារ ឧបត្ថម្ភដីផលិតនិងផ្លាស់ប្តូរមុខរបរដល់២៣៦គ្រួសារ ដោះស្រាយទឹកស្អាតប្រើប្រាស់ដល់៤៧២ គ្រួសារ បង្កើនកម្រិតនិងបើកទូលាយសំណង់ទឹកស្អាតប្រមូលផ្តុំនៅតំបន់ជនរួមជាតិភាគតិចបាន១៤សំណង់។ ចំពោះគម្រោង៣ “អភិវឌ្ឍផលិតកសិកម្ម រុក្ខកម្ម ពង្រីកសក្តានុភាព ឧត្តមភាពនៃតំបន់ផលិតទំនិញតាមខ្សែសង្វាក់តម្លៃ” ខេត្តបានឧបត្ថម្ភទម្រង់ចិញ្ចឹមជ្រូកដល់៤គ្រួសារ រៀបចំបើកវគ្គហ្វឹកហ្វឺនផ្តើមធ្វើអាជីវកម្ម ផ្តើមអាជីព និងទាក់ទាញការវិនិយោគនៅតំបន់ជនជាតិភាគតិចដល់យុវជន៥០នាក់បាន១លើក និងបើកវគ្គហ្វឹកហ្វឺនផ្តើមធ្វើអាជីវកម្មនៅយ៉ាងថាញ់។ លទ្ធផលគម្រោង៤ ខេត្តគៀងយ៉ាងបើកទូលាយសំណង់ផ្លូវគមនាគមន៍បាន៣៣សំណង់ ដោយមានប្រវែង៤៦,៤គីឡូម៉ែត្រ និងហេដ្ឋារចនាសម្ព័ន្ធសំខាន់ៗនៅតំបន់ជនជាតិភាគតិច ព្រមទាំងសំណង់ស្ពានជនបទ១៣ខ្សែជាដើម។

តាមប្រសាសន៍លោក ង្វៀងវៀតណាមង៉ី អនុប្រធានការិយាល័យនៃគណៈកម្មាធិការប្រជាជន-ក្រុមប្រឹក្សាប្រជាជនស្រុកយុងរៀង៖ ថ្មីៗនេះ ស្រុកបានជ្រើសអនុវត្តអនុគម្រោង៥ គឺ៖ “អភិវឌ្ឍន៍ការអប់រំបណ្តុះបណ្តាល លើកកម្ពស់គុណភាពប្រភពធនធានមនុស្ស” ម្ល៉ោះហើយ បានជួសជុល និងទិញសម្ភារៈដល់អនុវិទ្យាល័យជនជាតិអន្តេវាសិកស្រុកយុងរៀងបានទាន់ពេល មុនពេលបើកបវេសនកាលឆ្នាំសិក្សាថ្មី២០២៤-២០២៥។ លោកយ័ញភុក បានឱ្យដឹងបន្ថែម កម្មវិធីនៅទាំងមានអនុគម្រោង២ គឺបំពាក់បំប៉នចំណេះដឹងជនជាតិជូនកម្មាភិបាល អ្នករដ្ឋការនិងបុគ្គលិក។ អនុវត្តគម្រោងនេះ មានកម្មាភិបាល បុគ្គលិករាប់រយនាក់នៅលើភូមិសាស្រ្ត បានធ្វើបច្ចុប្បន្នភាពជាប្រចាំ អំពីចំណេះដឹងការងារជនជាតិ ដើម្បីអនុវត្តការងារបានល្អនៅមូលដ្ឋាន។

តាមរបាយការណ៍របស់គណៈកម្មាធិការប្រជាជនខេត្តគៀងយ៉ាង អាស្រ័យមានកិច្ចចង្អុលការ ដិតដល់របស់គណៈកម្មាធិការបក្សខេត្ត គណៈកម្មាធិការប្រជាជនខេត្ត និងកិច្ចសហការស្អិតល្មួតរបស់មន្ទីរ ផ្នែក ក្នុងការរៀបចំនិងផ្សព្វផ្សាយអនុវត្តធានាទាន់ពេល ត្រូវតាមសេចក្តីកំណត់ ពង្រីកបានប្រសិទ្ធភាពគោលនយោបាយនិយាយរួម គោលនយោបាយជនជាតិនិយាយដោយឡែក ម្ល៉ោះហើយ ការងារសុខុមាលភាពសង្គមបានរដ្ឋអំណាចគ្រប់លំដាប់ថ្នាក់យកចិត្តទុកដាក់អនុវត្តបានល្អ។ ផ្តើមពីនោះ ជនរួមជាតិក្នុងខេត្ត សាមគ្គី ជឿជាក់លើគោលមាគ៌ា គោលការណ៍របស់បក្ស គោលនយោបាយ ច្បាប់របស់រដ្ឋ ខិតខំអភិវឌ្ឍសេដ្ឋកិច្ច ឈានឡើងចាកផុតពីភាពក្រីក្រ ជីវភាពកាន់តែរីកចម្រើន៕

ហាថាញ-វិមាន

ចែករំលែកអត្ថបទ

ពាក្យគន្លឹះ