កីឡា​វាយ​សី​ប្រ​ទេស​ចិន​ ទើប​តែ​បង្ហា​ញ​ពី​ភាព​ខ្លាំង​ពូកែ​របស់​ខ្លួន​នៅ​ពាន​រង្វាន់​កីឡា​វាយ​សី​ជើង​ឯក​ ក្រុម​បុរស​ (Thomas Cup) និង​ក្រុម​នារី (Uber cup) ខណៈ​ពេល​ដណ្ដើម​បាន​ពាន​ជើង​ឯក​ទាំង​ពីរ​ដោយ​ជោគ​ជ័យ។​

ចិន​ឈ្នះ​ពាន​ជើង​ឯក​វាយ​សីទាំង​ក្រុម​បុរស​និង​នា​រីក្នុង​ឆ្នាំ​២០២៤។​

ការ​ប្រ​កួត​ដំ​បូង​ក្នុង​វគ្គ​ផ្ដាច់​ព្រ័ត្រ​ Uber Cup ឆ្នាំ​២០២៤ កីឡា​ការិ​នី Chen Yu Fie បាន​បង្រ្កាប​កីឡា​ការិ​នីវាយ​សីលេខ​១ របស់​ឥណ្ឌូ​នេស៊ី​ Tunjung ហើយ​យក​ជ័យ​ជម្នះ​លើ​កីឡា​ការិនី​ដែល​វាយ​សីពិ​បាក​ប៉ាន់​ស្មាន​នេះ​ដោយ​លទ្ធ​ផល​២-០។​ ការ​ប្រ​កួត​លើក​ទី​២ គូនា​រីលេខ​១​លំ​ដាប់​ពិភព​លោក​ បាន​ផ្ដួល​គូនារី​ឥណ្ឌូ​នេស៊ី​ដោយ​ពិន្ទុ​ ២១-១១, ២១-៨។​ កីឡា​ការិនី​មាន​ទម្រង់​លេង​ល្អ​របស់​ឥណ្ឌូ​នេស៊ី​ គឺ Ester បាន​ផ្ដល់​ក្ដី​សង្ឃឹម​ខ្លះ​ដល់​ក្រុម​ម្ចាស់​ផ្ទះ​ ខណៈ​ពេល​នាង​បាន​ឈ្នះ​ He Bing Jao ក្នុង​សិត​ទី​១។​ ប៉ុន្តែ​នៅ​ពេល​ដែល​គ្រូ​បង្វឹក​ “ប្រាប់​ស្នៀត​” កីឡា​ការិនី​វាយ​សី​ប្រ​ទេស​ចិន​ បាន​ក្រ​ឡាស់​ស្ថាន​ភាព​យ៉ាង​ល្អ​ដើម្បី​នាំ​ប្រ​ទេស​ចិន​គ្រង​តំ​ណែង​ជើង​ឯក​ Uber Cup។​ ក្រុម​នា​រី​ប្រ​ទេស​ចិន​ គ្រង​តំ​ណែង​ជើង​ឯក​ដោយ​គ្មាន​ចាញ់​ការ​ប្រ​កួត​ម្តង​ណា​ឡើយ។​ 

និយាយ​តាម​ត្រង់​ទៅ​ចុះ​ ក្រុម​នា​រីប្រ​ទេស​ឥណ្ឌូ​នេស៊ី​ មិន​មែន​ជា​ដៃ​គូ​សក្ដិ​សម​ជា​មួយ​នឹង​ក្រុម​នា​រីប្រ​ទេស​ចិន​ទេ។​ ការ​ឈាន​ដល់​វគ្គ​ផ្ដាច់​ព្រ័ត្រ​នៃ​ការ​ប្រ​កួត​គូ គឺ​ជា​ភាព​ជោគ​ជ័យ​ដ៏​ធំ​សម្រាប់​នា​រីឥណ្ឌូ​នេស៊ី​ទៅ​ហើយ​។​ ព្រួយ​បំ​ផុត​ក្នុង​ការ​ប្រ​កួត​លើក​នេះ​ គឺការ​ធ្លាក់​ចុះ​របស់​កីឡា​ការិនីជ​ប៉ុន​ នៅ​ពេល​ពួក​គេ​បរា​ជ័យ​៣-០ ក្នុង​វគ្គ​ពាក់​កណ្ដាល​ផ្ដាច់​ព្រ័ត្រ​ ដោយ​ទទួល​បាន​ចំ​ណាត់​ថ្នាក់​លេខ​៣​ដូច​គ្នា​នឹង​កូរ៉េ​ខាង​ត្បូង​។​ ឆ្នាំ​នេះ​កូរ៉េ​ខាង​ត្បូង​ ក្លាយ​ជា​អតីត​ជើង​ឯក​ Uber Cup ដោយ​សារ​កីឡា​ការិនី​ឯកត្ត​ជន​លេខ​១​លំ​ដាប់​ពិភព​លោក​រ​បស់ពួក​គេបាន​រង​របួស​ក្នុង​វគ្គ​ប្រ​កួត​៨​ក្រុម។​ ចំ​ណែក​កីឡា​ការិ​នី​ថៃ​ ពួក​គេ​បែរ​ជា​បាត់​ទម្រង់​លេង​ទៅ​វិញ។​

ក្រុម​កីឡា​ករ​វាយ​សីបុរស​ប្រ​ទេស​ឥណ្ឌូ​នេស៊ី​ ក៏​ប្រ​កួត​ប្រ​ជែង​ដណ្ដើម​ Thomas Cup ឆ្នាំ​ ២០២៤ ជា​មួយ​នឹង​ក្រុម​កីឡា​ករ​ប្រ​ទេស​ចិន​ភ្លាមៗ​នោះ​ដែរ​។​ ការ​ប្រ​កួត​មុន​ដំ​បូង​ “ព្រះ​វា​យោ​” Ginting របស់​ឥណ្ឌូ​នេស៊ី​ជួប​ជា​មួយ​នឹង​កីឡា​ករ​ Shi Yu Qi ។​ កីឡា​ករ​វាយ​សីប្រ​ទេស​ចិន​បាន​វាយ​លុក​និង​ការ​ពារ​យ៉ាង​ល្អ​ ហើយ​បាន​បង្រ្កាប​ទាំង​ស្រុង​លើ​របៀប​លេង​រហ័ស​របស់​ “ព្រះ​វាយោ”។​ ឥណ្ឌូ​នេស៊ី​ បន្ត​ចាញ់​នៅ​វគ្គ​ប្រ​កួត​ជា​គូ​ក្រោម​ការ​ប្រ​កួត​នាំ​មុខ​របស់​កីឡាករ​ Fajar និង​Muhamad។​ សំ​ណាង​ល្អ​ក្នុង​ការ​ប្រ​កួត​ឯកត្ត​ជន​លើក​ទី៣ ក្រុម​កីឡា​ករ​ប្រ​ទេស​ឥណ្ឌូ​នេស៊ី​មាន​ Christie ដែល​ទើប​តែ​ឈ្នះ​ជើង​ឯក​អា​ស៊ី​ មាន​ទម្រង់​លេង​ល្អ​ដើម្បី​អូស​កីឡា​ករ​ចិន​ឱ្យ​ចូល​ប្រ​កួត​ក្នុង​ឈុត​ទី៤ ប៉ុន្តែ​កីឡា​ករ​ Bagas និង​Fikri មិន​អាច​យក​ឈ្នះ​លើ​កីឡា​ករ​ Ting និង​ Ren របស់​ចិន។​

កីឡា​វាយ​សី​ប្រ​ទេស​ចិន​ ទទួល​បាន​ពាន​ជើង​ឯក​ទាំង​ពីរ​ក្នុង​ឆ្នាំ​២០២៤។​ នោះ​ជា​បុព្វ​បទ​ដ៏​សំ​ខាន់​មួយ​មុន​ការ​ប្រ​កួត​នៅ​អូឡាំ​ពិក ឆ្នាំ​ ២០២៤ ដែល​បម្រុង​នឹង​ប្រ​ព្រឹត្ត​ឡើង​នៅ​ប្រ​ទេស​បា​រាំង​។​ ខណៈ​ពេល​កីឡា​ករ​ប្រ​ទេស​ចិន​ មាន​ទម្រង់​លេង​ល្អ​ក្នុង​ការ​ប្រ​កួត​ធំ​ៗ​ ចំ​ណែក​កីឡា​ករ​ជប៉ុន​ កូរ៉េ​ខាង​ត្បូង​និង​ថៃ​ មាន​ទម្រង់​លេង​មិន​សូវ​បាន​នឹង​នរ។​ សង្ឃឹម​ថា​ ពួក​គេ​អាច​ស្ដារ​ទម្រង់​លេង​បាន​ល្អ​ឡើង​វិញ​នៅ​ទី​លាន​អូឡាំ​ពិក ដើម្បី​ឱ្យ​អ្នក​គាំ​ទ្រ​បាន​ទស្សនា​ ការ​ប្រ​កួត​យ៉ាង​ជក់​ចិត្ត៕​

                                  ហា​ថាញ - ថាច់​ធី