មហាសាមគ្គីជនជាតិ គំរូក្នុងសហគមន៍

25/03/2024 - 09:40

អ្នកដឹកនាំយុវជនពោរពេញដោយឆន្ទៈ

ជាមួយនឹងស្មារតី “ទីណាត្រូវការយុវជនមានមុខ ការអ្វីលំបាកមានមុខយុវជន” ថាច់ប៊ឺវតឹង លេខាសម្ព័ន្ធយុវជនឃុំភូមី ស្រុកមីទូ ខេត្តសុកត្រាំង បានពង្រីកកម្លាំងយុវវ័យឈានមុខ មានគំនិតច្នៃប្រតិដ្ឋក្នុងសកម្មភាពរបស់សម្ព័ន្ធយុវជន។ ដោយមានការរួមចំណែករបស់ប៊ឺវតឹង ឆ្នាំ២០២៣ សម្ព័ន្ធយុវជនឃុំភូមីជាអង្គភាពរឹងមាំឆ្នើមទូទាំងស្រុក។

ថាច់ប៊ឺវតឹង (ទី២ពីស្តាំ) ទទួលទង់ប្រឡងប្រណាំងអង្គភាពរឹងមាំឆ្នើម។

ឆ្នាំ២០១២ ថាច់ប៊ឺវតឹង បានចូលរួមសកម្មភាពចលនាសម្ព័ន្ធយុវជនក្នុងតួនាទីជាអនុលេខាសម្ព័ន្ធយុវជនឃុំភូមី។ ជាឃុំដែលមានជនរួមជាតិខ្មែរជិត ៩៣% ម្ល៉ោះហើយ ប៊ឺវតឹង តែងធ្វើសេនាធិការ កសាងផែនការទម្រង់ឧបត្ថម្ភសមាជិកសម្ព័ន្ធយុវជនខ្មែរអភិវឌ្ឍសេដ្ឋកិច្ច រៀនវិជ្ជាជីវៈ ឧទ្ទេសនាមការងារធ្វើនិងរៀបចំសកម្មភាពសុខុមាលភាពសង្គមជាច្រើន និងគិតគូរដល់អ្នកដែលមានជីវភាពគ្រួសារខ្វះខាត។ ដោយការអស់ពីចិត្ត ភាពស្វាហាប់របស់យុវវ័យនិងការងារ ដោយទទួលខុសត្រូវខ្ពស់មានប្រសិទ្ធភាព ប៊ឺវតឹង ត្រូវបានសមាជិកសម្ព័ន្ធយុវជនគាំទ្រ ធ្វើឱ្យចលនាសម្ព័ន្ធយុវជនកាន់តែរីកចម្រើនពីមួយថ្ងៃទៅមួយថ្ងៃ។ ឆ្នាំ២០២៣ តឹងទទួលនាទីជាលេខាសម្ព័ន្ធយុវជនឃុំភូមីរហូតដល់សព្វថ្ងៃ។ បងប៊ឺវតឹង ឱ្យដឹង៖ “ខ្ញុំគិតថាជាអ្នកដឹកនាំយុវជន ត្រូវតែអស់ពីចិត្ត គំរូឈានមុខរាល់សកម្មភាពនិងចលនាប្រឡងប្រណាំងនៅភូមិភាគ; ខណៈពេលសមាជិកសម្ព័ន្ធយុវជន ប្រជាជនជួបការលំបាកនោះគឺខ្ញុំតែងរួមដំណើរដើម្បីផ្សព្វផ្សាយ ឧបត្ថម្ភដោះស្រាយបានទាន់ពេល។ ចំពោះចលនាសម្ព័ន្ធយុវជនត្រូវតែឈានមុខ វាងវៃ ច្នៃប្រតិដ្ឋ មានប្រសិទ្ធភាព ទើបសមាជិកសម្ព័ន្ធយុវជនខ្មែរទើបយកតម្រាប់តាម”។

ថាច់ប៊ឺវតឹង (ទី២ពីឆ្វេង) ជូនអំណោយមនុស្សចាស់អនាថា ជីវភាពគ្រួសារខ្វះខាត។

ចំពោះទម្រង់ កិច្ចការយុវជនដែលបងតឹងនិងសមាជិកសម្ព័ន្ធយុវជនឃុំភូមីធ្វើបានបន្សល់ទុកនូវចំណាប់អារម្មណ៍សម្រាប់ប្រជាជន។ លេចធ្លោបំផុតក្នុងឱកាសបុណ្យចូលឆ្នាំថ្មីវៀតណាម ឆ្នាំ ២០២៤ ប៊ឺវតឹង បានចលនាសប្បុរសជនជូនជាអំណោយ ១០០ ចំណែកនិងកង់១៥គ្រឿង ដល់សិស្សដែលមានជីវភាពគ្រួសារខ្វះខាត និងជូនអំណោយ៦០ចំណែកដល់គ្រួសារគោលនយោបាយ គ្រួសារក្រីក្រ; បើកយុទ្ធនាការកាប់ ឆ្ការព្រៃ មែកឈើទេរបាំងផ្លូវ ដាំផ្កា ប្រមូលសំរាម និងកសាង២៥បង្គោល ដំឡើងអំពូលភ្លើងដើរដោយថាមពលព្រះអាទិត្យ។ល។ រួមចំណែកកសាងដងផ្លូវនានាតំបន់ជនបទភូមីភ្លឺ បៃតង ជ្រះ ស្អាត។ ទន្ទឹមនឹងនោះ ដោយប្រភបទុនឧបត្ថម្ភ យុវជនខ្មែរផ្តើមអាជីព បងតឹងបានកសាងទម្រង់ចិញ្ចឹមសត្វ ដាំដំណាំរួមផ្សំ ផ្ទេរជូនវិទ្យាសាស្រ្ត បច្ចេកទេស បណ្តុះបណ្តាលវិជ្ជាជីវៈ ឧទ្ទេសនាមការងារធ្វើ ជួយដល់សមាជិកសម្ព័ន្ធយុវជនខ្មែរអភិវឌ្ឍសេដ្ឋកិច្ច រកបានប្រាក់ចំណូលលំនឹង។ តួយ៉ាងដូច បងថាច់មិញទ្រី នៅភូមិដៃដូនអុយ ជាមួយដើមទុនឧបត្ថម្ភផ្តើមអាជីពដែលបងតឹង ជំនួយគាត់បានវិនិយោគចិញ្ចឹមគោ ចិញ្ចឹមជន្លេនក្រហមមានប្រសិទ្ធភាព។ បងទ្រី ឱ្យដឹង៖ “មានដើមទុន ក្តាប់បានបច្ចេកទេសខ្ញុំវិនិយោគចិញ្ចឹមគោនិងជន្លេនក្រហម។ តាមរយៈនោះ យកលាមកគោចិញ្ចឹមជន្លេនដើម្បីធានាបរិស្ថាន រកបានប្រាក់ចំណូលផង។ សព្វថ្ងៃ គោកើនឡើងបាន ១០ ក្បាល ទម្រង់ចិញ្ចឹមជន្លេនក្រហមផ្តើមផ្ទៃដីប្រមាណ ១០ ម៉ែត្រការ៉េ ឥឡូវឡើងជិត៦០ម៉ែត្រការ៉េ; ជន្លេនក្រហមក្នុងមួយក្រឡ ១០០ ខាំ លក់ពី១០.០០០-១៥.០០០ដុង សម្រាប់អ្នកស្ទូចត្រី ចិញ្ចឹមអន្ទង់ ចិញ្ចឹមត្រី។ល។ ដោយឃើញមានប្រសិទ្ធភាព ម្ល៉ោះហើយបងទ្រីបានបើកពង្រីកដល់សមាជិកសម្ព័ន្ធយុវជន៥នាក់ផ្សេងទៀតដើម្បីចិញ្ចឹមផង ដែរ” ។

បងតឹង ចែករំលែក៖ “ឆ្នាំ២០២៤ ខ្ញុំបានចុះឈ្មោះអនុវត្តទម្រង់ប្រជាចលនាប៉ិនប្រសប់ គិតគូរដល់អ្នកក្សត់ខ្សោយមានជីវភាពខ្វះខាត១០នាក់ ជាមួយកម្រិតឧបត្ថម្ភ២លានដុង/ខែ/ម្នាក់។ ព្រមជាមួយនោះ ស្នើឡើងថ្នាក់លើឧបត្ថម្ភថវិកាដល់សមាជិកសម្ព័ន្ធយុវជនទិញម៉ាស៊ីនកិនជន្លេនក្រហមធ្វើជីសម្រាប់ដាក់ដើមឈើ ដំណាំស្រូវ ដើម្បីជួយធ្វើឱ្យទម្រង់ចិញ្ចឹមជន្លេនក្រហម កាន់តែរីកផុលផុសដល់សមាជិកសម្ព័ន្ធយុវជនខ្មែរ”៕

លីធាន-លីសៀ

ចែករំលែកអត្ថបទ

ពាក្យគន្លឹះ