សុខភាព - អប់រំ អប់រំ

27/02/2024 - 09:08

ឆ្នាំ២០២៤ សាកលវិទ្យាល័យកឹងធើនឹងបើកបន្ថែមមុខវិជ្ជាថ្មីចំនួន៨

ឆ្នាំ២០២៤ សាកលវិទ្យាល័យកឹងធើនឹងជ្រើសរើសនិស្សិតសរុប១០.០៦០នាក់ សម្រាប់ភាគកម្រិតនៃកម្មវិធីបណ្ដុះបណ្ដាលសាកលវិទ្យាល័យរៀបរយចំនួន១០៩។ សាកលវិទ្យាល័យកឹងធើជ្រើសរើស និស្សិតក្នុងទូទាំងប្រទេស រួមមាន៖ កម្មវិធីទូទៅចំនួន៨៩ កម្មវិធីជឿនលឿនចំនួន២ និងកម្មវិធីគុណភាពខ្ពស់ចំនួន១៣។

អាគារចម្រុះ បន្ទប់ពិសោធន៍សិក្សាស្រាវជ្រាវរបស់សាកលវិទ្យាល័យកឹងធើ
ទើបសម្ពោធដាក់ឱ្យប្រើប្រាស់។

ជាពិសេស សាកលវិទ្យាល័យកឹងធើ នឹងជ្រើសរើសនិស្សិតចូលរៀនមុខវិជ្ជាថ្មីចំនួន៨ នោះគឺប្រព័ន្ធព័ត៌មាន (គុណភាពខ្ពស់) អប់រំមត្តេយ្យ គរុកោសល្យវិទ្យាសាស្រ្តធម្មជាតិ វិស្វកម្មរថយន្ត វិស្វកម្មកុំព្យូទ័រ (ការរចនាសៀគ្វី semiconductor) វិស្វកម្មជីវវេជ្ជសាស្រ្ត សារព័ត៌មាន និងទេសចរណ៍។ ក្នុងនោះ ផ្នែកប្រព័ន្ធព័ត៌មានវិទ្យា មានរយៈពេលបណ្ដុះបណ្ដាល៤ឆ្នាំកន្លះ ដើម្បីទទួលបានសញ្ញាបត្រវិស្វករ។ ការសិក្សាប្រព័ន្ធព័ត៌មាន និស្សិតនឹងបានបណ្តុះបណ្ដាលក្នុងបរិស្ថាន សិក្សាបណ្តើរអនុវត្តបណ្តើរនិងសិក្សាស្រាវជ្រាវបណ្តើរជាមួយនឹងលក្ខណសម្បត្តិល្អបំផុត។ មានជាង៦០%នៃវគ្គសិក្សាត្រូវបានបង្រៀន និងរៀនតាមឯកសារភាសាអង់គ្លេស និស្សិតមានឧត្តមភាពដើម្បីធ្វើការងារនៅក្រុមហ៊ុនបរទេស។ ពិសេស ក្រោយពីបញ្ចប់កម្មវិធីនេះ និស្សិតនឹងត្រូវបានផ្លាស់ប្ដូរ (លើកលែង) រហូតដល់៣០ក្រេឌីត នៅពេលបន្តសិក្សានៅថ្នាក់អនុបណ្ឌិត។

មុខវិជ្ជា២ដែលបានឪពុកម្ដាយសិស្សជាច្រើនចាប់អារម្មណ៍នៅក្នុងរដូវជ្រើសរើសនិស្សិត ឆ្នាំ២០២៤ នោះគឺមុខវិជ្ជាវិស្វកម្មរថយន្ត ក៏មានរយៈពេលបណ្ដុះបណ្ដាល៤ឆ្នាំកន្លះផងដែរ។ ក្រោយពីបញ្ចប់ការសិក្សា និស្សិតនឹងក្លាយជាវិស្វករ។ ជាមួយនឹងកំណើនថយន្តកើនឡើងច្រើននៅប្រទេសវៀតណាម មុខវិជ្ជាសិក្សានេះ កំពុងបានសិស្សជាច្រើនធ្វើការពិចារណា។ តាមប្រសាសន៍លោកស្រី ប៊ូយថាញថាវ ប្រធានផ្នែកវិទ្យាសាស្រ្តសង្គមនិងមនុស្សសាស្រ្ត មហាវិទ្យាល័យវិទ្យាសាស្រ្តសង្គមនិងមនុស្សសាស្រ្តនៃសាកលវិទ្យាល័យកឹងធើ៖ សាកលវិទ្យាល័យកឹងធើ គឺមូលដ្ឋានអប់រំមហាវិទ្យាល័យទីពីរ នៅតំបន់ភាគខាងត្បូងជ្រើសរើសនិស្សិតចូលរៀនផ្នែកមុខវិជ្ជាសារព័ត៌មាន បន្ទាប់ពីមហាវិទ្យាល័យវិទ្យាសាស្រ្តសង្គមនិងមនុស្សសាស្រ្ត (សាកលវិទ្យាល័យជាតិក្រុងហូជីមិញ)។ ស្ថិតិបង្ហាញថា មធ្យមភាគក្នុងមួយឆ្នាំៗមានបេក្ខជនប្រហែល២.០០០នាក់ ដាក់ពាក្យចូលរៀនមុខវិជ្ជាសារព័ត៌មាននៅសាលាមហាវិទ្យាល័យ វិទ្យាសាស្រ្តសង្គមនិងមនុស្សសាស្រ្ត (សាកលវិទ្យាល័យជាតិក្រុងហូជីមិញ) ទោះបីដូច្នោះក្ដី ភាគកម្រិតនៃមុខវិជ្ជានេះមានត្រឹមតែ១៥០ ប៉ុណ្ណោះ។

ឆ្នាំ២០២៤ សាកលវិទ្យាល័យកឹងធើ នឹងមានវិធីពិនិត្យជ្រើសរើសនិស្សិត៧របៀប។ ក្នុងនោះ មានវិធីពិនិត្យជ្រើសរើសចំនួន៦ ដូចកាលពីឆ្នាំ២០២៣ រួមមាន៖ ជ្រើសរើសផ្ទាល់ អាទិភាពពិនិត្យជ្រើសរើស; ពិនិត្យជ្រើសរើសពិន្ទុប្រឡងសញ្ញាបត្រវិទ្យាល័យឆ្នាំ២០២៤; ពិនិត្យជ្រើសរើសពិន្ទុសិក្ខាគារិកមធ្យមសិក្សាចំណេះទូទៅ; ពិនិត្យជ្រើសរើសចូលរៀនជំនាញគរុកោសល្យដោយពិន្ទុសិក្ខាគារិកមធ្យមសិក្សាចំណេះទូទៅ; ជ្រើសរើសចូលរៀនកម្មវិធីជឿនលឿននិងគុណភាពខ្ពស់; ជ្រើសរើសផ្ទាល់សម្រាប់វគ្គសិក្សាបំពាក់បំប៉នចំណេះដឹង។ វិធីទី៧គឺពិនិត្យជ្រើសរើសពិន្ទុប្រឡង V-SAT។

V-SAT គឺវគ្គប្រឡងវាយតម្លៃច្រកចូលមហាវិទ្យាល័យ អាស្រ័យសាកលវិទ្យាល័យកឹងធើ ឬសាកលវិទ្យាល័យដទៃទៀតសហការជាមួយនឹងក្រសួងអប់រំ-បណ្ដុះបណ្ដាលរៀបចំប្រឡងជារៀងរាល់ឆ្នាំ។ សាកលវិទ្យាល័យកឹងធើ នឹងពិនិត្យជ្រើសរើសនិស្សិតផ្អែកលើពិន្ទុប្រឡង V-SAT យោងតាមសមាយោគ៣វិញ្ញាសាប្រឡងដែលស្របនឹងមុខវិជ្ជាសិស្សដាក់ពាក្យ។ ចំពោះវិញ្ញាសាទេពកោសល្យក្នុងសមាយោគវិញ្ញាសាពិនិត្យជ្រើសរើស គឺយកលទ្ធផលប្រឡងដែលសាកលវិទ្យាល័យកឹងធើឬសាលាឯទៀតរៀបចំប្រឡង។ បេក្ខជនអាចយកពិន្ទុប្រឡង V-SAT ដែលសាកលវិទ្យាល័យកឹងធើឬសាកលវិទ្យាល័យដទៃទៀតរៀបចំប្រឡង៕

ហាថាញ - ថាច់ធី

ចែករំលែកអត្ថបទ

ពាក្យគន្លឹះ