មហាសាមគ្គីជនជាតិ គំរូក្នុងសហគមន៍

31/07/2023 - 16:46

"នារីមាស" នៃកីឡារបស់ប្រទេស

អត្តពលិកនារីវៀតណាម កំពុងប្រកួតលើឆាកអន្តរជាតិ បង្កើតបានគោលជំហរសម្រាប់កីឡារបស់ប្រទេស។ ក្នុងចំណោមសមូហភាពអត្តពលិកឆ្នើមៗនៃកីឡាបាល់ទះ បាល់ទាត់និងកីឡាវាយសី។ល។ ក្នុងនោះ មានអត្តពលិកដ៏ល្បីៗជាច្រើន គួរឱ្យចាប់អារម្មណ៍។

ង្វៀងធ្វីលិញ។

ដំបូង និយាយពីអត្តពលិកលេខ១ ឯកត្តជននារីនៃភូមិកីឡាវាយសីវៀតណាម ង្វៀងធ្វីលិញ។ នៅចុងឆ្នាំ ២០២២ ធ្វីលិញ ទទួលបានពានជើងឯក Vietnam open ២០២៣ នៅព្រលានក្នុងប្រទេស។ ក្នុងប្រវត្តិសាស្ត្រនៃការប្រកួតរបស់សហព័ន្ធកីឡាវាយសីពិភពលោក រៀបចំនៅប្រទេសវៀតណាម នេះជាលើកដំបូងមានអត្តពលិកនារីនៃប្រទេសម្ចាស់ផ្ទះទទួលបានពានជើងឯកលើខ្លឹមសារឯកត្តជននារី។ កីឡាការិនីវាយសីលំដាប់លេខ១វៀតណាម បន្តបង្ហាញពីរបៀបវាយបានយ៉ាងល្អធ្វីលិញ ជាប់ចំណាត់ថ្នាក់លេខ ៣០ និងបានទៅប្រកួតនៅពានរង្វាន់ Super កម្រិត ៥០០។ ឈានចូលការប្រកួតដណ្តើមពានរង្វាន់ Super ៥០០ លើកដំបូងក្នុងអាជីពនៅប្រទេសកាណាដា នាពេលថ្មីៗនេះ ធ្វីលិញ បង្កើតបានស្នាដៃអស្ចារ្យ ពេលយកឈ្នះលើដៃគូប្រកួតជាបន្តបន្ទាប់ដែលឈរចំណាត់ថ្នាក់ខ្ពស់ជាងនាងរាប់សិបថ្នាក់។ ធ្វីលិញចាញ់តែ “ឆ្មាយន្ត Yamaguchi” កីឡាការិនីលំដាប់លេខ១ពិភពលោកជនជាតិជប៉ុន នៅវគ្គប្រកួត៤ប៉ុណ្ណោះ។

ត្រឹងម៉ាយង៉ុក។

អត្តពលិក “លេចធ្លោ” ទទួលបានគាំទ្រតាមដានទស្សនានៅរាល់វគ្គប្រកួត មានរហស្សនាម ៤T គឺជាប្រធានក្រុមជម្រើសបាល់ទះវៀតណាម ត្រឹងធីថាញធ្វី។ ចាប់តាំងពីដើមឆ្នាំមកទល់នឹង បច្ចុប្បន្ន ក្រុមបាល់ទះនារីទទួលបានជោគជ័យជាច្រើន កើនឡើងជាង១៧០ចំណាត់ថ្នាក់ ដើម្បីឈានឡើងឈរលំដាប់លេខ៤៧ពិភពលោកនិងលំដាប់លេខ៦នៅអាស៊ី។ មិនត្រឹមតែរួមចំណែកយ៉ាងធំធេងឱ្យក្រុមជម្រើសប៉ុណ្ណោះទេ ប្រធានក្រុមថាញធ្វី ក៏ទទួលបានកិត្តិនាមជាលក្ខណៈបុគ្គលជាច្រើនដូចជា កិត្តិនាមអត្តពលិកឆ្នើមលេខ១ចំនួន២ កិត្តិនាមអត្តពលិក វាយលុកល្អបំផុតលេខ១ចំនួន៣។ ៤T រួមនឹងមិត្តរួមក្រុមបានបន្សល់នូវស្នាមអនុស្សាវរីយ៍ឱ្យក្រុមបាល់ទះវៀតណាមពេលលើកដំបូងបានចូលរួមក្នុងទីលានប្រកួតពិភពលោកលំដាប់ក្លិប និងក្រុមជម្រើសជាតិ។ ថាញធ្វី គឺជាអត្តពលិកវៀតណាមប្រកួតនៅប្រទេសក្រៅទទួល បានប្រាក់ខែខ្ពស់បំផុត។ កីឡាករវាយលុករបស់ក្រុមបាល់ទះនារីវៀតណាម មិនត្រឹមតែជាប្រធានក្រុមគំរូនិងមានភាពស្វាហាប់នៅលើទីលានប៉ុណ្ណោះទេ ថែមទាំងជាអ្នកបកប្រែឱ្យក្រុម ព្រោះនាងនិយាយភាសាអង់គ្លេសបានល្អ។

ត្រឹងធីអាញ់ធ្វី (អាវលេខ៣) ។

មិនត្រឹមតែការពារជោគជ័យតំណែងជើងឯក និងបង្កើតឯតទគ្គកម្មជាក្រុមជើងឯកស៊ីហ្គេមច្រើនបំផុតប៉ុណ្ណោះទេ ក្រុមជម្រើសកីឡាបាល់ទាត់នារីវៀតណាម នៅទាំងទទួលបានសំបុត្រ ទៅប្រកួតនៅវគ្គផ្តាច់ព្រ័ត្របាល់ទាត់ពិភពលោក Worldcup ២០២៣។ នេះក៏ជាលើកដំបូងដែលក្រុម “នារីមាស” បានប្រកួតនៅទីលានបាល់ទាត់ ដ៏ធំបំផុតពិភពលោក។ល។ ឆ្នាំ ២០២៣ ក៏ជាឆ្នាំ គួរឱ្យចាប់អារម្មណ៍សម្រាប់កីឡាបាល់បោះនារីផងដែរ ជាលើកដំបូងដែលអត្តពលិកវៀតណាម ទទួលបានមេដាយមាសនៅស៊ីហ្គេមសម្រាប់វិញ្ញាសាកីឡាថ្មី កំពុងទទួលបានការ “គាំទ្រ” នៅប្រទេសយើង។ ស្នាដៃរបស់អត្តពលិកនារី ក្នុងនោះ មានការរួមចំណែកយ៉ាងធំធេងរបស់អត្តពលិកកីឡាប៉េងប៉ុង ត្រឹងម៉ាយង៉ុក រួមនឹងមិត្តរួមក្រុមនាំមកមេដាយមាសខ្លឹមសារគូបុរស នារីនៅស៊ីហ្គេម ២០២៣ ជូនវៀតណាម ក្រោយពីរងចាំអស់រយៈកាល២៤ឆ្នាំ៕

ហាថាញ-មុនី

ចែករំលែកអត្ថបទ

ពាក្យគន្លឹះ