គោលនយោបាយ -ការរស់នៅ គោលនយោបាយ

18/07/2023 - 08:54

ខិតខំអនុវត្តគោលនយោបាយជនជាតិនៅតំបន់ជនរួមជាតិខ្មែរ

ថាញ់ហ្វាសើុង ស្រុកកូវង៉ាង ខេត្តត្រាវិញ គឺជាឃុំមួយក្នុងចំណោមឃុំដែលមានជនរួមជាតិខ្មែររស់នៅកុះករ ដោយមានប្រជាជន ២.១១៧ គ្រួសារ ក្នុងនោះ គ្រួសារជនរួមជាតិខ្មែរស្រូបអត្រាជាង៧០%។ ដើម្បីបង្កលក្ខណៈឱ្យជនរួមជាតិខ្មែរលំនឹងជីវភាព ភូមិភាគបានអនុវត្តល្អនូវគោលនយោបាយរបស់បក្សនិងរដ្ឋ។

បងស្រីថាច់ធីហ្វៀង នៅភូមិវាលលាក់ខាងកើត (ខាងឆ្វេង) កំពុងប្រមូលផលប៉េងប៉ោះ អាស្រ័យគម្រោង EMWE ឧបត្ថម្ភដើមទុន។

លោកឡេវ៉ាន់ភឿក ប្រធានគណៈកម្មាធិការប្រជាជនឃុំថាញ់ហ្វាសើុង ឱ្យដឹង៖ “អនុវត្តគោលការណ៍របស់បក្ស គោលនយោបាយ ច្បាប់របស់រដ្ឋនិងកម្មវិធីអភិវឌ្ឍន៍សេដ្ឋកិច្ច-សង្គមតំបន់ជនរួមជាតិខ្មែរ ឃុំថាញ់ហ្វាសើុង តែងផ្ដោតការយកចិត្តទុកដាក់កសាងហេដ្ឋារចនាសម្ព័ន្ធ ឧបត្ថម្ភវិនិយោគទៅលើការផលិត ជំនួយដីសង់លំនៅឋាន សាងសង់ផ្ទះ ទឹកស្អាត...។ល។ ក្នុង៦ខែ ដើមឆ្នាំ២០២៣ ធនាគារគោលនយោបាយសង្គមស្រុកបានឱ្យប្រជាជន៦២គ្រួសារបុលទុន សរុបទឹកប្រាក់ជាង៦ពាន់លានដុង (សំណល់ប្រាក់បំណុលមកដល់បច្ចុប្បន្នគឺ៥១ពាន់លានដុង) ដើម្បីគ្រួសារជួបការលំបាកខាងដើមទុន គ្រួសារក្រីក្រ គ្រួសារប្រកៀកបន្ទាត់ក្រ និងគ្រួសារខ្មែរមានការអភិវឌ្ឍគ្រប់ជ្រុងជ្រោយ។ ក្រៅពីនេះ ឃុំក៏ឆ្លៀតយកនូវកម្មវិធី គម្រោងអភិវឌ្ឍក្នុងជនរួមជាតិខ្មែរ ដើម្បីផ្សព្វផ្សាយ អនុវត្តមានប្រសិទ្ធភាព និងទាន់ពេល”។

គម្រោង “លើកកម្ពស់សិទ្ធិស្ត្រីជនជាតិភាគតិច (EMWE)” ឧបត្ថម្ភសមាជិកសមាគមសហព័ន្ធនារីឃុំថាញ់ហ្វាសើុង ចំនួន២០នាក់ ក្នុងនោះ មានសមាជិក១៦នាក់ជាជនជាតិខ្មែរ បានចូលរួមក្រុមសហការដាំដំណាំនៅភូមិវាលលាក់ខាងកើត។ បងស្រីថាច់ធីហ្វៀង នៅភូមិវាលលាក់ខាងកើត ឱ្យដឹង៖ “ឆ្នាំនេះ ដំណាំប៉េងប៉ោះផ្ដល់ទិន្នផលខ្ពស់ ដោយសារគ្រួសារខ្ញុំត្រូវបានគម្រោង EMWE ឧបត្ថម្ភម៉ាស៊ីនបូមទឹក និងប្រព័ន្ធស្រោចស្រព ផ្ទាំងគម្របប្លាស្ទិក និងម៉ាស៊ីនបាញ់ថ្នាំ។ គ្រួសារខ្ញុំដាំ២កុង ក្នុងមួយកុងប៉េងប៉ោះផ្តល់ទិន្នផលប្រហែល៣,៥តោន។ ក្រោយពីទូទាត់ប្រាក់ចំណាយ គ្រួសារខ្ញុំនៅចំណេញ២៥លានដុងក្នុងមួយកុង”។ ក្រុមសហការដាំដំណាំនៅភូមិវាលលាក់ខាងកើតដំណើរការបានជិតមួយឆ្នាំ ហើយកំពុងនាំមកប្រសិទ្ធភាពសេដ្ឋកិច្ចខ្ពស់ដល់បងប្អូននារី។ ចូលរួមក្រុមសហការសមាជិកត្រូវបានបំពាក់បំប៉ននូវចំណេះដឹង បច្ចេកទេសដាំដំណាំ និងឧបត្ថម្ភក្នុងការទិញប្រព័ន្ធស្រោចស្រព ផ្ទាំងគម្របកសិកម្ម...។ល។

ទន្ទឹមនឹងការអភិវឌ្ឍផលិតកម្ម ដោយរូបភាពនៃការចលនាផ្សេងៗនិងផ្តើមពីកម្មវិធី គម្រោងឧបត្ថម្ភនានា គណៈកម្មាធិការបក្ស គណៈកម្មាធិការប្រជាជនឃុំថាញ់ហ្វាសើុង បានកៀរគររាល់ប្រភពកម្លាំងព្រួតដៃជួយឧបត្ថម្ភ សាងសង់ផ្ទះជូនគ្រួសារក្រីក្រជួបលំបាកខាងលំនៅឋាន។ តាំងពីដើមឆ្នាំ២០២៣មកដល់បច្ចុប្បន្ន ឃុំប្រគល់ជូនផ្ទះ២៥ខ្នងដល់គ្រួសារក្រីក្រនិងសាងសង់ផ្ទះ១៥ខ្នង អាស្រ័យមូលនិធិសុខុមាលភាពសង្គមខេត្តឧបត្ថម្ភ។ អ្នកមីងសើុងធីកាង នៅភូមិវាលលាក់ខាងលិច ចែករំលែក៖ “គ្រួសារខ្ញុំបានឧបត្ថម្ភទឹកប្រាក់ចំនួន៤០លានដុងសាងសង់ផ្ទះថ្មី ឥឡូវមាន“ផ្ទះសម្បែងរស់នៅសុខដុម គិតតែប្រកបការងាររកស៊ី”៕

សើុងមា៉ល័យ-លេងមី

ចែករំលែកអត្ថបទ

ពាក្យគន្លឹះ