វប្បធម៌-សិល្បៈ សិល្បៈ

04/03/2019 - 15:54

សិល្បករវ័យក្មេងខាងវិស័យឧបករណ៍ភ្លេងប្រពៃណីខ្មែរ

មានការជក់ចិត្ត ព្យាយាមពោរពេញដោយទេព្យកោសល្យ គឺជាពាក្យដែលនិស្សិតមហាវិទ្យាល័យភាសាវប្បធម៍វិចិត្រសិល្បៈខ្មែរណាមបូ តែងរំលឹកពេលនិយាយពីអតីតនិស្សិតថាច់ហ្វាយថាញ់។

ថាច់ហ្វាយថាញ ចេះប្រគំឧបករណ៍ភ្លេងប្រពៃណីយ៉ាងស្ទាត់ជំនាញ។

ថាច់ហ្វាយថាញ់ កើតឆ្នាំ១៩៩៥ នៅឃុំត្រាកូង ស្រុកត្រាអូង ខេត្តវិញឡុង បានក្លាយជាគ្រូបង្រៀនប្រគំភ្លេងពិណពាទ្យក្មេងបំផុតនៅមហាវិទ្យាល័យភាសាវប្បធម៍វិចិត្រសិល្បៈខ្មែរណាមបូ។ ទោះបីកើតក្នុងគ្រួសារកសិករ គ្មានសាច់ញាតិណាចេះឧបករណ៍ភ្លេងឡើយ ក៏ប៉ុន្តែបងមានការជក់ចិត្តចំពោះភ្លេងខ្មែរនេះតាំងពីតូចម៉្លេះ។ បងឲ្យដឹង៖ តាំងពីនៅតូចបងបានជក់ចិត្តផ្តិតអារម្មណ៍នឹងសូរសំនៀងរងំពីរោះ រណ្តំលន្លង់លន្លោចដែលសិល្បករជើងចាស់កាលនោះបានប្រគំនាពេលល្ងាចឬក្នុងពិធីបុណ្យទានម្តងៗ។ល។ ពេលអាយុ៨ឆ្នាំ បងក៏ចាប់ផ្តើមរៀននិងចូលរួមសម្តែងនៅតាមភូមិ ស្រុក សាលារៀន និងនៅក្នុងនិងក្រៅខេត្ត។

មុនពេលចូលសិក្សាផ្នែកឧបករណ៍ភ្លេងខ្មែរនៅសកលវិទ្យាល័យត្រាវិញ បងបានចេះស្ទាត់ឧបករណ៍ភ្លេងពិណពាទ្យដូចជា៖ រនាតឯក រនាតធុង ស្រឡៃ ស្គរសំភោរ ស្គរធំ ស្គរតូច ឈិងគងវង់តូច គងវងធំ និង Organ ជាពិសេសគឺចេះកូតទ្រទៀតផង។ និយាយពីការសម្រេចចិត្តរៀននូវមុខវិជ្ជាដែលខ្លួនចូលចិត្ត បងបានឲ្យដឹង៖ “ ខ្ញុំមានបំណងរួមចំណែកក្នុងការអភិរក្ស អភិវឌ្ឍន៍នូវបទភ្លេងប្រពៃណីខ្មែរណាមបូ”។

ក្នុងដំណើរការសិក្សាស្រាវជ្រាវនៅសាកលវិទ្យាល័យត្រាវិញ ដោយទទួលបានការយកចិត្តទុកដាក់បង្ហាត់បង្រៀនរបស់លោកគ្រូ អ្នកគ្រូ នៅមហាវិទ្យាល័យភាសាវប្បធម៍វិចិត្រសិល្បៈខ្មែរណាមបូ ពិសេសគឺគ្រូបង្រៀនផ្នែកឧបករណ៍ភ្លេង ម្ល៉ោះហើយហ្វាយថាញ់ក៏មានឱកាសដើម្បីបង្ហាញនូវស្នាដៃ និងចំណូលចិត្តរបស់ខ្លួន។ បងតែងបានជ្រើសចូលរួមសម្តែងឬចង ក្រងឈុតសម្តែងពេលមហាវិទ្យាល័យឬសកលវិទ្យាល័យត្រាវិញមានចាត់តាំងសកម្មភាព និងតាមកម្មវិធីទូរទស្សន៍ឬព្រឹត្តិការណ៍ធំៗ ដូចជា៖ កម្មវិធីសម្រស់និទាឃរដូវទិវាបុណ្យវប្បធម៍ កីឡានិងទេសចរណ៍ជនរួមជាតិខ្មែរលើកទី៧។ល។ ក្រៅពីនោះបងនៅទាំងចូលរួមសម្តែងឬចងក្រងជូនព្រឹត្តិការណ៍ នៅខេត្តវិញឡុង ព្រមទាំងបង្រៀនប្រគំភ្លេងតាមវត្តនៅក្នុងនិង ក្រៅខេត្តត្រាវិញទៀតផង។ល។ ចាប់ពីឆ្នាំ២០១៤រហូតមកដល់សព្វថ្ងៃ បងគឺជាប្រធានក្លឹបឧបករណ៍ភ្លេងនៃមហាវិទ្យាល័យសាលាវប្បធម៌ និងវិចិត្រសិល្បៈខ្មែរណាមបូ។ ក្រៅពីនោះ បងនៅទាំងសិក្សាស្រាវជ្រាវបន្ថែមអំពីភ្លេងមហោរី ស្រឡៃ និងសរសេរអក្សរភ្លេងបទចម្រៀងប្រជាប្រិយខ្មែរជាង២០បទ កែច្នៃនិងជួសជុលឧបករណ៍ភ្លេងខ្មែរមួយចំនួន។ល។

លោកគ្រូសើុងកាវថាំង អនុប្រធានមុខវិជ្ជាសិល្បៈនៃមហាវិទ្យាល័យភាសាវប្បធម៍វិចិត្រសិល្បៈខ្មែរណាមបូ បានឲ្យដឹង៖ “ ថ្វីត្បិតតែមានវ័យក្មេងបំផុតក្នុងសាលា ប៉ុន្តែហ្វាយថាញ់ មានទេព្យកោសល្យ ព្រមទាំងចេះប្រគំឧបករណ៍ភ្លេងជាច្រើន។ ស្នាដៃរបស់ប្អូនបានបង្ហាញតាមរយៈពានរង្វាន់មេដាយ និងលិខិតសរសើរជាច្រើនដែលទទួលបានក្នុងពិធីមហោស្រពនៅក្នុងនិងក្រៅខេត្ត។ រីឯក្នុងការងារវិញប្អូនតែងក្លៀវក្លា អស់ពីចិត្តពីថ្លើមបង្ហាត់បង្រៀននិងផ្តល់បទពិសោធន៍ដល់និស្សិតជំនាន់ក្រោយ។ល។ មហាវិទ្យាល័យមានគម្រោងឧបត្ថម្ភអោយហ្វាយថាញ់ទៅសិក្សាថ្នាក់អនុបណ្ឌិតនៅពេលខាងមុខ ដើម្បីលើកកម្ពស់គុណភាពនិងរក្សានូវផ្នែកឧបករណ៍ភ្លេងជនជាតិខ្មែរ៕

 រូបនិងអត្ថបទ៖ ធាវី

ចែករំលែកអត្ថបទ

ពាក្យគន្លឹះ