គោលនយោបាយ -ការរស់នៅ គោលនយោបាយ

02/07/2018 - 16:27

ភាពសុសសាយនៃសកម្មភាពសប្បុរសធម៌

ទោះបីរវីរវល់នឹងការរៀនសូត្រ និងកិច្ចការផ្សេងៗ ប៉ុន្តែមិត្តយុវវ័យយើងតែងតែឆ្លៀតពេលចូលរួមសកម្មភាពសប្បុរសធម៌-សង្គម បម្រើផលប្រយោជន៍សហគមន៍។ យោងតាមស្ថានភាពជាក់ស្តែង គឺមិត្តយុវវ័យយើងម្នាក់ៗ តែងធ្វើនូវទង្វើជាក់ស្តែងនិងប្រកបដោយអត្ថន័យ ផ្ដើមពីការចលនាអាហារូបករណ៍ អំណោយផ្សេងៗជូនសិស្សនិស្សិតក្រីក្ររហូតដល់កសាង ផ្លូវថ្នល់ ជួសជុលសាលារៀននិងរៀបចំកន្លែងលេងកម្សាន្តសម្រាប់កុមារក្រៅមណ្ឌលក្រុងជាដើម។

និស្សិតសាកលវិទ្យាល័យកឹងធើ ត្រៀមបម្រុងអំណោយជូនដល់សិស្សានុសិស្ស

ដែលមានស្ថានភាពក្រលំបាក។

ប៉ុន្មានថ្ងៃដើមខែឧសភាកន្លង ប្អូនង្វៀនធីង៉ុកយ៉ីម និស្សិតផ្នែកច្បាប់ (មហាវិទ្យាល័យតីដូ) មានការមមាញឹកជាមួយនឹងមិត្តភក្តិ ត្រៀមបម្រុងសកម្មភាពស្ម័គ្រចិត្តនាឱកាសវិស្សមកាលខាងមុខ។ ប្អូនយ៉ីម ឲ្យដឹង៖ ក្នុងខែឧសភា ប្អូនរួមជាមួយមិត្តភក្តិបានរៀបចំកន្លែងលេងកម្សាន្តជាច្រើនសម្រាប់ប្អូនៗកុមារក្រីក្រ គួបផ្សំនឹងការសួរសុខទុក្ខជូនអំណោយដល់កុមារកំព្រា ពិការនិងរងគ្រោះជាតិពុលឌីអូស៊ីន។ ប្អូនយ៉ីម បានខ្នះខ្នែងចូលរួមនឹងសកម្មភាពទាំងឡាយ ព្រោះតែការអាណិតអាសូរនិងចង់ជួយចែករំលែកដល់កុមារដែលឆាប់ទទួលរងការបាត់បង់ទាំងសម្ភារៈនិងស្មារតី។ ការរៀបចំសកម្មភាពរៀងរាល់លើក ប្អូនយ៉ីមនិងមិត្តភក្តិតែងចលនាអំណោយ រួមមានរបស់របរប្រើប្រាស់សិក្ខូបករណ៍ ព្រមជាមួយនោះ រៀបចំមហោស្រពល្បែងប្រជាប្រិយ សកម្មភាពសិល្បៈ ដើម្បីជួយផ្តល់កម្លាំងចិត្តសម្រាប់ប្អូនៗខំប្រឹងឈានឡើងក្នុងជីវភាព។

ទន្ទឹមនឹងសកម្មភាពគិតគូរឲ្យប្អូនៗដែលមានស្ថានភាពក្រលំបាក ប្អូនយ៉ីមនៅទាំងឆ្លៀតពេលចូលរួមនឹងចលនាវិស្សមកាលបៃតងជាមួយនឹងកិច្ចការជាក់ស្តែងជាច្រើន ៖ មានដូចជូនអំណោយដល់គ្រួសារឋិតក្នុងក្របខ័ណ្ឌគោលនយោបាយ គ្រួសារក្រីក្រ; ជួសជុលផ្លូវគមនាគមន៍; ផ្សព្វផ្សាយបង្ការបង្រ្កាបរោគឆ្លងរាលដាល។ល។ ប្អូនយ៉ីម បានចែករំលែក៖ “ប្អូនរីករាយណាស់ នៅពេលបំពេញការងារមានប្រយោជន៍ជូនសហគមន៍ និងចែករំលែកនូវក្តីលំបាកជាមួយនឹងមាមីងក្រីក្រក្រៅមណ្ឌលក្រុង”។ ទឹកចិត្តសប្បុរសធម៌របស់មិត្តយុវវ័យនៅទាំងបង្ហាញឲ្យឃើញស្មារតី ជួយគ្នាក្នុងជីវភាពទៀតផង។ លីថាញ់ឡើយ (នៅស្រុកកូវកែ ខេត្តត្រាវិញ) និស្សិតផ្នែកសំណង់ស៊ីវិលនៃសាកលវិទ្យាល័យកឹងធើ គឺកាន់តែយល់ច្បាស់នូវភាពជិតដិតជាមួយនឹងចលនានេះ។ ស្ថានភាពគ្រួសារប្អូនឡើយក្រលំបាក ខ្វះមុខខ្វះក្រោយ ឪពុកធ្វើជាគូលីសំណង់ ម្តាយលក់ដូរតិចតួចនៅផ្ទះ រកបានប្រាក់ចំណូលមិនលំនឹង។ ដើម្បីមានប្រាក់សម្រាប់ប្រើប្រាស់រៀនសូត្រ និងបង់កម្រៃសិក្សា ប្អូនឡើយតែងទៅរកធ្វើការជាអ្នករត់តុនៅភោជនីយដ្ឋាន។ ប្អូនឡើយ បានធ្វើការចាប់ពីម៉ោង៥រសៀលរហូតដល់ម៉ោង១០យប់រៀងរាល់ថ្ងៃ ប្រាក់កម្រៃក្នុងមួយម៉ោងគឺ១២.០០០ដុង។ ដឹងច្បាស់អំពីស្ថានភាពគ្រួសាររបស់ប្អូនឡើយ ទើបមិត្តភក្តិក្នុងសម្ព័ន្ធសមាគមនិស្សិតត្រាវិញ ចលនាជូនអាហារូបករណ៍១ចំណែក តម្លៃ១លានដុងដល់ប្អូន។ ក្រៅពីនោះ មិត្តភក្តិនៅរួមខេត្តជាមួយគ្នា ថែមទាំងជំនួយសៀវភៅកម្មវិធីសិក្សាសៀវភៅសិក្សាស្រាវជ្រាវ និងសៀវភៅសរសេរ ដើម្បីបង្កលក្ខណៈឲ្យថាញ់ឡើយ រៀនសូត្របានល្អជាង។ ថាញ់ឡើយ សំណេះសំណាល៖ “ការយកចិត្តទុកដាក់ឧបត្ថម្ភរបស់មិត្តភក្តិ មិនត្រឹមតែជួយខ្ញុំឆ្លងកាត់ការលំបាកប៉ុណ្ណោះទេ នៅទាំងជាការលើកទឹកចិត្តសម្រាប់ខ្ញុំខិតខំរៀនសូត្រ ដើម្បីមានការងារធ្វើលំនឹង ជួយដល់គ្រួសារទៅថ្ងៃក្រោយ”។ រៀងរាល់ឆ្នាំសម្ព័ន្ធសមាគមនិស្សិតខេត្តត្រាវិញ ចលនាអាហារូបករណ៍ បានជិត១០០ចំណែក (តម្លៃពី១ដល់២លានដុង/ចំណែក) ដើម្បីជំនួយកម្លាំងដល់និស្សិតដែលមានស្ថានភាពក្រលំបាក។

លឺវធីកីមជី និស្សិតផ្នែកនយោបាយវិទ្យានៃសាកលវិទ្យាល័យកឹងធើ យល់ឃើញថាពីមួយថ្ងៃទៅមួយថ្ងៃកាន់តែមានមិត្តយុវវ័យជាច្រើន ចូលរួមសកម្មភាពស្ម័គ្រចិត្តដើម្បីសហគមន៍។ ទន្ទឹមនឹងការឧបត្ថម្ភ បង្កលក្ខណសម្បត្តិរបស់សាលា អង្គការសម្ព័ន្ធយុវជន-សមាគមតម្រូវការពង្រីកទេពកោសល្យ មុខជំនាញរួមវិភាគទានជូនសង្គមមិត្តទាំងឡាយថែមទាំងមានបំណងលត់ដំបំណិនជីវិត។ ថ្វីបើមមាញឹកក្នុងការងារសិក្សាក៏ពិតមែន ប៉ុន្តែប្អូនលឺវធីកីមជី តែងខ្នះខ្នែងចូលរួមស្ទើរគ្រប់សកម្មភាពអាស្រ័យដោយសម្ព័ន្ធយុវជននិងសមាគមរៀបចំឡើង។ មានពេលខ្លះកីមជី ជាអ្នកជំហរៀបចំលេងល្បែង រៀបចំសកម្មភាពលេងកម្សាន្តសម្រាប់សិស្សានុសិស្ស នៅមណ្ឌលសាលាលំបាកនៃខណ្ឌកាយរុាំង; ជួនកាលវេចនំអន្សមលក់សន្សំប្រាក់បង្កើតមូលនិធិទិញសៀវភៅ ឬឃ្មាតខ្មីជាមួយនឹងមូលដ្ឋានសម្ព័ន្ធយុវជនខ័ណ្ឌកាយរុាំង អនាម័យបរិស្ថាន ដាំដើមឈើ រៀបចំតេតទ្រុងធូ កម្មវិធីអំណរនិទាឃរដូវឲ្យប្អូនៗកុមារ។ ឆ្លងតាមរយៈនោះ ប្អូនកីមជី កាន់តែមានឱកាស ដើម្បីរៀនសូត្រចំណេះដឹងនិងទេពកោសល្យក្នុងការទំនាក់ទំនង សកម្មភាពសមូហភាព វិនិច្ឆ័យស្ថានភាពផ្សេងៗ។ ក្រោយពីដំណើរចូលរួមស្ម័គ្រចិត្ត រៀងរាល់លើក ប្អូនកីមជី តែងបានឆ្លងកាត់រៀនបទពិសោធន៍បន្ថែមនិងកាន់តែយល់ដឹងអំពីអត្ថន័យនៃជីវភាព។

ចំពោះប្អូនឡេក្វឹកខូយ និស្សិតផ្នែកសុវត្ថិភាព ព័ត៌មាន (សាខារបស់មហាវិទ្យាល័យកឹងធើ) បានរួមជាមួយមិត្តភក្តិបង្កើតក្លឹបស្ម័គ្រចិត្ត ព្រមជាមួយនឹងក្តីបំណងប្រមូលផ្ដុំមិត្តយុវវ័យជាច្រើនដែលស្ម័គ្រចិត្តបំពេញសប្បុរសធម៌ កសាងសំណង់និងកិច្ចការទាំងឡាយដើម្បីផលប្រយោជន៍សហគមន៍។ ដើម្បីដំណើរការសម្រេចប្រសិទ្ធភាព ក្លឹបតែងបំផុសចលនា សមាជិកលក់ភេសជ្ជៈ; ប្រមូលរបស់សំណល់; ចលនាឧបត្ថម្ភជួសជុលនិងលាបពណ៌ផ្ទះ មេត្តាធម៌; ឧបត្ថម្ភជនរួមជាតិដែលរងគ្រោះទឹកជំនន់; សួរសុខទុក្ខជូនអំណោយដល់អ្នកក្រ និងប្អូនៗកុមារដែលមានស្ថានភាពក្រលំបាក ។ល។ ប្អូនខូយ រ៉ាយរ៉ាប់៖ “ឆ្លងតាមរយៈសកម្មភាព ស្ម័គ្រចិត្តខ្ញុំរៀនបាននូវប្រការមានប្រយោជន៍ជាច្រើន ពិសេសបំណិនគ្រប់គ្រងប្រមូលផ្តុំអ្នករាល់គ្នា ប៉ុន្តែរីករាយបំផុតគឺរួមចំណែកជួយមាមីងក្រីក្ររស់នៅកាន់តែល្អប្រសើរ”។

ចំពោះទង្វើជាក់ស្តែង ប្រកបដោយអត្ថន័យ ម្ល៉ោះហើយកាន់តែធ្វើឲ្យដិតដាមនូវរូបភាពយុវវ័យយើងក្នុងសហគមន៍ រួមចំណែកធ្វើឲ្យសុសសាយនូវគំរូរស់នៅប្រកបដោយសប្បុរសធម៌ ចេះទទួលខុសត្រូវនិងមានមនោសញ្ចេតនា៕

ក្វឹកថាយ-សេរី

ចែករំលែកអត្ថបទ

ពាក្យគន្លឹះ