ព្រឹត្តិការណ៍ - នយោបាយ នយោបាយ

26/06/2018 - 09:08

ឧបនាយករដ្ឋមន្រ្តី វ៉ូវឌឹកដាម អបអរសាទរកងជួរអ្នកកាសែត

ស្របឱកាសអនុស្សាវរីយ៍៩៣ឆ្នាំ ទិវាកាសែត បដិវត្តន៍វៀតណាម នៅអង្គសន្និបាតប្តូរវេនសារព័ត៌មានប្រចាំ អាស្រ័យគណៈឃោសនាអប់រំមជ្ឈិមក្រសួងព័ត៌មាននិងសារគមនាគមន៍ សមាគមអ្នកកាសែតវៀតណាម សហការជាមួយស្ថានីយវិទ្យុ ផ្សាយសម្លេងវៀតណាមរៀបចំឡើង ព្រឹកថ្ងៃ១៩ ខែមិថុនា លោកឧបនាយករដ្ឋមន្រ្តី វ៉ូវឌឹកដាម បានផ្ញើនូវវាចាសួរសុខទុក្ខ អបអរសាទរដល់កងជួរអ្នកកាសែតក្នុងទូទាំងប្រទេស។

ឧបនាយករដ្ឋមន្រ្តី វ៉ូវឌឹកដាម (ខាងស្តាំ) ជូនបាច់ផ្កាដល់ប្រធានសមាគមអ្នកកាសែតវៀតណាម ធ្វឹងហឺវ អបអរសាទរដល់កងជួរអ្នកកាសែតទាំងអស់ក្នុងទូទាំងប្រទេស ។ រូបថត: ឡឹមខាញ់ - TTXVN

ឧបនាយករដ្ឋមន្រ្តី វ៉ូវឌឹកដាម ចែករំលែកនូវការលំបាកសាកល្បងរបស់ស្ថាប័នសារព័ត៌មាន និងអ្នកកាសែតទាំងអស់ដែលកំពុងប្រឈមមុខ។ នោះគឺ ជាបរិមាណនិងតម្រូវការព័ត៌មាន លើគ្រប់វិស័យក្នុងជីវភាពសង្គមពីមួយថ្ងៃទៅមួយថ្ងៃកាន់តែច្រើន បញ្ហា ប្រជែងផ្នែកខាងព័ត៌មានត្រូវបានគិតជាវិនាទី ហើយកើតមានឡើងមិនត្រឹមតែផ្នែកណា ឬភូមិភាគណាមួយនោះទេ តែកើតមានក្នុងទូទាំងពិភពលោក។ ការអភិវឌ្ឍបច្ចេកវិទ្យាការកើតឡើងនៃប្រភេទឬទម្រង់នៃសារព័ត៌មាន សារគមនាគមន៍ថ្មី បានដាក់ចេញនូវបញ្ហាប្រឈមមិនតិចចំពោះតម្រូវការព័ត៌មាន ច្បាស់លាស់ទាន់ពេលវេលា ធានាការតម្រង់ទិសនៃខឿនសារព័ត៌មានបដិវត្តន៍ ចំពោះមុខនៃលំហូរព័ត៌មានជាច្រើនផ្សេងគ្នា។ ទន្ទឹមនឹងនោះ ស្ថាប័នគ្រប់គ្រងរដ្ឋ និងរដ្ឋអំណាចភូមិភាគអនុវត្តមិនទាន់បានល្អក្នុងការផ្តល់ព័ត៌មានគ្រប់គ្រាន់ និងទាន់ពេលវេលាជូនសារព័ត៌មាននៅឡើយ។

ស្ថាប័នសារព័ត៌មានជាច្រើន ត្រូវធ្វើឲ្យបានល្អនូវភារកិច្ចនយោបាយផង ត្រូវធ្វើម្ចាស់ថវិកាដោយឯកឯងផង ក្នុងបរិការណ៍បច្ចេកវិទ្យារីកចម្រើនយ៉ាងឆាប់រហ័ស ប្រភពចំណូលតាមរយៈការផ្សាយពាណិជ្ជកម្ម បណ្តាសេវាបង្កើនដោយប្រយោលត្រូវបានថយចុះ ចែករំលែកទីផ្សារដោយទម្រង់ទូរគមនាគមន៍ជាច្រើនផ្សេងទៀត រួមទាំងបណ្តាញសង្គម ឧបនាយករដ្ឋមន្រ្តី មានប្រសាសន៍ដូច្នេះ។ ឲ្យតម្លៃខ្ពស់ចំពោះការខិតខំប្រឹងប្រែងរបស់ស្ថាប័នសារគមនាគមន៍នានា និងកងជួរអ្នកយកព័ត៌មានអ្នកកាសែតក្នុងទូទាំងប្រទេស លោកឧបនាយករដ្ឋមន្ត្រី ជឿជាក់ថា ក្រុមអ្នកកាសែតវៀតណាមនឹងជម្នះបាននូវការលំបាកសាកល្បងនេះ ហើយក្តាប់ឱកាស ដើម្បីអភិវឌ្ឍឲ្យកាន់តែខ្លាំងក្លា សម្រេចនូវភារកិច្ចដែលបានប្រគល់ជូនរួមដំណើរជាមួយប្រទេសជាតិផ្លាស់ថ្មី៕

ទីភ្នាក់ងារសារព័ត៌មានវៀតណាម - វ៉ាន់តឹន

ចែករំលែកអត្ថបទ

ពាក្យគន្លឹះ