សុខភាព - អប់រំ អប់រំ

03/04/2018 - 14:49

ប្រកាសជាសាធារណៈសម័យប្រឡងវិទ្យាល័យជាតិ

ក្រសួងអប់រំនិងបណ្តុះបណ្តាល ទើបចេញសេចក្តីប្រកាសជាសាធារណៈ ពីសម័យប្រឡងវិទ្យាល័យជាតិ នឹងប្រព្រឹត្តឡើងក្នុងរយៈពេល៣ថ្ងៃ ចាប់ពីថ្ងៃទី២៥ដល់២៧ ខែមិថុនា ដោយគោលដៅពិនិត្យបញ្ចប់កម្រិតមធ្យមសិក្សាចំណេះទូទៅ និងជ្រើសចូលមហាវិទ្យាល័យ។
បេក្ខជនចូលប្រឡងវិទ្យាល័យជាតិ ដែលរៀនតាមកម្មវិធីមធ្យមសិក្សាចំណេះទូទៅ ត្រូវប្រឡង៥វិញ្ញាសា ក្នុងនោះ៣វិញ្ញាសា ដាច់ដោយឡែក គឺគណិតវិទ្យា និរុតិ្តសាស្រ្ត និងភាសាបរទេស។ ពីរវិញ្ញាសាសមាយោគ (ផ្សំគ្នា) គឺវិទ្យាសាស្រ្តធម្មជាតិ (រួមមានវិញ្ញា សា៖ រូបសាស្រ្ត គីមីសាស្រ្ត ជីវសាស្រ្ត) និងវិទ្យាសាស្រ្តសង្គម (រួមមានវិញ្ញាសា៖ ប្រវត្តិសាស្រ្ត ភូមិសាស្រ្ត សីលធម៌ពលរដ្ឋ)។ ចំណែកសិស្សរៀនតាមកម្មវិធីអប់រំជាប្រចាំ ចាំបាច់ត្រូវប្រឡង៣វិញ្ញាសាជាកំហិត គឺគណិតវិទ្យា និរុត្តិសាស្រ្ត និងជ្រើសយកមួយវិញ្ញាសាទៀតក្នុងចំណោមសមាយោគ វិញ្ញាសាទាំងពីរ គឺវិទ្យាសាស្រ្តធម្មជាតិឬ វិទ្យាសាស្រ្ត សង្គម។ វិញ្ញាសានិរុត្តិសាស្រ្តនឹងប្រឡងតាមបែបវិញ្ញាសាសរសេរ មានរយៈពេលកំណត់១២០នាទី ក្រៅពីមុខវិជ្ជានេះ គឺត្រូវប្រឡងតាមបែបសំណួរចម្លើយជ្រើសរើសធ្វើតែសទាំងអស់។ ក្នុងនោះ វិញ្ញាសាគណិតវិទ្យាមានរយៈពេលកំណត់៩០នាទី ភាសាបរទេស៦០នាទី។ បណ្តាវិញ្ញាសាសមាយោគមានរយៈពេលកំណត់ សរុប១៥០នាទីក្នុងនោះវិញ្ញាសាជាសមាសភាពនីមួយៗមានរយៈពេលកំណត់៥០នាទី។ ក្រសួងអប់រំនិងបណ្ដុះបណ្ដាលកំណត់កម្រិតពេលវេលាជាសំខាន់៖ សម្រេចការផ្ទៀងផ្ទាត់លទ្ធផលប្រឡងយឺតបំផុតនៅថ្ងៃ១១ ខែកក្កដា។ គណៈមេប្រយោគ ប្រកាសជាសាធារណៈនិងជូនដំណឹងពីលទ្ធផលប្រឡងដល់បេក្ខជននៅថ្ងៃ១១ ខែកក្កដា។

គ្រប់មន្ទីរអប់រំនិងបណ្ដុះបណ្ដាលត្រូវធ្វើ បច្ចុប្បន្នភាពបញ្ជីរាយនាមបេក្ខជន ដែលបានទទួលស្គាល់បញ្ចប់កម្រិតមធ្យមសិក្សាចំណេះទូទៅចូលក្នុងកម្មវិធីផ្នែកទន់គ្រប់ គ្រងការប្រឡង យឺតបំផុតនៅថ្ងៃ១៥/៧; ទន្ទឹមនឹងនោះ ផ្ញើតារាងសរុបលទ្ធផលជម្រើសទទួលស្គាល់បញ្ចប់កម្រិតមធ្យមសិក្សាចំណេះទូទៅបណ្ដោះអាសន្ន តាមគំរូក្នុងកម្មវិធីផ្នែកទន់គ្រប់គ្រងការប្រឡងតាមរយៈអាសយដ្ឋាន email ដែលបានកំណត់។

ប្រកាសលទ្ធផលដែលជម្រើសទទួលស្គាល់បញ្ចប់កម្រិតមធ្យមសិក្សាចំណេះទូទៅ យឺតបំផុតនៅថ្ងៃ១៧ ខែកក្កដា។ គ្រប់មន្ទីរអប់រំនិងបណ្ដុះបណ្តាលត្រូវតែធ្វើបច្ចុប្បន្នភាពតារាងសរុបលទ្ធផលដែលជម្រើសទទួលស្គាល់បញ្ចប់កម្រិតមធ្យម សិក្សាចំណេះទូទៅជាផ្លូវការ ចូលក្នុងផ្នែកទន់គ្រប់គ្រងនិងផ្ញើតាមអាសយដ្ឋាន mail ដែលបានកំណត់យឺតបំផុតនៅថ្ងៃ៣១ ខែកក្កដា; ទន្ទឹមនឹងនោះ ផ្ញើតាមប្រៃសណីយ៍ ដល់នាយកដ្ឋានគ្រប់គ្រងគុណភាព។ គ្រប់មន្ទីរអប់រំនិងបណ្ដុះបណ្ដាលត្រូវផ្ញើបញ្ជីរាយនាមបេក្ខជនដែលបានទទួលស្គាល់បញ្ចប់កម្រិតមធ្យមសិក្សាចំណេះទូទៅជាផ្លូវការ ដល់ការិយាល័យនៃក្រសួងអប់រំនិងបណ្ដុះបណ្ដាល យឺតបំផុតនៅថ្ងៃ៥/៨៕

យោង៖ VOV-វិមាន