សុខភាព - អប់រំ សុខភាព

11/12/2017 - 16:26

ថែទាំសុខភាពជូនកងទ័ពប្រជាជន

ក្រោយពីរយៈកាល៦ខែដំណើរការកងជួរក្រុមគ្រូពេទ្យ វេជ្ជបណ្ឌិត បុគ្គលិកនៃមន្ទីរពេទ្យយោធាប្រជាជនក្រុងកឹងធើ រួមចំណែកថែទាំសុខភាពជូនកងទ័ពនិងប្រជាជននៅស្រុកកើ-ដ និងភូមិភាគនៅជិតខាងកាន់តែមានភាពប្រសើរ។

វេជ្ជបណ្ឌិត កំពុងពិនិត្យជំងឺឲ្យអ្នកជំងឺ សម្រាកព្យាបាលនៅផ្នែករោគក្នុងទូទៅ។

មន្ទីរពេទ្យយោធាប្រជាជនក្រុងកឹងធើ ចាប់ដំណើរការនៅថ្ងៃទី១៩ ខែឧសភា ឆ្នាំ២០១៧។ នេះគឺជាមន្ទីរពេទ្យដំណើរការតាមទម្រង់រូបភាពពេទ្យយោធាប្រជាជនដំបូងបង្អស់នៅក្រុងកឹងធើ និងជាមន្ទីរពេទ្យដំបូងបង្អស់របស់ស្រុកកើ-ដផងដែរ។ មន្ទីរពេទ្យមានបន្ទប់មុខងារ៦ផ្នែក បន្ទប់ជំនាញ ចំនួន៣ ដោយមានបុគ្គលិកជាង១០០នាក់មានទ្រង់ទ្រាយ៥៥គ្រែ។ ពូត្រេវគីម នៅទីប្រជុំជនកើ-ដ ស្រុកកើ-ដ មកពិនិត្យសុខភាពប្រចាំខែនៅមន្ទីរពេទ្យនេះ ចែករំលែក៖ “ពីមុន កើ-ដគ្មានមន្ទីរពេទ្យលក្ខណៈសម្ភារៈនៅមានកម្រិត ម្យ៉ាងទីតាំងមជ្ឈមណ្ឌលសុខាភិបាលស្រុកកើ-ដនៅឆ្ងាយ ម៉្លោះហើយពេលមកពិនិត្យ ព្យាបាលជំងឺម្តងៗ មាមីងជួបលំបាកច្រើន។ ព្រោះហេតុនោះ បានជាមានអ្នកជំងឺជាច្រើនពេលឈឺថ្កាត់ម្តងៗមិនចូលពេទ្យស្រុកទេ ឆ្ពោះមកពិនិត្យព្យាបាលជំងឺនៅមន្ទីរពេទ្យក្រុងកឹងធើតែម្តង។ ឥឡូវមន្ទីរពេទ្យយោធាប្រជាជនបានកសាង មានភាពសមរម្យ ទំនើប បានឆ្លើយតបទៅនឹងតម្រូវការពិនិត្យព្យាបាលជំងឺរបស់ប្រជាជន”។

លោកវរសេនីយ៍ឯកបម្រុង ផាមវុាំងបោយ វេជ្ជបណ្ឌិតឯកទេស១ នាយករងមន្ទីរពេទ្យ យោធាប្រជាជនក្រុងកឹងធើ រំលឹកឡើងវិញ៖ “ស្រុកកើ-ដជាភូមិភាគមានជនរួមជាតិខ្មែររស់នៅកុះករ ជីវភាពកងទ័ពប្រជាជននៅជួបលំបាកច្រើន។ ព្រោះហេតុនោះ ថ្នាក់ដឹកនាំគ្រប់លំដាក់ថ្នាក់ និងកងជួរបុគ្គលិកពេទ្យជានិច្ចកាលលើកកម្ពស់ទាំងមុខជំនាញនិងការទំនាក់ទំនង ដើម្បីបង្កបាននូវក្តីជំនឿក្នុងប្រជាជន។ មិនត្រឹមតែអនុវត្តភារកិច្ចថែទាំសុខភាពជូនប្រជាជនបានល្អប៉ុណ្ណោះទេ មន្ទីរពេទ្យនៅទាំងអនុវត្តសម្រេចរួចរាល់នៅការបណ្តុះបណ្តាលកងជួរពេទ្យយោធាធា នាសន្តិសុខការពារប្រទេសនៅក្នុងតំបន់ទៀតផង”។ ជាក់ស្តែង ក្រោយដំណើរការអស់រយៈពេល៦ខែមកនេះ ចំនួនអ្នកជំងឺ មកពិនិត្យ ព្យាបាលជំងឺ កើនជាលំដាប់។ គិតមកទល់នឹងខែវិច្ឆិកា ឆ្នាំ២០១៧ មន្ទីរពេទ្យបានពិនិត្យ ព្យាបាលជូនអ្នកជំងឺជាង១១០០០នាក់។ ក្នុងនោះ ប្រជាជនមកពិនិត្យជំងឺនិងសម្រាកព្យាបាលជារៀងរាល់ខែកើនជាលំដាប់។ អ្នកមីងយ័ញធីអៀងនៅភូមិថើយត្រឿង១ ឃុំថើយស្វឹង ស្រុកកើ-ដ ឲ្យដឹង៖ “ខ្ញុំឈឺជំងឺសម្ពាតឈាមខ្ពស់អាស្រ័យ បានវេជ្ជបណ្ឌិតជួយសង្រ្គោះ ទើបជំងឺខ្ញុំបានធូរស្រាលច្រើន។ ក្រោយពីរយៈពេល៥ថ្ងៃ សម្រាកព្យាបាលជំងឺនៅមន្ទីរពេទ្យយោធាប្រជាជន ខ្ញុំក៏បានវេជ្ជបណ្ឌិតឲ្យចុះពេទ្យ។ មុននឹងមកផ្ទះ ឧបដ្ឋាកនៅទាំងណែនាំខ្ញុំពីរបៀបលេបថ្នាំ ហូបចុកដើម្បីថែទាំសុខភាព។ ខ្ញុំប្រើប័ណ្ណធានារ៉ាប់រងសុខាភិបាលម៉្លោះហើយដេកពេទ្យគ្មានបង់ប្រាក់”។

លោកវរសេនីយ៍ឯកបម្រុង ផាមវុាំងបោយ វេជ្ជបណ្ឌិតឯកទេស១ ឲ្យដឹងបន្ថែម៖ “អាស្រ័យស្មារតីសាមគ្គី អាកប្បកិរិយាកងទ័ព ម៉្លោះហើយមន្ទីរពេទ្យដំណើរការរលូន។ នៅពេលខាងមុខ គណៈនាយកមន្ទីរពេទ្យនឹងបញ្ជូនកម្មាភិបាលវ័យក្មេងទៅបង្កើនចំណេះដឹងមុខជំនាញ នឹងស្នើថ្នាក់លើចាត់កម្មាភិបាលមួយចំនួនមានបទពិសោធន៍មកបំពេញការងារនៅអង្គភាព។ ម្យ៉ាងវិញទៀត មន្ទីរពេទ្យនឹងបំពាក់គ្រឿងបរិក្ខារពេទ្យទំ នើបៗ ដើម្បីដំណើរការអនុវត្តបច្ចេកទេសឆ្លុះវះកាត់ ឆ្លើយតបនឹងតម្រូវការពិនិត្យ ព្យាបាលជំងឺជូនកងទ័ពនិងប្រជាជនឲ្យបានល្អ”៕

ថាញ់ភូ-មុនី

ចែករំលែកអត្ថបទ

ពាក្យគន្លឹះ