វប្បធម៌-សិល្បៈ សិល្បៈ

26/01/2016 - 10:10

អ្នកថែរក្សាសិល្បៈខ្មែរ

រៀងរាល់រាត្រី នៅមជ្ឈមណ្ឌលវប្បធម៌ឃុំឌិញហ្វា ស្រុកហ្គក្វាវ (កៀងយ៉ាង) តែងមានយុវជន យុវនារីខ្មែរជាច្រើនមកហាត់ច្រៀងរាំ ដើម្បីថែរក្សាសិល្បៈប្រវេណីខ្មែរ អាស្រ័យកសិករវ័យចំណាស់ យ័ញបេ អ្នករស់ នៅភូមិភាគជួយបង្ហាត់ដោយឥតគិតថ្លៃ។

លោកយ័ញបេតែងបញ្ចេញកម្លាំងបង្ហាត់សិល្បៈជូនប្អូនៗ ក្នុងភូមិភាគដើម្បីថែរក្សាអត្តសញ្ញាណវប្បធម៌ជនជាតិខ្មែរ។

ក្នុងចំណោមសិក្ខាកាមទាំងអស់នេះ ភាគច្រើនគឺចៅៗរបស់លោកយ័ញបេ ក្រៅពីនោះ នៅមានកូនចៅរបស់បងប្អូនមាមីងក្នុងភូមិផងឬឃុំជិតខាង។ មានប្អូនៗខ្លះកំពុងនៅរៀនសាលាសកល ប្អូនៗខ្លះបានឈប់រៀន រេមកគិតគូរជីវភាពគ្រួសារ ប៉ុន្តែគេទាំងអស់គ្នាសុទ្ធតែមានទិសដៅរួម នោះគឺជាប់ចិត្តជាមួយនឹងវប្បធម៌សិល្បៈប្រវេណីរបស់ជនជាតិខ្មែរ។ តាមប្រសាសន៍របស់លោកយ័ញបេ៖ រយៈពេល៥ឆ្នាំកន្លង លោកតែងខ្នះខ្នែងបង្ហាត់សិល្បៈខ្មែរជូនដល់ប្អូនៗ ជំនាន់ក្រោយ ដើម្បីប្អូនៗបានចេះនូវសិល្បៈប្រវេណីនិងថែរក្សា ពង្រីកអត្តសញ្ញាណវប្បធម៌ជនជាតិ។

ដោយការខិតខំខ្នះខ្នែងរបស់លោកយ័ញបេ ផ្សំជាមួយនឹងទឹកចិត្តស្នេហាសិល្បៈរបស់ប្អូនៗ បានជាការបង្ហាត់សិល្បៈខ្មែរតែងប្រព្រឹត្តឡើងជាប្រចាំនៅមជ្ឈមណ្ឌលវប្បធម៌ ឃុំឌិញហ្វា។ ក្នុងប៉ុន្មានខែចូលរៀនសាលាសកលមានសិស្សចូលរៀនសិល្បៈប្រហែល៣០រូប ខែវិស្សមកាល ចំនួនសិស្សក៏កើនឡើង ចួនកាលពេលខ្លះមានសិស្សដល់ទៅ៥០រូបឯណោះ។ លោកយ័ញបេ តែងខ្នះខ្នែងអស់ពីចិត្តក្នុងការបង្ហាត់សិល្បៈជូនប្អូនៗ មានដូច៖ ល្ខោន របាំ ឆៃយុាំ អាយ៉ៃ។ល។ យោងសម្ដីរបស់លោកយ័ញបេ ស្ទើរតែរាល់បទចម្រៀង ឈុតល្ខោននីមួយៗសុទ្ធតែបង្កប់អត្ថន័យអប់រំមនុស្សប្រព្រឹត្តអំពើល្អ លះបង់អំពើអាក្រក់ មានទឹកចិត្តស្រឡាញ់មនុស្សជាតិ រក្សាការសាមគ្គីសហគមន៍ភូមិស្រុក ។ល។ ព្រោះហេតុនោះ បានជាការបង្ហាត់សិល្បៈ មិនខុសប្លែកពីការបង្ហាត់ឲ្យប្អូនៗ ចេះដឹងនូវប្រវេណីវប្បធម៌ជនជាតិ សុជីវធម៌នៃការរស់នៅ។ ប្អូនយ័ញធីហ្វិនញឺ សិស្សរៀនថ្នាក់ទី៦A៣ សាលាមធ្យមសិក្សាមូលដ្ឋាន ឌិញហ្វា ឲ្យដឹង៖ "ឆ្លងតាមរយៈបទចម្រៀង បានញុាំងឲ្យប្អូនកាន់តែស្រឡាញ់គ្រួសារ ឪពុកម្តាយ យាយតា ស្នេហាភូមិស្រុកច្រើនថែមទៀត"។

សំឡេងច្រៀងពីរោះរណ្តំស្ដីពីទូក-ង ថ្ងៃបុណ្យប្រណាំងទូក-ងប្រជាជនប្រកបរបរកសិកម្ម ស្នេហាដើមស្រូវ គោរពគ្រាប់អង្ករ ។ល។ បានជ្រួតជ្រាប់ក្នុងសតិអារម្មណ៍ មនោសញ្ចេតនារបស់ប្អូនៗ។ ប្អូនយ័ញទ្វៀង អាយុ២១ឆ្នាំ នៅភូមិហ្វាធៀន ឃុំឌិញហ្វា ឲ្យដឹង៖" ចូលរួមហាត់ច្រៀងរាំ មានភាពរីករាយខ្លាំងណាស់ ពិសេសគឺនៅពេលបានសំដែងបម្រើថ្ងៃបុណ្យធំៗរបស់ជនជាតិខ្មែរ តែងបានមាមីងគាំទ្រជានិច្ច។ ចំណែកប្អូនយ័ញញឹកអាញ់ សិស្សរៀនថ្នាក់ទី៦A៣ សាលាមធ្យមសិក្សាមូលដ្ឋាន ឌិនហ្វា ត្រូវជាចៅ (ជីតាខាងម្តាយ) របស់លោកយ័ញបេ ឲ្យដឹង៖ ក្រោយពីបានចូលរួមច្រៀងរាំម្តងៗ ប្អូនមានអារម្មណ៍រីករាយខ្លាំងណាស់ នាំមកនូវស្មារតីរៀនសូត្រថែមទៀតផង។ ព្រោះហេតុដូច្នោះ ប្អូននឹងខិតខំ រៀនសូត្រឲ្យបានពូកែ ដើម្បីជួយគ្រួសារនិងអ្នករាល់គ្នាដូចជាតួអង្គក្នុង ឈុតល្ខោនដែលប្អូនបានរៀនពីជីតាប្អូននោះដែរ៕

ឡេស៊ាង-សេរី

ចែករំលែកអត្ថបទ

ពាក្យគន្លឹះ