សុខភាព - អប់រំ សុខភាព

05/05/2015 - 10:02

ដំណាក់សុខាភិបាលឃុំវីធ្វី សម្រេចបទដ្ឋានជនបទថ្មី

ដំណាក់សុខាភិបាលឃុំវីធ្វី ស្រុកវីធ្វី ខេត្តហូវយ៉ាង ទើបនឹងបង្កើន កម្រិតកាលពីដើមឆ្នាំ២០១៥ ដើម្បីធានាបម្រើការងារថែទាំសុខភាព បឋមជូនប្រជាជននៅលើភូមិសាស្រ្ត។

ប្រជាជនមកពិនិត្យជំងឺនៅដំណាក់សុខាភិបាលឃុំវីធ្វី ។

ជិតម៉ោង១១ថ្ងៃត្រង់ ដំណាក់សុខាភិបាលឃុំវីធ្វី នៅតែមានមាមីងរង់ចាំពិនិត្យជម្ងឺ។ បងស្រីថាច់ធីហ្វាយធូ នៅភូមិ៦រៀបរាប់៖ "តាំងពីព្រឹកមក ខ្ញុំជាប់រវល់លក់អីវ៉ាន់នៅឯផ្សារដឿងដាវ ហេតុនោះ មិនអាចនាំកូនមកពិនិត្យជម្ងឺបាន។ ឥឡូវទើបមកដល់ដំណាក់សុខាភិបាល ប៉ុន្តែកម្មាភិបាលនៅទីនេះ នៅតែរាក់ទាក់ទទួលខ្ញុំ"។ តាមប្រសាសន៍វេជ្ជបណ្ឌិត ង្វៀនថាញ់ហា ប្រធានដំណាក់សុខាភិបាលឃុំវីធ្វី ថ្នាក់ដឹកនាំដំណាក់សុខាភិបាលជានិច្ចកាលតែងដាស់តឿនកម្មាភិបាលទទួលបន្ទុក គប្បី សម្តែងអាកប្បកិរិយាថែទាំអ្នកជម្ងឺឲ្យបានល្អ និងអនុវត្តតាមគោលលំនាំ"អស់អ្នកជម្ងឺប៉ុន្តែមិនអស់ម៉ោង"។

វេជ្ជបណ្ឌិត ង្វៀនថាញ់ហា ឲ្យដឹង៖ "ដំណាក់សុខាភិបាលឃុំវីធ្វី ទើបនឹងបង្កើនកម្រិតដូច្នេះមូលដ្ឋានសម្ភារៈមានភាពស្អាតស្អំនិងធានាបន្ទប់គ្រប់គ្រាន់ដើម្បីបម្រើការងារពិនិត្យព្យាបាលជម្ងឺជូនប្រជាជន"។ ក្រៅពីមូលដ្ឋានសម្ភារៈសម្រេចបទដ្ឋាន កន្លងហើយថ្នាក់ដឹកនាំឃុំវីធ្វី ក៏បានដាក់សំណើកសាងកងជួរកម្មាភិបាលសុខាភិបាល សម្រេចតាមតម្រូវការ។ ក្រៅពីប្រធានដំណាក់សុខាភិបាល ជាវេជ្ជបណ្ឌិតដំណាក់សុខាភិបាលនៅទាំងមានកម្មាភិបាលមួយរូបកំពុងរៀនមហាវិទ្យាល័យ តាមប្រពន្ធសុក្រឹតការ។ នៅរាល់ផ្នែកនៃដំណាក់សុខាភិបាលឃុំវីធ្វី តែងមានកម្មាភិបាលមួយរូបទទួលបន្ទុក។ ដើម្បីអនុវត្តបានល្អនូវរាល់កម្មវិធី សុខាភិបាលជាតិដំណាក់សុខាភិបាលឃុំវីធ្វី បានកសាងកងជួរសហការីសុខាភិបាលនៅតាមភូមិហេតុនោះការបំផុសចលនាយុទ្ធនាការកម្ចាត់ដង្កូវទឹកឬក៏ផែនការគ្រួសារសុទ្ធសឹងអនុវត្តបានល្អ។ គ្រូពេទ្យ យ័ញធូ កម្មាភិបាលដំណាក់សុខាភិបាលឃុំវីធ្វី ចែករំលែក៖"អនុវត្តកិច្ចចង្អុលការរបស់ថ្នាក់ដឹកនាំស្ថាប័នកម្មាភិបាលដំណាក់សុខាភិបាលម្នាក់ៗ តែងមានភារៈ ទទួលបន្ទុកការងារសុខាភិបាលនៅភូមិមួយ ដូច្នេះយើង ខ្ញុំជានិច្ចកាលតែងសហការជាមួយសហការីសុខាភិបាលតាមភូមិ ដើម្បី ច្បាមភូមិសាស្រ្ត ចលនាមាមីងអនុវត្តបទដ្ឋានសុខាភិបាលដូច៖ ហូបឆ្អិន ផឹកឆ្អិន កាប់ឆ្ការព្រៃគុម្ពោត អនាម័យផ្ទះសម្បែង។ល។ ហេតុនោះ រយៈពេលកន្លងនៅលើភូមិសាស្រ្តគ្មានកើតរោគរាលដាល"។ ភាពស្និទ្ធ ស្នាលនិងការយកចិត្តទុកដាក់របស់កងជួរសុខាភិបាលមូលដ្ឋាន បាន រួមចំណែកលើកកំពស់ស្មារតីភ្ញាក់រលឹករបស់មាមីង មានការយល់ដឹង អំពីកិច្ចការបង្ការជំងឺ។ មីងធីដាវនៅភូមិ៨ឲ្យដឹង៖ "ពីមុនពេលមានជំងឺ ឈឺថ្កាត់ម្តងៗខ្ញុំតែងទៅទិញថ្នាំផឹកនៅហាងលក់សារពើភណ្ឌជិតផ្ទះ។ តែឥឡូវនេះខ្ញុំឲ្យកូននាំទៅដំណាក់សុខាភិបាល ពិគ្រោះជំងឺត្រឹមត្រូវមិន ទិញថ្នាំផ្តេសផ្តាសទៀតទេ"។
តាមប្រសាសន៍ លោកផាងវុាំងតុង អនុប្រធានគណៈកម្មាធិការប្រជាជនឃុំវីធ្វី រយៈពេលកន្លងដំណាក់សុខាភិបាលឃុំវីធ្វី អនុវត្តការងារពិនិត្យព្យាបាលជម្ងឺបឋមជូនប្រជាជនបានល្អ។ កងជួរកម្មាភិបាលដំ ណាក់សុខាភិបាលរៀនសូត្រដោយឥតឈប់ឈរ ដើម្បីលើកកំពស់កំ រិតវិជ្ជាឆ្លើយតបនឹងតម្រូវការថ្មី។ អាស្រ័យហេតុនេះ ដំណាក់សុខាភិ បាលឃុំវីធ្វីបានសម្រេចបទដ្ឋានជនបទថ្មី៕

ហាថាញ់ - សុផល

ចែករំលែកអត្ថបទ

ពាក្យគន្លឹះ