សុខភាព - អប់រំ សុខភាព

10/12/2013 - 10:06

អាសយដ្ឋានដ៏ទំនុកចិត្តរបស់អ្នកក្រ

បន្ទប់ពិនិត្យព្យាបាលរោគដោយថ្នាំស្រុកសប្បុរសធម៌ វត្តង្វៀងទ្រុង ត្រឹក (ក្រុងរ៉ាច់យ៉ា ខេត្តគៀងយ៉ាង) បានបង្កើតឡើងមុននេះ២៤ឆ្នាំ។ នោះក៏អំឡុងជាពេលដែលកងជួរគ្រូពេទ្យ និងសប្បុរសជនទាំងឡាយ នាំមកនូវក្តីសង្ឃឹមក្នុងការព្យាបាលជំងឺជូនអ្នកក្រ។

ផ្សំថ្នាំស្រុកដេាយឥតគិតថៃ្លជូនអ្នកជំងឺក្រីក្រនៅបន្ទប់ពិនិត្យព្យាបាលរោគ
សប្បុរសធម៌វត្តង្វៀងទ្រុងត្រឹក។

ព្រឹកព្រលឹម ប៉ុន្តែបន្ទប់ពិនិត្យព្យាបាលរោគដោយថ្នាំស្រុកសប្បុរស ធម៌វត្តង្វៀងទ្រុងត្រឹក មានអ្នកជំងឺជាច្រើនរង់ចាំដល់វេនស្ទង់ជីពចរនិង ផ្សំថ្នាំផឹក។ បងស្រីង្វៀងធីឡាង នៅស្រុកអាងបៀង ឲ្យដឹងៈ គាត់បានមកទីនេះផ្សំថ្នាំយកទៅផឹកច្រើនឆ្នាំមកហើយ។ ពីមុនមកបងស្រីផ្សំថ្នាំ ឲ្យប្តីនិងបងស្រីផ្ទាល់។ បងង្វៀងវាំុងដេវ (ប្តីបងស្រីឡាង) មានរោគថ្លើម ក្រពះ ក្រលៀន បងទៅព្យាបាលអស់៣ឆ្នាំតែមិនបានធូរស្រាលសោះ ក្នុងដំណាក់កាលនេះ ជីវភាពគ្រួសារបងស្រីសិ្ថតក្នុងភាពខ្វះខាត និងជំពាក់បំណុលគេ។ ដោយចៃដន្យបងស្រីបានមាមីងក្នុងភូមិឧទ្ទេស នាមឲ្យទៅបន្ទប់ពិនិត្យព្យាបាលរោគដោយថ្នាំស្រុកសប្បុរសធម៌ វត្តង្វៀងទ្រុងត្រឹក ដើម្បីចាក់ម្ជុលវិទ្យាសាស្រ្តនិងផ្សំថ្នាំស្រុកយកមកផ្ទះផឹក។ ក្រោយពីព្យាបាលជាងមួយឆ្នាំ បច្ចុប្បន្នប្តីរបស់បងស្រីបានធូរ ស្រាលច្រើន។ ចំណែកបងផាមហ្វាងអ៊ុក នៅឃុំដុងថាយ ស្រុកអាង បៀងក៏កើតរោគថ្លើមដែរ។ ជាង២ឆ្នាំនេះ អាស្រ័យដោយបានមកបន្ទប់ ពិនិត្យព្យាបាលរោគដោយថ្នាំស្រុកសប្បុរសធម៌នេះ ទើបជំងឺរបស់បង បានធូរស្រាលច្រើន។ បងអ៊ុកឲ្យដឹងៈ" អាស្រ័យដោយគ្រួសារក្រលំបាក ហេតុនោះទៅព្យាបាលនៅពេទ្យដទៃមានការបង់ខាតណាស់។ ចាប់ពីមកបន្ទប់ពិនិត្យព្យាបាលរោគដោយថ្នាំស្រុក វត្តង្វៀងទ្រុងត្រឹក ដែលមានប្រភេទថ្នាំផ្សំសម្រាប់ព្យាបាលរោគថ្លើម ហេតុនោះខ្ញុំមកពិនិត្យរោគ និងផ្សំថ្នាំយកទៅផ្ទះផឹករហូតមកទល់ពេលនេះបានធូរស្រាលច្រើន"។

គ្រូពេទ្យង្វៀងវាំុងហីវ បំពេញការងារនៅបន្ទប់ពិនិត្យព្យាបាលរោគ ដោយថ្នាំស្រុកសប្បុរសធម៌ វត្តង្វៀងទ្រុងត្រឹកជិត១៦ឆ្នាំ ប៉ុន្តែគ្រួសារ លោកនៅខណ្ឌនិញកេវក្រុងកឹងធើ ម្ល៉ោះហើយមួយសប្តាហ៍លោកមកផ្ទះបានតែម្តង។ អ្នកដែលធ្វើការនៅទីនេះ តាំងពីគ្រូពេទ្យរហូតដល់អ្នកផ្សំថ្នាំ អ្នកចិញ្រ្ចាំថ្នាំ អ្នកហាលថ្នាំសុទ្ធតែស្ម័គ្រចិត្តទាំងអស់ ដោយ សង្ឃឹមថាបានរួមចំណែកក្នុងការសង្គ្រោះមនុស្ស និងជួយដល់អ្នកក្រីក្រ។ ក្រៅពីគ្រូពេទ្យង្វៀងវាំុងហីវ បំពេញការងារសប្បុរសធម៌ច្រើននៅ មានទាំងកូនប្រុសរបស់គាត់គឺង្វៀងថាញ់ទ្រុងផងដែរ។ ថាញ់ទ្រុងទើប ប្រឡងបញ្ចប់មធ្យមសិក្សាផ្នែកវេជ្ជសាស្រ្ត គាត់បញ្ចុះបញ្ចូលកូនឲ្យមកទីនេះបំពេញការងារសប្បុរសធម៌។ គ្រូពេទ្យង្វៀងវាំុងហីវ ឲ្យដឹងៈ ដំបូង គណៈកម្មការការពារកេរដំណែលវត្តង្វៀងទ្រុងត្រឹក ខ្វះគ្រូពេទ្យពិនិត្យ ព្យាបាលរោគ ហេតុនោះពឹងពាក់ខ្ញុំជួយពិនិត្យព្យាបាលរោគក្នុងរង្វង់៣ ខែ ប៉ុន្តែបន្ទាប់ពីមកបំពេញការងារនៅទីនេះ ដោយសង្កេតឃើញអ្នក ជំងឺពីមួយថ្ងៃទៅមួយថ្ងៃកាន់តែច្រើនឡើង ហើយភាគច្រើនសុទ្ធតែជាអ្នកក្រ និងដោយមានមេត្តាធម៌បានជាខ្ញុំនៅទីនេះបំពេញការងាររហូត មកទល់សព្វថ្ងៃ។
បន្ទប់ពិនិត្យព្យាបាលរោគដោយថ្នាំស្រុកសប្បុរសធម៌ វត្តង្វៀងទ្រុងត្រឹក បានបង្កើតឡើងចាប់ពីឆ្នាំ១៩៨៩។ដំបូងមានគ្រូពេទ្យតែម្នាក់តុ មួយសម្រាប់ស្ទង់ជីពចរ កត់វេជ្ជបញ្ជាផ្សំថ្នាំនិងអ្នកជំនួយយកបុណ្យប្រមាណពី៥ដល់១០នាក់ប៉ុណ្ណោះ។ ការលំបាកគឺដូច្នេះ ប៉ុន្តែបន្ទប់ពិនិត្យព្យាបាលរោគតែងរក្សាបាននូវសកម្មភាពជានិច្ច។ ក្រោយពី២៤ឆ្នាំ សកម្មភាពដោយការរួមវិភាគទានរបស់សប្បុរសជន បានជាបន្ទប់ពិនិត្យ ព្យាបាលរោគនេះបានកសាងឡើងវិញយ៉ាងសមរម្យ។ ដោយឡែកមណ្ឌលចាក់ម្ជុលវិទ្យាសាស្រ្ត កសាងថ្មីជា២មណ្ឌលសម្រាប់បុរសនិងស្រ្តី។ លោកប៉ូយវាំុងថាញ់ ប្រធានគណៈកម្មការការពារកេរដំណែល វត្តង្វៀងទ្រុងត្រឹក ឲ្យដឹងៈ ដើម្បីបម្រើដល់អ្នកជំងឺក្រីក្រមាមីងក្នុងនិងក្រៅខេត្តតែងទៅប្រមូលថ្នាំស្រុកស្រស់ប្រមាណជាង ១០ តោនជារៀង រាល់ខែ ដើម្បីបែងប្រភេទច្នៃផ្សំ បម្រើដល់បន្ទប់ពិនិត្យព្យាបាលរោគ។ បច្ចុប្បន្ន មានអ្នកជំងឺមកពិនិត្យរោគ ចាក់ម្ជុលវិទ្យាសាស្រ្តនិងផ្សំថ្នាំ ដោយឥតគិតថ្លៃមធ្យមភាគប្រមាណ៣.០០០លើកនាក់ គិតជាធៀបថ្នាំ ស្រុកជាង៣០.០០០កញ្ចប់និងថ្នាំផ្សំតាមប្រវេណីចំនួន១០.០០០កញ្ចប់ ។ ដោយមិនបែងចែកអ្នកជំងឺក្នុងឬក្រៅខេត្តឡើយ ឲ្យតែមកទីនេះតែងបានស្ទង់ជីពចរចាក់ម្ជុលវិទ្យាសាស្រ្ត និងផ្សំថ្នាំផឹកដោយឥតគិតថ្លៃ ទាំងអស់៕

លេស៊ាង-វិមាន

ចែករំលែកអត្ថបទ

ពាក្យគន្លឹះ