ព្រឹត្តិការណ៍ - នយោបាយ ព្រឹត្តិការណ៍

16/06/2026 - 16:32

ឡុងភូ បូកសរុបបណ្តោះ អាសន្នលទ្ធផលការងារអភិវឌ្ឍន៍វិទ្យាសាស្ត្រ បច្ចេកវិទ្យា ផ្លាស់ថ្មី ច្នៃប្រតិដ្ឋ បរិវត្តកម្មឌីជីថល និងគម្រោង ០៦

នាព្រឹកថ្ងៃទី១៥ ខែមិថុនា គណៈចង្អុលការអភិវឌ្ឍន៍វិទ្យាសាស្ត្រ បច្ចេកវិទ្យា ផ្លាស់ថ្មី ច្នៃប្រតិដ្ឋ បរិវត្តកម្មឌីជីថល និងគម្រោង ០៦ ឃុំឡុងភូ បានចាត់តាំងសន្និបាតបូកសរុបបណ្ដោះអាសន្នលទ្ធផលការងារ ០៦ ខែដើមឆ្នាំ និងទិសដៅ ភារកិច្ច ០៦ ខែចុងឆ្នាំ ២០២៦។ អញ្ជើញចូលរួមនិងដឹកនាំសន្និបាតមានសមមិត្ត ឡឹមទៀងថាច់ សមាជិកគណៈកម្មាធិការបក្សទីក្រុង លេខាគណៈកម្មាធិការបក្ស ប្រធានក្រុមប្រឹក្សាប្រជាជនឃុំ ប្រធានគណៈចង្អុលការអភិវឌ្ឍន៍វិទ្យាសាស្ត្រ បច្ចេកវិទ្យា ផ្លាស់ថ្មី ច្នៃប្រតិដ្ឋ បរិវត្តកម្មឌីជីថល និងគម្រោង ០៦ នៃគណៈកម្មាធិការបក្សឃុំ; បណ្តាសមមិត្តក្នុងគណៈប្រចាំការបក្សឃុំ; សមាជិកគណៈចង្អុលការ ក្រុមជំនួយការ ក្រុមបច្ចេកវិទ្យា ឌីជីថលសហគមន៍បណ្តាភូមិ និងតំណាងបណ្តាអាជីវកម្មទូរគមនាគមន៍លើភូមិឋាន។

ទិដ្ឋភាពនៃអង្គសន្និបាត។

របាយការណ៍លទ្ធផលអនុវត្តគម្រោង ០៦ នៅក្នុងអង្គសន្និបាត។

តាមសេចក្តីរបាយការណ៍ក្នុងអង្គសន្និបាត ក្នុងរយៈពេល ៦ ខែដើមឆ្នាំ គណៈចង្អុលការបានផ្សព្វផ្សាយអនុវត្តប្រកបដោយប្រសិទ្ធភាពនូវភារកិច្ចសំខាន់ៗជាច្រើន។ ក្នុងចំណោមភាគកម្រិតសរុបចំនួន ៩ ដែលបានប្រគល់ជូន មានភាគកម្រិតចំនួន ៨ បានសម្រេច និងភាគកម្រិត ១ កំពុងបន្តអនុវត្ត។ ហេដ្ឋារចនាសម្ព័ន្ធបណ្តាញបញ្ជូនទិន្នន័យឯកទេស និងអ៊ីនធឺណិតបានគ្របដណ្តប់ ១០០% ដល់បណ្តាអង្គភាពចំណុះគណៈកម្មាធិការបក្ស និងគណៈកម្មាធិការប្រជាជនឃុំ។ ការងារកែទម្រង់រដ្ឋបាល និងបរិវត្តកម្មឌីជីថលសម្រេចបានលទ្ធផលវិជ្ជមានជាច្រើន។ ក្នុងដំណាក់កាលនេះ ឃុំបានទទួលសំណុំឯកសារនីតិវិធីរដ្ឋបាលចំនួន ៣.១៣៨ ច្បាប់ ក្នុងនោះសំណុំឯកសារតាមប្រព័ន្ធអនឡាញ សម្រេច ៩៩,៩៤%; សំណុំឯកសារជាង ៩៩,៩% បានដោះស្រាយមុនកាលកំណត់។ អត្រាទូទាត់ប្រាក់តាមប្រព័ន្ធអនឡាញ ការធ្វើឌីជីថលភាវូបនីយកម្មសំណុំឯកសារ និងការផ្តល់លទ្ធផល អេឡិចត្រូនិក សុទ្ធតែសម្រេចបានកម្រិតខ្ពស់បំផុត រួមចំណែកលើកកម្ពស់គុណភាពបម្រើប្រជាជន និងអាជីវកម្ម។ ចំពោះគម្រោង ០៦ ទូទាំងឃុំបានផ្តល់អត្តសញ្ញាណប័ណ្ណជូនប្រជាពលរដ្ឋដែលមានលក្ខខណ្ឌគ្រប់គ្រាន់សម្រេច ៩៧,៦%; អត្រាប្រជាជនមានគណនីកំណត់អត្តសញ្ញាណអេឡិចត្រូនិក VNeID សម្រេចជិត ៧៧%។ ការបញ្ចូលឯកសារផ្ទាល់ខ្លួនទៅក្នុងកម្មវិធី VNeID បន្តបានជំរុញខ្លាំងក្លា; សិស្សានុសិស្ស ១០០% បានអនុវត្តសិក្ខាគារិកឌីជីថល។

ទន្ទឹមនឹងលទ្ធផលសម្រេចបាន សន្និបាតក៏បានចង្អុលបង្ហាញនូវចំណុចខ្វះខាតមួយចំនួន ដូចជាជំនាញឌីជីថលរបស់ប្រជាជនមួយផ្នែកនៅមានកម្រិត; ការប្រើប្រាស់បណ្តាញឌីជីថល សំណុំឯកសារសុខភាពអេឡិចត្រូនិក ហត្ថលេខាឌីជីថលផ្ទាល់ខ្លួន និងបណ្តាឧបករណ៍ប្រើប្រាស់នៅលើ VNeID មិនទាន់បានស្មើគ្នា; ការងារឃោសនា ណែនាំមិនទាន់បានទូលំទូលាយពិតប្រាកដ ខណៈពេលដែលលក្ខខណ្ឌហេដ្ឋារចនាសម្ព័ន្ធ និងឧបករណ៍ប្រើប្រាស់របស់ប្រជាជនមួយចំនួននៅជួបការលំបាកជាច្រើន។

សមមិត្តលេខាគណៈកម្មាធិការបក្ស ថ្លែងការណ៍ក្នុងអង្គសន្និបាត។

ថ្លែងការណ៍បូកសរុបបិទអង្គសន្និបាត ថ្នាក់ដឹកនាំគណៈកម្មាធិការបក្ស គណៈកម្មាធិការប្រជាជនឃុំឡុងភូ បានសំណូមពរឱ្យបណ្តាស្ថាប័ន អង្គភាពបន្តជ្រួតជ្រាប ចាត់តាំងអនុវត្តប្រកបដោយប្រសិទ្ធភាពនូវបណ្តាគោលការណ៍ សេចក្តីសម្រេចចិត្តរបស់មជ្ឈិម និងទីក្រុងអំពីការអភិវឌ្ឍន៍វិទ្យាសាស្ត្រ បច្ចេកវិទ្យា ផ្លាស់ថ្មី ច្នៃប្រតិដ្ឋ និងបរិវត្តកម្មឌីជីថល; ទន្ទឹមនឹងនោះ ផ្តោតការយកចិត្តទុកដាក់ធ្វើឱ្យសុក្រឹតយន្តការ អភិវឌ្ឍន៍ហេដ្ឋារចនាសម្ព័ន្ធឌីជីថល ធានាសុវត្ថិភាពព័ត៌មាន លើកកម្ពស់គុណភាពប្រភពធនធានមនុស្ស និងចាត់ចែងប្រភពធនធានអនុវត្ត។ រួមជាមួយនោះ ភូមិភាគនឹងចាត់តាំងអនុវត្តព្រមៗគ្នានូវភារកិច្ចលើវិស័យ ផ្នែកនីមួយៗ ប្តេជ្ញាចិត្តសម្រេចឱ្យបានយុទ្ធនាការ “៦០ ថ្ងៃយប់” ណែនាំប្រជាជនដំឡើង បញ្ចូលព័ត៌មាននៅលើគណនីកំណត់អត្តសញ្ញាណអេឡិចត្រូនិក VNeID កម្រិត ២ រួមចំណែកជំរុញការកសាងរដ្ឋអំណាចឌីជីថល សេដ្ឋកិច្ចឌីជីថល និងសង្គមឌីជីថលនៅលើភូមិឋាន៕

សុខកា - ត្រឹងរ៉ូន

ចែករំលែកអត្ថបទ

ពាក្យគន្លឹះ