ព្រឹត្តិការណ៍ - នយោបាយ ព្រឹត្តិការណ៍

14/06/2026 - 15:10

ឧបនាយករដ្ឋមន្ត្រី ឡេតៀងចូវ អញ្ជើញចូលរួមពិធីប្រកាសសេចក្តីសម្រេចបញ្ចូលអនុមហាវិទ្យាល័យច្បាប់មៀងណាម ចូលនិងសាកលវិទ្យាល័យកឹងធើ

នាព្រឹកថ្ងៃទី ១៣ ខែមិថុនា សាកលវិទ្យាល័យកឹងធើ បានចាត់តាំងយ៉ាងឱឡារិកពិធីប្រកាសសេចក្តីសម្រេចបញ្ចូលអនុមហាវិទ្យាល័យច្បាប់មៀងណាម ចូលនិងសាកលវិទ្យាល័យកឹងធើ។

អញ្ជើញចូលរួមក្នុងពិធីនេះមានលោក ឡេតៀងចូវ សមាជិកគណៈប្រតិបត្តិការមជ្ឈិមបក្ស និងជាឧបនាយករដ្ឋមន្ត្រី; លោកស្រី ង្វៀងធីក្វៀងថាញ អនុរដ្ឋមន្ត្រីក្រសួងអប់រំ និងបណ្តុះបណ្តាល; លោកស្រី ដាំងហ្វាងហ្វាន់ អនុរដ្ឋមន្ត្រីក្រសួងយុត្តិធម៌ រួមជាមួយថ្នាក់ដឹកនាំគណៈកម្មាធិការបក្សក្រុង គណៈកម្មាធិការបក្សខេត្ត និងគណៈកម្មាធិការប្រជាជនខេត្ត ក្រុងនានានៅតំបន់វាលរាបទន្លេគឺវឡុង។

អ្នកតំណាងចូលរួមក្នុងពិធីប្រកាសសេចក្តីសម្រេចបញ្ចូលអនុមហាវិទ្យាល័យច្បាប់មៀងណាម ទៅក្នុងសាកលវិទ្យាល័យកឹងធើ។

ចំពោះភាគីទីក្រុងកឹងធើ អញ្ជើញចូលរួមមានលោក ដុងវ៉ាំងថាញ សមាជិកគណៈប្រតិការមជ្ឈិមបក្ស អនុលេខាប្រចាំការនៃគណៈកម្មាធិការបក្សក្រុង និងជាប្រធានក្រុមប្រឹក្សាប្រជាជនទីក្រុងកឹងធើ; លោក ត្រឿងកាញ់ត្វៀង អនុលេខាគណៈកម្មាធិការបក្សក្រុង ប្រធានគណៈកម្មាធិការប្រជាជនទីក្រុងកឹងធើ; លោក ង្វៀងវ៉ាំងខើយ អនុប្រធានគណៈកម្មាធិការប្រជាជនទីក្រុង...។

ឧបនាយករដ្ឋមន្ត្រី ឡេតៀងចូវ ថ្លែងការណ៍ក្នុងពិធី។

ថ្លែងក្នុងពិធី ឧបនាយករដ្ឋមន្ត្រី ឡេតៀងចូវ បានសង្កត់ធ្ងន់ថា ការបញ្ចូលអនុមហាវិទ្យាល័យច្បាប់មៀងណាម ចូលទៅសាកលវិទ្យាល័យកឹងធើ មិនត្រឹមតែជាការរៀបចំរចនាសម្ព័ន្ធក្បាលម៉ាស៊ីនឡើងវិញប៉ុណ្ណោះទេ ប៉ុន្តែថែមទាំងបើកនូវលំហអភិវឌ្ឍន៍ថ្មី រួមចំណែកប្រមូលផ្តុំប្រភពធនធាន លើកកម្ពស់គុណភាពបណ្តុះបណ្តាល ស្រាវជ្រាវវិទ្យាសាស្ត្រ និងប្រសិទ្ធភាពនៃការវិនិយោគរបស់រដ្ឋ។

ឧបនាយករដ្ឋមន្ត្រីបានស្នើឱ្យសាកលវិទ្យាល័យកឹងធើ ត្រូវតែក្លាយជាសាកលវិទ្យាល័យស្រាវជ្រាវ មជ្ឈមណ្ឌលផ្លាស់ថ្មីច្នៃប្រតិដ្ឋ និងពិគ្រោះគោលនយោបាយ មានសមត្ថភាពដឹកនាំអភិវឌ្ឍន៍តំបន់។ យោងតាមនោះ សាកលវិទ្យាល័យកឹងធើ ចាំបាច់ត្រូវផ្តោតលើការអនុវត្តឱ្យបានល្អនូវទិសដៅសំខាន់ៗចំនួន៥៖ ត្រូវតែជាដើមទងតភ្ជាប់ការបណ្តុះបណ្តាល ការស្រាវជ្រាវ ការផ្ទេរបច្ចេកវិទ្យា និងពិគ្រោះគោលនយោបាយសម្រាប់តំបន់; រៀបចំរចនាសម្ព័ន្ធវិស័យ កម្មវិធីបណ្តុះបណ្តាលឡើងវិញតាមតម្រូវការអភិវឌ្ឍន៍របស់តំបន់និងប្រទេសជាតិ។ ផ្អែកលើមូលដ្ឋានដែលបានបណ្តុះបណ្តាល ១៩/២៤ វិស័យសិក្សាជាតិ សាលាគប្បីជ្រើសរើសវិស័យមុខព្រួញដែលមានប្រៀបខ្លាំង និងមានតម្រូវការខ្ពស់ដើម្បីវិនិយោគស៊ីជម្រៅ។ សកលវិទ្យាល័យកឹងធើគប្បីនាំយកការស្រាវជ្រាវវិទ្យាសាស្ត្រ ផ្លាស់ថ្មីច្នៃប្រតិដ្ឋ និងផ្ទេរជូនបច្ចេកវិទ្យាឱ្យក្លាយជាកម្លាំងចលករអភិវឌ្ឍន៍ចម្បងរបស់សាលា; អភិវវឌ្ឍវិស័យច្បាប់ឱ្យទៅជាប្រៀបខ្លាំងថ្មីមួយបន្ទាប់ពីទទួលអនុមហាវិទ្យាល័យច្បាប់មៀងណាម។ ទន្ទឹមនឹងនោះ កសាងកងជួរកម្មាភិបាល ហេដ្ឋារចនាសម្ព័ន្ធ និងសមត្ថភាពធ្វើសមាហរណកម្ម បង្កើនកម្រិតសាកលវិទ្យាល័យកឹងធើ ក្នុងតំបន់និងលើពិភពលោក។

ចំពោះសាកលវិទ្យាល័យនៅក្នុងតំបន់វាលរាបទន្លេគឺវឡុង ឧបនាយករដ្ឋមន្ត្រីបានស្នើឱ្យផ្តោតលើភារកិច្ចស្នូលចំនួន ៣ ដើម្បីបង្កការផ្លាស់ប្តូរជាក់ស្តែងនាពេលខាងមុខ។ ទន្ទឹមនឹងនោះ បង្កើតប្រព័ន្ធអេកូឡូស៊ីតភ្ជាប់ការអប់រំសាកលវិទ្យាល័យនៅតំបន់វាលរាបទន្លេគឺវឡុង។ សាកលវិទ្យាល័យនានាក្នុងតំបន់ត្រូវបង្កើនការសហការ ចែករំលែកប្រភពធនធាន បន្តកម្មវិធីសិក្សា តភ្ជាប់ការបណ្តុះបណ្តាល សហការស្រាវជ្រាវ ប្រើប្រាស់រួមនូវបន្ទប់ពិសោធន៍ ឯកសារសិក្សាឌីជីថល មូលដ្ឋានទិន្នន័យ និងក្រុមអ្នកជំនាញ។

សាកលវិទ្យាល័យកឹងធើ ត្រូវពង្រីកតួនាទីស្នូល និងការតភ្ជាប់; ចំណែកឯសាលាដទៃទៀតត្រូវពង្រីកប្រៀបខ្លាំងរៀងៗខ្លួន ដើម្បីបំពេញបន្ថែមឱ្យគ្នាទៅវិញទៅមក រួមគ្នាបម្រើយុទ្ធសាស្ត្រអភិវឌ្ឍន៍រួមរបស់តំបន់ បង្កើតជាកម្លាំងចម្រុះ។ ជាពិសេស ត្រូវផ្សារភ្ជាប់យ៉ាងជិតស្និទ្ធរវាងការបណ្តុះបណ្តាល ការស្រាវជ្រាវវិទ្យាសាស្ត្រជាមួយអាជីវកម្ម ភូមិភាគនិងបញ្ហាជាក់ស្តែងរបស់តំបន់។

យោងតាមឧបនាយករដ្ឋមន្ត្រី បណ្តាសាកលវិទ្យាល័យ និងគ្រឹះស្ថានអប់រំវិជ្ជាជីវៈក្នុងតំបន់ ចាំបាច់ត្រូវបង្កើតប្រព័ន្ធអេកូឡូស៊ីបណ្តុះបណ្តាល - ស្រាវជ្រាវ - ផ្លាស់ថ្មីច្នៃប្រតិដ្ឋបើកចំហ ការតភ្ជាប់យ៉ាងជិតស្និទ្ធ រួមចំណែកបណ្តុះបណ្តាលប្រភពធនធានមនុស្សគុណភាពខ្ពស់ និងបង្កើតអនាគតអភិវឌ្ឍន៍ប្រកបដោយចីរភាពសម្រាប់តំបន់វាលរាបទន្លេគឺវឡុង។ ដើម្បីសម្រេចបាននូវគោលដៅនេះ ភូមិភាគនានាចាំបាច់ត្រូវចាត់ទុកការអភិវឌ្ឍន៍ការអប់រំមហាវិទ្យាល័យ អប់រំវិជ្ជាជីវៈ និងប្រភពធនធានមនុស្សគុណភាពខ្ពស់ជាភារកិច្ចសំខាន់; ម្ចាស់ការក្នុងការបញ្ជាទិញបណ្តុះបណ្តាល និងស្រាវជ្រាវ ទន្ទឹមនឹងនោះមានយន្តការទាក់ទាញ និងរក្សាធនធានមនុស្សគុណភាពខ្ពស់...

រដ្ឋាភិបាលនឹងបន្តយកចិត្តទុកដាក់ដឹកនាំ ធ្វើឱ្យសុក្រឹតយន្តការ គោលនយោបាយ កៀរគរប្រភពធនធានដើម្បីគាំទ្រដល់គ្រឹះស្ថានអប់រំនានាក្នុងតំបន់ឱ្យរីកចម្រើន។ ទន្ទឹមនឹងនោះ ស្នើឱ្យគ្រឹះស្ថានអប់រំនានា ក្នុងនោះមានសាកលវិទ្យាល័យកឹងធើ ម្ចាស់ការកសាងយុទ្ធសាស្ត្រអភិវឌ្ឍន៍ ហ៊ានស្នើនូវយន្តការ គោលនយោបាយ និងប្រភពធនធានសមស្របនឹងតម្រូវការជាក់ស្តែង និងទិសដៅអភិវឌ្ឍន៍របស់តំបន់។

លោកស្រី ដាំងហ្វាងហ្វាន់ អនុរដ្ឋមន្ត្រីក្រសួងយុត្តិធម៌ ថ្លែងការណ៍ក្នុងពិធី។

នៅក្នុងពិធីនេះ លោកស្រី ដាំងហ្វាងហ្វាន់ អនុរដ្ឋមន្ត្រីក្រសួងយុត្តិធម៌ បានសម្តែងនូវភាពជឿជាក់លើកងជួរកម្មាភិបាល អ្នករដ្ឋការ និងនិយោជិតនៃអនុមហាវិទ្យាល័យច្បាប់មៀងណាម ក្រោយពីបញ្ចូលចូលសាកលវិទ្យាល័យកឹងធើ នឹងបន្តពង្រីកសមត្ថភាព រួមចំណែកអភិវឌ្ឍន៍វិស័យបណ្តុះបណ្តាលច្បាប់ និងប្រភពធនធានមនុស្សផ្នែកគតិយុត្តសម្រាប់តំបន់។ ទន្ទឹមនឹងនោះ ស្នើឱ្យសាលាយកចិត្តទុកដាក់ទាញយកផលប្រកបដោយប្រសិទ្ធភាពនូវមូលដ្ឋានសម្ភារៈដែលទទួលបាន បង្កលក្ខណៈដើម្បីមជ្ឈមណ្ឌលបណ្តុះបណ្តាលចំណេះដឹងច្បាប់ និងជំនួយយុត្តិធម៌ លំនឹងអង្គការចាត់តាំង និងអភិវឌ្ឍន៍ប្រកបដោយចីរភាព; គិតគូរ និងបង្កលក្ខណៈដើម្បីឱ្យកងជួរកម្មាភិបាល និយោជិតបន្តលើកកម្ពស់កម្រិតជំនាញឯកទេស ពង្រីកសមត្ថភាពក្នុងបរិយាកាសថ្មី។ ទន្ទឹមនឹងនោះ សង្ឃឹមថា កងជួរកម្មាភិបាល និយោជិតរបស់សាលាអនុមហាវិទ្យាល័យច្បាប់មៀងណាម បន្តពង្រីកស្មារតីទទួលខុសត្រូវ សាមគ្គីភាព ម្ចាស់ការបន្ស៊ាំខ្លួន រួមចំណែកដល់ការអភិវឌ្ឍន៍រួមរបស់សាលា។ ក្រសួងយុត្តិធម៌ប្តេជ្ញានឹងបន្តរួមដំណើរ សហការ និងគាំទ្រសាកលវិទ្យាល័យកឹងធើ ក្នុងការងារបណ្តុះបណ្តាល បំប៉ន ស្រាវជ្រាវវិទ្យាសាស្ត្រគតិយុត្ត និងផ្សព្វផ្សាយភារកិច្ចរបស់វិស័យយុត្តិធម៌នៅតំបន់ភាគខាងត្បូង។

លោក ត្រឿងកាញ់ត្វៀង អនុលេខាគណៈកម្មាធិការបក្សក្រុង ប្រធានគណៈកម្មាធិការប្រជាជនទីក្រុងកឹងធើ ថ្លែងការណ៍ក្នុងពិធី។

តំណាងឱ្យថ្នាក់ដឹកនាំនៃគណៈកម្មាធិការប្រជាជនទីក្រុងកឹងធើ លោក ត្រឿងកាញ់ត្វៀង បានអបអរសាទរព្រឹត្តិការណ៍នេះ និងបានសង្កត់ធ្ងន់ថា នេះជាជំហានដ៏សំខាន់មួយក្នុងការអនុវត្តគោលដៅកសាងទីក្រុងកឹងធើ ឱ្យក្លាយជាមជ្ឈមណ្ឌលអប់រំ - បណ្តុះបណ្តាល វិទ្យាសាស្ត្របច្ចេកវិទ្យា និងផ្លាស់ថ្មីច្នៃប្រតិដ្ឋតំបន់វាលរាបទន្លេគឺវឡុង ប្រធានគណៈកម្មាធិការប្រជាជនទីក្រុងកឹងធើ រំពឹងថា បន្ទាប់ពីបញ្ចូលគ្នា សាកលវិទ្យាល័យកឹងធើ នឹងបន្តពង្រីកតួនាទីជាមជ្ឈមណ្ឌលបណ្តុះបណ្តាល និងស្រាវជ្រាវវិទ្យាសាស្ត្រឈានមុខគេក្នុងតំបន់; ជំរុញការស្រាវជ្រាវគតិយុត្ត ពិគ្រោះគោលនយោបាយ រួមចំណែកលើកកម្ពស់គុណភាពប្រភពធនធានមនុស្ស និងអភិវឌ្ឍន៍សេដ្ឋកិច្ចសង្គម។ ទីក្រុងនឹងបន្តរួមដំណើរ បង្កលក្ខណៈងាយស្រួល ដើម្បីឱ្យសាលារីកចម្រើន សក្តិសមជាគ្រឹះស្ថានអប់រំមហាវិទ្យាល័យគំរូជាតិរបស់តំបន់។

សាស្ត្រាចារ្យរង បណ្ឌិត ត្រឹងទ្រុងតិញ ថ្លែងទទួលយកមតិដឹកនាំ។

ទទួលយកមតិដឹកនាំរបស់លោកឧបនាយករដ្ឋមន្ត្រី សាស្ត្រាចារ្យរង បណ្ឌិត ត្រឹងទ្រុងតិញ សាកលវិទ្យាធិការនៃសាកលវិទ្យាល័យកឹងធើ បានមានប្រសាសន៍ថា ជាមួយនឹងមូលដ្ឋានគ្រឹះជាង ២៥ ឆ្នាំ បណ្តុះបណ្តាលច្បាប់ មហាវិទ្យាល័យច្បាប់នៃសាកលវិទ្យាល័យកឹងធើ បានអះអាងពីកិត្យានុភាពរបស់ខ្លួននៅក្នុងតំបន់វាលរាបទន្លេគឺវឡុង។ ការបញ្ចូលអនុមហាវិទ្យាល័យច្បាប់មៀងណាម បានកំណត់ថាជាជំហានយុទ្ធសាស្ត្រមួយ សំដៅពង្រីកប្រភពធនធាន លើកកម្ពស់គុណភាពបណ្តុះបណ្តាល និងស្រាវជ្រាវវិទ្យាសាស្ត្រគតិយុត្ត។ បន្ទាប់ពីការបញ្ចូលសាកលវិទ្យាល័យកឹងធើបានទទួលគ្រូឧទ្ទេស និងនិយោជិតចំនួន ៣២ នាក់ បានរៀបចំការងារសមស្រប និងធានាសិទ្ធផលប្រយោជន៍ស្របច្បាប់។ ពិសេស សាលាបានបញ្ជូនគ្រូឧទ្ទេសចំនួន ៦ រូបទៅចូលរួមជ្រើសរើសធ្វើកម្មសិក្សាថ្នាក់បណ្ឌិត នៅសាកលវិទ្យាល័យច្បាប់ហាណូយ។ ចំពោះមូលដ្ឋានសម្ភារៈដែលទទួលបាន សាកលវិទ្យាល័យកឹងធើកំពុងរៀបចំផែនការជួសជុល ដើម្បីឆាប់បានដំណើរការប្រកបដោយប្រសិទ្ធភាពក្នុងទួនាទីជាតំបន់ទី IV របស់សាលា។

បច្ចុប្បន្ន សាកលវិទ្យាល័យកឹងធើ កំពុងបណ្តុះបណ្តាលកម្មវិធីបរិញ្ញាបត្រចំនួន ១២៧ កម្មវិធីអនុបណ្ឌិតចំនួន ៦២ និងកម្មវិធីថ្នាក់បណ្ឌិតចំនួន ២៥ ដោយមាននិស្សិតជាង ៤៦,០០០ នាក់ និងសិក្ខាកាមក្រោយមហាវិទ្យាល័យជិត ៣,៥០០ នាក់។ សាលាមានគ្រូឧទ្ទេសជិត ១,១៣០ នាក់ ក្នុងនោះជាង ៥៨.៤% មានកម្រិតថ្នាក់បណ្ឌិត។ យោងតាមតារាងចំណាត់ថ្នាក់ QS អាស៊ាន ២០២៦ សាលាស្ថិតក្នុងចំណោមសាកលវិទ្យាល័យកំពូលទាំង ៥០០ នៅអាស៊ី; ចំណែកឯវិស័យកសិកម្ម និងវារីវប្បកម្ម បានចាត់ថ្នាក់ក្នុងក្រុម ៣៥១-៤០០ លើពិភពលោក។

ឧបនាយករដ្ឋមន្ត្រី ឡេតៀងចូវ ប្រគល់សេចក្តីសម្រេចចិត្តបញ្ចូលអនុមហាវិទ្យាល័យច្បាប់មៀងណាម ចូលទៅសាកលវិទ្យាល័យកឹងធើ។

ថ្នាក់ដឹកនាំសាកលវិទ្យាល័យកឹងធើ ប្រគល់សេចក្តីសម្រេចតែងតាំងបុគ្គលិកនៃមជ្ឈមណ្ឌលបំប៉ន់ចំណេះដឹងច្បាប់ និងជំនួយយុត្តិធម៌ សាកលវិទ្យាល័យកឹងធើ។

នៅក្នុងក្របខ័ណ្ឌនៃពិធីនេះ សាកលវិទ្យាល័យកឹងធើ បានប្រកាសនិងប្រគល់សេចក្តីសម្រេចបញ្ចូលអនុមហាវិទ្យាល័យច្បាប់មៀងណាមទៅក្នុងសាលា; បង្កើតមជ្ឈមណ្ឌលបណ្តុះបណ្តាលចំណេះដឹងច្បាប់ និងជំនួយយុត្តិធម៌ សាកលវិទ្យាល័យកឹងធើ ដែលមានទីតាំងនៅតំបន់ទី IV; បណ្ឌិត ង្វៀងវ៉ាំងផុង ធ្វើជានាយកមជ្ឈមណ្ឌល និងជាអនុប្រធានមហាវិទ្យាល័យច្បាប់ និងនាយករងមជ្ឈមណ្ឌលចំនួន ២ រូបទៀត។

ពិធីចុះហត្ថលេខាលើអនុស្សរណៈនៃការយោគយល់គ្នារវាងថ្នាក់ដឹកនាំសាកលវិទ្យាល័យកឹងធើ និង CT Group អំពីការបង្កើត និងអភិវឌ្ឍន៍មជ្ឈមណ្ឌលរ៉ូបូត និងឧបករណ៍ស្វ័យប្រវត្តិកសិកម្ម។

ក្នុងឱកាសនេះដែរ ក៏មានព្រឹត្តិការណ៍ចុះហត្ថលេខាលើអនុស្សរណៈនៃការយោគយល់គ្នា រវាងសាកលវិទ្យាល័យកឹងធើ និង CT Group អំពីការបង្កើតនិងអភិវឌ្ឍន៍មជ្ឈមណ្ឌលរ៉ូបូត និងឧបករណ៍ស្វ័យប្រវត្តិកសិកម្ម ដែលមានទីតាំងនៅតំបន់ទី IV ។