ព្រឹត្តិការណ៍ - នយោបាយ ព្រឹត្តិការណ៍

08/06/2026 - 09:50

ប្រមូលចំណូលថវិការដ្ឋសម្រេច ៥០,៩% នៃផែនការ

គិតត្រឹមថ្ងៃទី ២៥ ខែឧសភា ឆ្នាំ២០២៦ ទីក្រុងកឹងធើ បានអនុវត្តសរុបការប្រមូលចំណូលថវិការដ្ឋតាមផែនការដែលមជ្ឈិមប្រគល់គឺ ១៣.៦៨៦ ពាន់លានដុង សម្រេច ៥០,៩% នៃផែនការ។ ក្នុងនោះ ចំណូលក្នុងស្រុកសម្រេចបាន ១៣.១១១ ពាន់លានដុង សម្រេច ៥០% នៃផែនការ និងចំណូលពីពន្ធគយបាន ៥៧៥ ពាន់លានដុង សម្រេច៨៧,១% នៃផែនការ។

ផ្នែកពន្ធដារជម្រុញការអនុវត្តបច្ចេកវិទ្យាព័ត៌មាននិងការផ្លាស់ប្តូរឌីជីថលដើម្បីបង្កលក្ខណៈងាយស្រួលដល់អ្នកបង់ពន្ធ។

ខិតខំសម្រេចភារកិច្ចប្រមូលចំណូលថវិការដ្ឋឆ្នាំ ២០២៦ ឱ្យបានជោគជ័យ ទីក្រុងនឹងបន្តពង្រឹងវិន័យ និងបទប្បញ្ញតហិរញ្ញវត្ថុ - ថវិកា ធានាការប្រមូលឱ្យបានត្រឹមត្រូវ គ្រប់គ្រាន់ និងទាន់ពេល។ សំខាន់គឺការពង្រីកមូលដ្ឋានប្រមូល ពង្រឹងការត្រួតពិនិត្យ ប្រឆាំងការបាត់បង់ចំណូលពន្ធនិងការប្រមូលបំណុលពន្ធ។ ទន្ទឹមនឹងនោះ ត្រូវតាមដានយ៉ាងដិតដល់នូវដំណើរការប្រមូលតាមភូមិភាគ វិស័យ និងប្រភេទពន្ធនីមួយៗ ដើម្បីមានដំណោះស្រាយទាន់ពេលក្នុងការទាញយកប្រភពចំណូលដែលមានសក្តានុភាព។ ជាមួយគ្នានេះដែរ ជំរុញការងារឃោសនាផ្សព្វផ្សាយ ណែនាំគោលនយោបាយថ្មី ដើម្បីធានាបាននូវការអនុវត្តសេចក្តីកំណត់ថ្មីឱ្យបានទាន់ពេល។ ជម្រុញកែទម្រង់រដ្ឋបាល ត្រួតពិនិត្យបែបបទ ផ្សារភ្ជាប់នឹងការផ្លាស់ប្តូរឌីជីថលនិងការអនុវត្តបច្ចេកវិទ្យាព័ត៌មាន ដើម្បីសម្រួលដល់ដំណើរការ និងបង្កលក្ខណៈងាយស្រួលដល់អ្នកបង់ពន្ធ៕

គ.ភុក-ដាលីន

ចែករំលែកអត្ថបទ

ពាក្យគន្លឹះ