ព្រឹត្តិការណ៍ - នយោបាយ ព្រឹត្តិការណ៍

04/05/2026 - 10:13

ទីក្រុងកឹងធើ ចាត់តាំងយ៉ាងឱឡារិកពិធីជួបជុំខួបអនុស្សាវរីយ៍ ៥១ ឆ្នាំ ទិវារំដោះភាគខាងត្បូង ឯកភាពទឹកដី និងថ្ងៃបុណ្យសំខាន់ៗដទៃទៀត

គណៈកម្មាធិការបក្ស ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមទីក្រុងកឹងធើ បានចាត់តាំងពិធីជួបជុំខួបអនុស្សាវរីយ៍ ៥១ ឆ្នាំ ទិវារំដោះភាគខាងត្បូង ឯកភាពទឹកដី (៣០/៤/១៩៧៥ - ៣០/៤/២០២៦) ១៤០ ឆ្នាំ ទិវាពលកម្មអន្តរជាតិ (០១/៥/១៨៨៦ - ០១/៥/២០២៦) និង ១៣៦ ឆ្នាំ ទិវាខួបកំណើតលោកប្រធានហូជីមិញ (១៩/៥/១៨៩០ - ១៩/៥/២០២៦)។

ថ្នាក់ដឹកនាំទីក្រុង និងអ្នកតំណាងចូលរួមក្នុងពិធីជួបជុំ។

អញ្ជើញចូលរួមក្នុងពិធីនេះ មានលោកឡេក្វាងទុង សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សទីក្រុង ប្រធានគណៈប្រតិភូតំណាងរដ្ឋសភាទីក្រុងកឹងធើ; លោកដុងវុាំងថាញ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្ស ប្រធានក្រុមប្រឹក្សាប្រជាជនទីក្រុងកឹងធើ; សមមិត្តទាំងឡាយដែលជាអតីតសមាជិកគណៈប្រតិបត្តិការមជ្ឈិមបក្ស និងអតីតថ្នាក់ដឹកនាំទីក្រុងកឹងធើអាណត្តិកាលមុនៗ; ប្រចាំការនៃគណៈកម្មាធិការបក្សទីក្រុង សមាជិកគណៈអចិន្ត្រៃយ៍នៃគណៈកម្មាធិការបក្សទីក្រុង សមាជិកគណៈប្រតិបត្តិការបក្ខភាគទីក្រុង; កម្មាភិបាលបដិវត្តន៍ជើងចាស់ វីរមាតាវៀតណាម វីរជនកងកម្លាំងប្រដាប់អាវុធ វីរជនពលកម្ម និងថ្នាក់ដឹកនាំមន្ទីរ គណៈ ផ្នែកទីក្រុង...។

ថ្លែងក្នុងពិធីជួបជុំនេះ លោកត្រឿងកាញ់ត្វៀង អនុលេខានៃគណៈកម្មាធិការបក្ស ប្រធានគណៈកម្មាធិការប្រជាជនទីក្រុង បានរំលឹកឡើងវិញនូវព្រឹត្តិការណ៍ប្រវត្តិសាស្ត្រនៃទិវារំដោះភាគខាងត្បូង ឯកភាពទឹកដី។ កន្លង ៥១ ឆ្នាំ ក្រោមការដឹកនាំដ៏ឈ្លាសវៃនិងប៉ិនប្រសប់របស់បក្ស អនុវត្តការប្តេជ្ញាចិត្តជាយុទ្ធសាស្ត្ររបស់ការិយាល័យនយោបាយ គណៈកម្មាធិការបក្សយោធាមជ្ឈិម និងអគ្គបញ្ជាការដ្ឋាន ជាមួយនឹងស្មារតី “លឿនដូចផ្លេកបន្ទោរ អង់អាច ប្រាកដឈ្នះ”; “មួយថ្ងៃស្មើ នឹង២០ ឆ្នាំ” កងទ័ពនិងប្រជាជនទូទាំងប្រទេសបានអង់អាចក្លាហាន ឆ្លងកាត់រាល់ការលំបាក ពលីកម្ម បង្កើតបានជាមហាជ័យជម្នះនិទាឃរដូវឆ្នាំ ១៩៧៥ អនុវត្តពេញលេញនូវឧត្តមគតិចង្អុលការរបស់លោកប្រធានហូជីមិញ “វាយបណ្ដេញអាមេរិក ប្រយុទ្ធឱ្យរបបអាយ៉ងដួលរលំ” រំដោះភាគខាងត្បូង ឯកភាពទឹកដី បញ្ចប់សង្គ្រាមយូរអង្វែង លំបាកវេទនាដ៏ត្រចះត្រចង់ និងមហាអស្ចារ្យបំផុតក្នុងប្រវត្តិសាស្ត្រប្រឆាំងបរទេសឈ្លានពានរបស់ជនជាតិយើង។

ក្នុងការតស៊ូប្រឆាំងអាមេរិកសង្គ្រោះជាតិ ទីក្រុងកឹងធើ មានទីតាំងយុទ្ធសាស្ត្រដ៏សំខាន់ - ស្ថិតនៅមជ្ឈមណ្ឌលតំបន់វាលរាបទន្លេគឺវឡុង ជាកន្លែងដែលអាមេរិក - របបអាយ៉ងដាក់ស្ថាប័នបញ្ជាការយុទ្ធសាស្ត្រតំបន់៤ ជាមួយនឹងយន្តហោះចម្បាំង ដ៏ច្រើនសន្ធាប់ អង្គភាពទ័ពច្រើនប្រភេទឃ្លាំងទ្រព្យ ព្រលានយន្តហោះនិងកំពង់ផែ។ នេះជាកន្លែងចាប់ផ្តើមដ៏សំខាន់នៃការប្រតិបត្តិការយោធា បោសសម្អាត វាយប្រហារ បង្ក្រាបដ៏កាចសាហាវ និងឃោរឃៅរបស់សត្រូវដល់ភូមិភាគនានាក្នុងតំបន់។ ជាមួយនឹងការប្តេជ្ញានយោបាយខ្ពស់ ព្រមជាមួយនឹងការត្រៀមបម្រុងយ៉ាងហ្មត់ចត់លើគ្រប់វិស័យ នៅថ្ងៃទី ២៧ ខែមេសា ឆ្នាំ ១៩៧៥ កងកម្លាំងប្រដាប់អាវុធខេត្តកឹងធើ រួមជាមួយកងកម្លាំងស្រួចរបស់យោធភូមិភាគ ៩ បានបែងចែកកងទ័ពចេញជាបីមុខព្រួញវាយសម្រុកចូលទីក្រុងកឹងធើ។

ព្រឹកព្រលឹមថ្ងៃទី ៣០ ខែមេសា ឆ្នាំ ១៩៧៥ គណៈបញ្ជាការការបះបោរក្នុងទីក្រុងកឹងធើ បានបញ្ជាឱ្យកងកម្លាំងនៅក្នុងទីក្រុងក្រោកឡើង និងវាយសម្រុកព្រមៗគ្នាទៅលើគោលដៅសំខាន់ៗ ដណ្តើមយកទីតាំងសំខាន់ៗ ការិយាល័យធ្វើការព្រលានយន្តហោះ ស្នងការដ្ឋានប៉ូលិស ពន្ធនាគារខាំលើង និងស្ថានីយវិទ្យុ។ល។ នៅវេលាម៉ោង ៣ រសៀលថ្ងៃដដែលនោះ សមមិត្ត ង្វៀងវុាំងលឺវ (តំណាងគណៈកម្មាធិការបះបោរទីក្រុងកឹងធើ) បានអានសេចក្តីប្រកាសដំបូងរបស់គណៈកម្មាធិការប្រជាជនបដិវត្តន៍ទីក្រុងកឹងធើ និងបានចាក់ផ្សាយតាមរលកធាតុអាកាសរបស់ស្ថានីយវិទ្យុកឹងធើ។

លោក ឡេក្វាងទុង សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សទីក្រុង ប្រធានគណៈប្រតិភូតំណាងរដ្ឋសភាទីក្រុងកឹងធើ និងលោកស្រី ហូធីកឹមដាវ អនុលេខាគណៈកម្មាធិការបក្ស ប្រធានគណៈកម្មាធិការរណសិរ្សមាតុភូមិវៀតណាមទីក្រុងកឹងធើ ជូនសញ្ញាលក្ខណ៍អាយុបក្សដល់បក្ខជនដែលមានអាយុបក្សចំណាស់។

ជាមួយនឹងកម្លាំងជំរុញដ៏ខ្លាំងក្លានៃការវាយសម្រុកទូទៅ និងការបះបោរនិទាឃរដូវឆ្នាំ ១៩៧៥ កងទ័ពនិងប្រជាជនទីក្រុងកឹងធើ បានបើកការវាយសម្រុកនិងធ្វើការបះបោរព្រមៗគ្នា ដណ្តើមរដ្ឋអំណាច រំដោះខេត្តកឹងធើទាំងស្រុង រួមចំណែកយ៉ាងសំខាន់ក្នុងការបញ្ចប់យុទ្ធនាការហូជីមិញប្រវត្តិសាស្ត្រ បង្កើតទៅជាមហាជ័យជម្នះនិទាឃរដូវឆ្នាំ ១៩៧៥ រំដោះភាគខាងត្បូងទាំងស្រុង ឯកភាពទឹកដី។

ខួបអនុស្សាវរីយ៍ ៥១ ឆ្នាំ ទិវារំដោះភាគខាងត្បូង ឯកភាពទឹកដី និងអនុស្សាវរីយ៍ ១៣៦ ឆ្នាំ ទិវាខួបកំណើតលោកប្រធានហូជីមិញ ជាទីគោរព នេះជាឱកាសដើម្បីយើងសម្តែងនូវទឹកចិត្តគោរព ដឹងគុណជានិច្ចចំពោះលោកប្រធានហូជីមិញ ដ៏មហស្ចារ្យ ជាមេដឹកនាំដ៏ឆ្នើម វីរបុរសរំដោះជាតិ អ្នកវប្បធម៌ដ៏ឆ្នើមរបស់វៀតណាម អ៊ំបានធ្វើឱ្យជនជាតិយើង ទឹកដី ប្រទេសជាតិរុងរឿង ជាយុទ្ធជនកុម្មុយនីស្តអន្តរជាតិគំរូ ជាមិត្តជិតស្និទ្ធរបស់បណ្តាជនជាតិ បាននិងកំពុងតស៊ូដើម្បីសន្តិភាព ឯករាជ្យជាតិ ប្រជាធិបតេយ្យ និងវឌ្ឍនភាពសង្គម ទូទាំងពិភពលោក។

លោកត្រឿងកាញ់ត្វៀង ប្រធានគណៈកម្មាធិការប្រជាជនទីក្រុងកឹងធើ បញ្ជាក់៖ ក្នុងកម្រាស់ប្រវត្តិសាស្ត្ររបស់ជនជាតិកឹងធើបានឆ្លងកាត់ ៥១ ឆ្នាំ រួមជាមួយនឹងទូទាំងប្រទេសកសាងនិងអភិវឌ្ឍន៍។ ក្នុងពេលខាងមុខ បក្ខភាគរដ្ឋអំណាចកងទ័ពនិងប្រជាជនកឹងធើ បន្តសាមគ្គី ស្រុះស្រួលគ្នា ផ្តុំកម្លាំងទាំងមូល ពង្រីកសក្តានុភាព ឧត្តមភាព សកម្មខិតខំតស៊ូប្រឡងប្រណាំងអនុវត្តជ័យជម្នះនូវភារកិច្ច ទិសដៅអភិវឌ្ឍសេដ្ឋកិច្ច - សង្គម ឆ្នាំ ២០២៦ និងសេចក្តីសម្រេចមហាសន្និបាតតំណាងបក្ខភាគទីក្រុងកឹងធើ លើកទី១ អាណត្តិកាល ២០២៥ - ២០៣០; អភិវឌ្ឍន៍ទីក្រុងកឹងធើ គ្រប់វិស័យពង្រីកជំហរយុទ្ធសាស្ត្រ និងតួនាទីជាមជ្ឈមណ្ឌលរបស់តំបន់វាលរាបទន្លេគឺវឡុង...។

ក្នុងឱកាសជួបជុំនេះ មានបក្ខជន ២៨ នាក់ដែលមានអាយុបក្សចំណាស់ បានទទួលសញ្ញាលក្ខណ៍អាយុបក្ស ៦៥ឆ្នាំ ៦០ឆ្នាំ ៥៥ឆ្នាំ និង ៤០ឆ្នាំ៕

អាញយុង-វិមាន

ចែករំលែកអត្ថបទ

ពាក្យគន្លឹះ