វប្បធម៌-សិល្បៈ វប្បធម៌

05/01/2026 - 20:59

ពិនិត្យជ្រើសទីចាត់តាំងពិធីបុណ្យនំប្រពៃណីណាមបូ លើកទី XIII ឆ្នាំ ២០២៦

ពិធីបុណ្យនំប្រពៃណីណាមបូ លើកទី XIII ឆ្នាំ ២០២៦ គ្រោងនឹងប្រារព្ធឡើងចាប់ពីថ្ងៃទី ២៤ ដល់ ២៨ ខែមេសា ឆ្នាំ ២០២៦ ដើម្បីអភិរក្ស និងពង្រីកតម្លៃវប្បធម៌ម្ហូបអាហារ ក៏ដូចជានំប្រពៃណីរបស់តំបន់ណាមបូ។

នៅថ្ងៃទី ៥ ខែមករា លោកស្រី ង្វៀងធីង៉ុកឌេប អនុប្រធានគណៈកម្មាធិការប្រជាជនទីក្រុងកឹងធើ បានដឹកនាំក្រុមប្រតិភូចុះទៅពិនិត្យទីចាត់តាំងពិធីបុណ្យនំប្រពៃណីណាមបូ លើកទី XIII ឆ្នាំ ២០២៦ (ហៅកាត់ថា ពិធីបុណ្យ) ដើម្បីជ្រើសទីត្រៀមបម្រុងចាត់តាំងពិធីបុណ្យនាពេលខាងមុខ។

ក្រុមប្រតិភូបានពិនិត្យនៅសួនច្បារទន្លេហូវ។ រូបថត៖ កេវម៉ាយ

ក្រុមប្រតិភូបានទៅពិនិត្យនៅទីលានប៊ិញធ្វី (សង្កាត់ប៊ិញធ្វី) និងសួនច្បារទន្លេហូវ (សង្កាត់កាយខេ)។ ទីលានប៊ិញធ្វីគឺជាទីចាត់តាំងពិធីបុណ្យជាច្រើនឆ្នាំកន្លងមក មានទីធំទូលាយ នៅជិតបូជនីយដ្ឋានក្សត្រហ៊ុង ដែលជាកន្លែងសម្រាប់រៀបចំពិធីថ្វាយគ្រឿងសក្ការបូជា និងថ្វាយនំជារៀងរាល់ឆ្នាំក្នុងឱកាសបុណ្យសែនបុព្វក្សត្រហ៊ុងវឿង។

ចំណែកសួនច្បារទន្លេហូវ មានលំហអាវកាសស្រឡះ ត្រជាក់រៀងរហូត និងស្ថិតនៅចំកណ្តាលទីក្រុង ជាតំបន់ដែលប្រមូលផ្តុំទៅដោយកន្លែងកម្សាន្ត និងកន្លែងស្នាក់នៅជាច្រើន។ ការរៀបចំស្ដង់ទំនិញ និងកន្លែងសម្រាប់ឆ្លងកាត់បទពិសោធន៍ នៅទីនេះមានភាពងាយស្រួល និងបង្កើតជាកន្លែងតភ្ជាប់គ្នាបានល្អជាងបើធៀបនឹងទីលានប៊ិញធ្វី។

ដ្យាក្រាមទីចាត់តាំងពិធីបុណ្យនៅសួនច្បារទន្លេហូវ។ រូបថត៖ កេវម៉ាយ

ផ្អែកលើការពិនិត្យភាពងាយស្រួលនិងការលំបាកពាក់ព័ន្ធនឹងការចាត់តាំង ការងារសន្តិសុខសណ្តាប់ធ្នាប់ និងការផ្តល់អាទិភាពដល់ភ្ញៀវទេសចរ ក៏ដូចជាប្រជាជនមានកន្លែងសម្រាប់ឆ្លងកាត់បទពិសោធន៍ជាង គណៈចាត់តាំងពិធីបុណ្យនឹងជ្រើសរើសគម្រោងដែលសមស្របបំផុត។ យោងតាមនោះ គម្រោងដែលបានជ្រើសរើសលើកជាសំណើគឺសួនច្បារទន្លេហូវ។

ពិធីបុណ្យនំប្រពៃណីណាមបូ លើកទី XIII ឆ្នាំ ២០២៦ គ្រោងនឹងប្រព្រឹត្តទៅចាប់ពីថ្ងៃទី ២៤ ដល់ថ្ងៃទី ២៨ ខែមេសា ឆ្នាំ ២០២៦ (ត្រូវនឹងថ្ងៃទី ៨ ដល់ថ្ងៃ ១២ ខែ ៣ តាមចន្ទគតិវៀតណាម)។ នេះជាព្រឹត្តិការណ៍ប្រចាំឆ្នាំរបស់ទីក្រុងកឹងធើ ដើម្បីអភិរក្ស និងពង្រីកតម្លៃវប្បធម៌ម្ហូបអាហារ នំប្រពៃណីណាមបូ រួមចំណែកផ្សព្វផ្សាយរូបភាពទេសចរណ៍កឹងធើ ឧទ្ទេសសនាមដល់ភ្ញៀវទេសចរនូវខ្លឹមសារសំខាន់នៃម្ហូបអាហារ អត្តសញ្ញាណវប្បធម៌ និងមនុស្សនៅណាមបូ៕

យោង៖ baocantho.com.vn - ថាច់ធី

ចែករំលែកអត្ថបទ

ពាក្យគន្លឹះ