ព្រឹត្តិការណ៍ - នយោបាយ ព្រឹត្តិការណ៍

16/12/2025 - 20:02

គណៈកម្មាធិការបក្សយោធាមជ្ឈិម ក្រសួងការពារជាតិ ជូនឆាយាល័ក្ខណ៍ប្រធានហូជីមិញ ដល់ឃុំ សង្កាត់នានានៅទីក្រុងកឹងធើ

ឧត្តមសេនីយ៍ត្រី ក្វាត់វ៉ាំងញ៉ បានសង្កត់ធ្ងន់ថា ការប្រគល់ជូនឆាយាល័ក្ខណ៍ប្រធានហូជីមិញ គឺជាការសម្តែងបង្ហាញពីក្ដីស្រឡាញ់ដ៏ធំធេង និងការដឹងគុណយ៉ាងជ្រាលជ្រៅរបស់កម្មាភិបាល យុទ្ធជននៃកងកម្លាំងប្រដាប់អាវុធយោធភូមិភាគ ៩ និងប្រជាជននៅភូមិភាគនានានៅតំបន់វាលរាបទន្លេគឺវឡុង។

នាព្រឹកថ្ងៃទី១៦ ខែធ្នូ នៅទីបញ្ជាការយោធាទីក្រុងកឹងធើ ដោយបានការអនុញ្ញាតពីគណៈកម្មាធិការបក្សយោធាមជ្ឈិម ក្រសួងការពារជាតិ អគ្គមេបញ្ជាការនៃយោធភូមិភាគ៩ បានរៀបចំពិធីប្រគល់ជូនឆាយាល័ក្ខណ៍ប្រធានហូជីមិញដល់ឃុំ សង្កាត់ទាំង១០៣ នៅទីក្រុងកឹងធើ។

អញ្ជើញចូលរួមមាន ឧត្តមសេនីយ៍ត្រី ក្វាត់វ៉ាំងញ៉ អគ្គមេបញ្ជាការរងនៃយោធភូមិភាគ៩; តំណាងថ្នាក់ដឹកនាំនៃស្ថាប័ននានារបស់យោធភូមិភាគ៩; លោក ត្រឹងវ៉ាំងហ្វៀង អនុលេខាគណៈកម្មាធិការបក្សទីក្រុងកឹងធើ; លោកស្រី ង្វៀងធីង៉ុកដេប សមាជិកគណៈកម្មាធិការបក្សទីក្រុង អនុប្រធានគណៈកម្មាធិការប្រជាជនទីក្រុងកឹងធើ; ថ្នាក់ដឹកនាំទីបញ្ជាការយោធាទីក្រុង; និងមន្ទីរ គណៈ ផ្នែកមួយចំនួនរបស់ទីក្រុង និងថ្នាក់ដឹកនាំឃុំ សង្កាត់នានានៅទីក្រុងកឹងធើ។

ឧត្តមសេនីយ៍ត្រី ក្វាត់វ៉ាំងញ៉ អគ្គមេបញ្ជាការរងនៃយោធភូមិភាគ៩ និងលោក ត្រឹងវ៉ាំងហ្វៀង អនុលេខាគណៈកម្មាធិការបក្សទីក្រុងកឹងធើ ធ្វើពិធីប្រគល់ឆាយាល័ក្ខណ៍ប្រធានហូជីមិញ។

ថ្លែងក្នុងពិធីនោះ ឧត្តមសេនីយ៍ត្រី ក្វាត់វ៉ាំងញ៉ បានសង្កត់ធ្ងន់ថា ការប្រគល់ជូនឆាយាល័ក្ខណ៍ប្រធានហូជីមិញ ដល់ឃុំ សង្កាត់នានានៅទីក្រុងកឹងធើ គឺជាព្រឹត្តិការណ៍មានអត្ថន័យយ៉ាងជ្រាលជ្រៅផ្នែកនយោបាយ វប្បធម៌និងស្មារតី បង្ហាញពីក្ដីស្រឡាញ់ដ៏ធំធេង និងការដឹងគុណយ៉ាងជ្រាលជ្រៅរបស់កម្មាភិបាល យុទ្ធជននៃកងកម្លាំងប្រដាប់អាវុធយោធភូមិភាគ៩ និងប្រជាជននៅភូមិភាគនានានៅតំបន់វាលរាបទន្លេគឺវឡុង ចំពោះមគ្គុទ្ទេសក៍ដ៏ឆ្នើមរបស់ប្រជាជាតិ។

លោកបានឱ្យដឹងបន្ថែមទៀតថា ឆាយាល័ក្ខណ៍ប្រធានហូជីមិញ មិនត្រឹមតែជាស្នាដៃសិល្បៈប៉ុណ្ណោះទេ ថែមទាំងជានិមិត្តរូបដ៏ពិសិដ្ឋ គំរូដ៏ភ្លឺស្វាងនៃសតិអារម្មណ៍ សីលធម៌ ឥរិយាបថដ៏ថ្លៃថ្នូរនិងបរិសុទ្ធ; ការស្នេហាជាតិដ៏កក់ក្ដៅ ឆន្ទៈមោះមុតមិនងាករេអស់មួយជីវិតតស៊ូ បរិច្ចាក ពលីដើម្បីខឿនឯករាជ្យជាតិ និងសុភមង្គលរបស់ប្រជាជន។ រាល់ពេលគយគន់រូបភាពរបស់អ៊ំ យើងហាក់ដូចជាបានទទួលបន្ថែមកម្លាំងចិត្ត និងឆន្ទៈប្តេជ្ញាដើម្បីសម្រេចភារកិច្ចគ្រប់យ៉ាង។

ដោយបានការអនុញ្ញាតពីគណៈកម្មាធិការបក្សយោធាមជ្ឈិម ក្រសួងការពារជាតិ ឧត្តមសេនីយ៍ត្រី ក្វាច់វ៉ាំងញ៉ អគ្គមេបញ្ជាការរងនៃយោធភូមិភាគ៩ និងលោក ត្រឹងវ៉ាំងហ្វៀង អនុលេខាគណៈកម្មាធិការបក្សទីក្រុងកឹងធើ ប្រគល់ឆាយាល័ក្ខណ៍ប្រធានហូជីមិញ ជូនដល់ឃុំ សង្កាត់នានា។

តំណាងថ្នាក់ដឹកនាំសង្កាត់និញកេវ ជំនួសមុខឱ្យឃុំ សង្កាត់ទាំងអស់ ប្ដេជ្ញាថានឹងថែរក្សាឆាយាល័ក្ខណ៍អ៊ំដោយការគោរពដ៏ខ្ពស់ខ្ពស់បំផុត; នឹងរៀបចំដាក់តាំងនៅទីតាំងដ៏សមរម្យដើម្បីបម្រើដល់សកម្មភាពនយោបាយ ការអប់រំប្រពៃណី និងផ្សព្វផ្សាយក្នុងសហគមន៍; បន្តជំរុញយ៉ាងខ្លាំងក្លាការរៀនសូត្រនិងធ្វើតាមដំបូន្មានអំ រួមចំណែកកសាងភូមិភាគកាន់តែស៊ីវិល័យ ទំនើប និងអភិវឌ្ឍប្រកបដោយចីរភាព៕

អាញយុង-វ៉ាន់តឹន

ចែករំលែកអត្ថបទ

ពាក្យគន្លឹះ