ព្រឹត្តិការណ៍ - នយោបាយ ព្រឹត្តិការណ៍

13/12/2025 - 15:07

ឃុំ សង្កាត់នានា ផ្តុំកម្លាំងដឹកនាំ អនុវត្តជោគជ័យភារកិច្ចនយោបាយអភិវឌ្ឍភូមិភាគ

លោកស្រី ហូធីកឹមដាវ អនុលេខាគណៈកម្មាធិការបក្សក្រុង ប្រធានគណៈកម្មាធិការរណសិរ្សមាតុភូមិវៀតណាមទីក្រុងកឹងធើ; លោក ត្រឹងវ៉ាំងជីញ សមាជិកគណៈអចិន្ត្រៃយ៍នៃគណៈកម្មាធិការបក្សក្រុង អនុប្រធានប្រចាំការនៃគណៈកម្មាធិការរណសិរ្សមាតុភូមិវៀតណាមទីក្រុង បានធ្វើការជាមួយគណៈប្រចាំការនៃគណៈកម្មាធិការបក្សសង្កាត់នានា៖ ឡុងប៊ិញ, ឡុងម៉ី, ឡុងភូ១, ហឺងភូ, ធ្វឹងហឺង, តឹងឡុក, ទ្រុងញឹក និងឃុំនានា៖ វីធ្វី, វិញតឿង, ថាញ់ស្វឹង, សាភៀង, វិញត្រិញ, ថាញ់អាង, ថាញ់ក្វើយ, ម៉ីក្វើយ, វិញឡើយ, តឹងឡុង អំពីលទ្ធផលនៃការអនុវត្តភារកិច្ចនយោបាយរបស់បក្ខភាគ តាំងពីចាប់ផ្តើមដំណើរការនៅថ្ងៃទី ១-៧-២០២៥។

ថ្នាក់ដឹកនាំទីក្រុងធ្វើការជាមួយគណៈប្រចាំការនៃគណៈកម្មាធិការបក្សឃុំ សង្កាត់។

ក្រោយពីរៀបចំអង្គភាពរដ្ឋបាល និងចាត់តាំងទម្រង់រដ្ឋអំណាចមូលដ្ឋាន ២ ថ្នាក់មក គណៈកម្មាធិការបក្សនៃឃុំ សង្កាត់នានា បានរក្សាលំនឹងអង្គការចាត់តាំង ផ្តុំកម្លាំងដឹកនាំ ចង្អុលការយ៉ាងទូលំទូលាយលើគ្រប់ភារកិច្ចនយោបាយ។ បណ្តាឃុំ សង្កាត់នានា បានចាត់តាំងមហាសន្និបាតបក្ខភាគលើកទី I អាណត្តិកាល ២០២៥ - ២០៣០ ដោយជោគជ័យ; សម្រេចរួចរាល់ការងារបង្កើតស្ថាប័នធ្វើសេនាធិការ ជំនួយការរៀបចំបុគ្គលិកថ្នាក់គណៈកម្មាធិការបក្ស គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាម។ ភូមិភាគនានាបានចាត់តាំងអង្គសន្និបាតជាច្រើន ដើម្បីផ្សព្វផ្សាយនូវសេចក្តីសម្រេចបទបញ្ជារបស់មជ្ឈិម និងគណៈកម្មាធិការបក្សក្រុង។ សកម្មភាពត្រួតពិនិត្យ តាមដានរក្សាបានរបៀបរៀបរយ។ គណៈកម្មាធិការបក្សនានា បានយកចិត្តទុកដាក់លើកកម្ពស់គុណភាពកិច្ចប្រជុំសាខាបក្ស។ ស្តីពីការអភិវឌ្ឍសេដ្ឋកិច្ច-សង្គម ឃុំ សង្កាត់នានាសម្រេចបានលទ្ធផលវិជ្ជមានជាច្រើន; ការប្រមូលថវិការដ្ឋនៅភូមិភាគនានាសម្រេចលើសផែនការ; បណ្តាសកម្មភាពអំណរអនុស្សាវរីយ៍ក្នុងឱកាសពិធីបុណ្យធំៗ ការតបស្នងសងគុណ សុខុមាលភាពសង្គម ការងារបន្ថយភាពក្រីក្រ... បានយកចិត្តទុកដាក់អនុវត្តល្អ សន្តិសុខនយោបាយ និងសណ្តាប់ធ្នាប់សុវត្ថិភាពសង្គម បន្តរក្សាយ៉ាងរឹងមាំ...

ថ្នាក់ដឹកនាំភូមិភាគនានាលើកសំណើ សំណូមពរជាមួយថ្នាក់ថឹកនាំទីក្រុងក្នុងអង្គប្រជុំ។

ថ្នាក់ដឹកនាំឃុំ សង្កាត់នានាបានលើកសំណើលើខ្លឹមសារមួយចំនួន ដូចជា៖ បន្ថែមក្របខណ្ឌបុគ្គលិកសម្រាប់វិស័យការងារដែលនៅខ្វះ; ប្រគល់សិទ្ធិឱ្យភូមិភាគម្ចាស់ការក្នុងការបែងចែកក្របខណ្ឌបុគ្គលិក; ណែនាំអំពីរបៀបចាត់តាំង សកម្មភាពរបស់សមាគមមហាជន និងចាត់តាំងបុគ្គលិកនៅមជ្ឈមណ្ឌលសេវាកម្មចម្រុះថ្នាក់ឃុំ; វិនិយោគ បង្កើនកម្រិតផ្លូវជនបទ ផ្លូវសំខាន់ៗ ផ្លូវតភ្ជាប់ឃុំ ស្ពាន និងផ្លូវភ្ជាប់តំបន់ឧស្សាហកម្ម តំបន់តាំងទីលំនៅឋានឡើងវិញ ដើម្បីបម្រើការអភិវឌ្ឍសេដ្ឋកិច្ច- សង្គម; ជួសជុល កែលម្អទីតាំងសាលារៀនដែលទ្រុឌទ្រោម ឬរងផលប៉ះពាល់ពីគ្រោះធម្មជាតិ; វិនិយោគសម្ភារៈឧបករណ៍សាលារៀន បន្ទប់មុខងារ ដើម្បីសម្រេចបទដ្ឋានជាតិ; ចេញសេចក្តីសម្រេចប្រធានបទអភិវឌ្ឍន៍ទីក្រុង បង្កកម្លាំងជំរុញសម្រាប់តំបន់ដែលទើបរួមបញ្ចូល; បែងចែកថវិកាជួសជុលទីស្នាក់ការ សម្ភារៈបម្រើការងារ ថែទាំសំណង់បម្រើផលប្រយោជន៍រួម; បង្ហើយហេដ្ឋារចនាសម្ព័ន្ធទិន្នន័យប្រើប្រាស់រួម; បង្កើនហេដ្ឋារចនាសម្ព័ន្ធប្រព័ន្ធអ៊ីនធឺណិត ដើម្បីដំណើរការលំនឹងកម្មវិធីផ្នែកទន់; ធ្វើវិមជ្ឈការជាងទៀតក្នុងនីតិវិធីមួយចំនួនដើម្បីបន្ថយបន្ទុក និងបង្កើនកម្រិតពេញចិត្តរបស់ប្រជាជន...

តំណាងមន្ទីរ គណៈ ផ្នែកទីក្រុងបានផ្តល់ព័ត៌មាន និងដោះដូរខ្លឹមសារមួយចំនួនទាក់ទងនឹងសំណើរបស់ឃុំ សង្កាត់។

លោកស្រី ហូធីកឹមដាវ អនុលេខាគណៈកម្មាធិការបក្សក្រុង ប្រធានគណៈកម្មាធិការរណសិរ្សមាតុភូមិវៀតណាម ទីក្រុងកឹងធើ ថ្លែងការណ៍ក្នុងអង្គប្រជុំ។

ថ្លែងការណ៍ក្នុងអង្គប្រជុំ លោកស្រី ហូធីកឹមដាវ បានស្នើឱ្យថ្នាក់ដឹកនាំឃុំ សង្កាត់នានាគប្បីផ្តុំកម្លាំងអនុវត្តឱ្យបានល្អនូវការងារបោះឆ្នោត; ចាត់តាំងបណ្តាសកម្មភាពគិតគូរបុណ្យចូលឆ្នាំថ្មីវៀតណាមដល់មុខសញ្ញានានា; អនុវត្តល្អការងារជ្រើសទ័ព។

អនុលេខាបក្សក្រុងបានរំលឹកភូមិភាគនានាគប្បីផ្លាស់ប្តូរយ៉ាងខ្លាំងក្លានូវវិធីសាស្រ្តដឹកនាំតាមទិសដៅ ភារកិច្ចស្នូល មានផលិតផលច្បាស់លាស់; បង្កើនគុណភាពកិច្ចប្រជុំគណៈកម្មាធិការបក្ស; បង្កើនការត្រួតពិនិត្យ តាមដាន; លើកកម្ពស់ការទទួលខុសត្រូវធ្វើជាគំរូនៃអ្នកដឹកនាំ; កសាងរដ្ឋអំណាចមូលដ្ឋាន ជំនាញ សុពលភាពនិងប្រសិទ្ធភាព; ជំរុញខ្លាំងខ្លាការផ្លាស់ប្តូរឌីជីថល; បង្កើនការពេញចិត្តរបស់ប្រជាជន; ពង្រឹងវិន័យក្នុងការគ្រប់គ្រងដីធ្លី សំណង់និងបរិស្ថាន; អភិវឌ្ឍសេដ្ឋកិច្ចសមស្របជាមួយនឹងភូមិភាគនីមួយៗ; រក្សារឹងមាំសន្តិសុខនយោបាយ សណ្តាប់ធ្នាប់សង្គម; យកចិត្តទុកដាក់គិតគូរសុខុមាលភាពសង្គម; កសាងកងជួរកម្មាភិបាលមូលដ្ឋានគ្រប់សមត្ថភាពឆ្លើយតបបានតម្រូវការនៃភារកិច្ចថ្មី; ផ្លាស់ថ្មីការងារប្រជាចលនា ពង្រីកកម្លាំងមហាសាមគ្គីជិតដិតប្រជាជន ស្និទ្ធស្នាលប្រជាជន ស្តាប់ប្រជាជន; លើកកម្ពស់តួនាទីស្នូលរបស់រណសិរ្សមាតុភូមិ និងអង្គការមហាជន៕

ង៉ុកក្វៀង - វ៉ាន់តឹន

ចែករំលែកអត្ថបទ

ពាក្យគន្លឹះ