- នា​ល្ងាច​ថ្ងៃ​ទី ៩ ខែ​ធ្នូ លោក​នាយក​រដ្ឋ​មន្ត្រី ផាម​មិញ​ជិញ និង​លោក​ឧបនាយក​រដ្ឋ​មន្ត្រី ត្រឹងហុងហា ប្រធាន​គណៈ​ចង្អុលការ​ជាតិស្ដីពីប្រឆាំងការទាញយកផលសមុទ្រខុសច្បាប់​ មិនរាយការណ៍និងមិនអនុវត្តតាមសេចក្ដីកំណត់(IUU) ​ដឹក​នាំ​សម័យ​ប្រជុំ​អនឡាញ​ទូទាំង​ប្រទេស​លើក​ទី ២៥ ជាមួយ​បណ្ដា​ក្រសួង គណៈ​ ផ្នែក​មជ្ឈិម និង​បណ្ដា​ខេត្ត ក្រុង​ជាប់​សមុទ្រ សំដៅ​វាយ​តម្លៃសន្ទុះ​ក្នុង​ការ​អនុវត្ត​ក្រុម​អនុសាសន៍​នានា​របស់​គណៈកម្មាធិការ​អឺរ៉ុប (EC)។

លោកទ្រឿងកាញ់ត្វៀង អនុលេខា​គណៈ​កម្មាធិការ​បក្ស​ទី​ក្រុង ប្រធាន​គណៈកម្មាធិការ​ប្រជាជន​ទីក្រុង​កឹង​ធើ; លោកត្រឹងជីហុង អនុប្រធាន​គណៈកម្មាធិការ​ប្រជាជន​ទីក្រុង​កឹង​ធើ រួម​ជាមួយ​ថ្នាក់​ដឹក​នាំ​បណ្ដា​មន្ទីរ គណៈ ​ផ្នែក​ពាក់​ព័ន្ធ បាន​ចូល​រួម​សម័យ​ប្រជុំ​នៅទីក្រុងកឹងធើ។

ថ្នាក់​ដឹក​នាំ​ទីក្រុង​កឹង​ធើ ចូល​រួម​សម័យ​ប្រជុំ​បន្តរ​ផ្ទាល់​តាម​រយៈការតភ្ជាប់ទូរទស្សន៍។

នៅ​សម័យ​ប្រជុំ លោក​នាយក​រដ្ឋ​មន្ត្រី ផាមមិញជិញ បាន​ចង្អុល​ការ​៖ បណ្ដា​ក្រសួង គណៈ ​ផ្នែក​មជ្ឈិម និង​បណ្ដា​ភូមិភាគជាប់​សមុទ្រ គប្បី​ប្រមូល​ផ្ដុំ​ធនធាន​អនុវត្តយ៉ាង​​ម៉ឺង​ម៉ាត់ ប្រកប​ដោយ​ប្រសិទ្ធភាពការងារ​ប្រឆាំងការទាញយកផលសមុទ្រខុសច្បាប់ IUU។ ជា​ពិសេស ចាប់​ពី​ពេល​នេះ​រហូត​ដល់​ពាក់​កណ្ដាល​ខែ​ធ្នូ ឆ្នាំ ២០២៥ ត្រូវ​តែ​ប្រមូល​ផ្ដុំ​អនុវត្ត​ទិស​ដៅ​ពីរ​ គឺ​ប្រមូល​ផ្ដុំ​បកស្រាយ ដោះ​ស្រាយ​​ដាច់​ស្រឡះ​នូវ​អនុសាសន៍​នានា​របស់ EC ស្ដីពី​ការ​ប្រឆាំងនឹងការទាញយកផលសមុទ្រខុសច្បាប់​ IUU; រៀបចំ​រចនា​សម្ព័ន្ធ អភិវឌ្ឍ​វិស័យ​ជលផល​ឱ្យបាន​ចីរភាព ការទាញយកផល​ស្រប​ច្បាប់ សម​ហេតុផល ក្នុង​នោះ​យក​ចិត្ត​ទុក​ដាក់​រចនា​សម្ព័ន្ធ​ចំនួន​នាវា កម្លាំង​ពលកម្មរៀបរយ មាន​ជំនាញវិជ្ជាជីវៈ ធានា​សេចក្ដីកំណត់នៃការទាញយកផល ការ​ចិញ្ចឹម​វារី​វប្បកម្ម​ស្រប​ច្បាប់; ជំរុញ​កិច្ច​សហប្រតិបត្តិការ​ជាមួយ​ប្រទេស​ជិត​ខាង អភិវឌ្ឍ​ការ​ទាញយកជលផល​ប្រកប​ដោយ​ចីរភាព និង​យូរ​អង្វែង។ល។

បណ្ដា​ក្រសួង គណៈ ​ផ្នែក​មជ្ឈិម និង​ភូមិភាគនានា គប្បី​ប្រមូល​ផ្ដុំ​ត្រួត​ពិនិត្យ​ឡើង​វិញ​នូវ​អនុសាសន៍​នានា​របស់ EC ដើម្បីរកមើលថា ​​តើ​នៅ​មាន​ចំណុច​ខ្វះ​ខាត​អ្វី​ខ្លះ ដើម្បី​រួម​ជាមួយ​សហគមន៍អ្នក​នេសាទ​អនុវត្ត​ឱ្យបាន​គ្រប់​ជ្រុង​ជ្រោយ។ ចាប់​ពី​ពេល​នេះ​រហូត​ដល់​ថ្ងៃ​ទី ១៥ ​ខែធ្នូ ក្រសួង​កសិកម្ម​និង​បរិស្ថាន គប្បីសហការ​ជាមួយ​បណ្ដា​ក្រសួង គណៈ​ផ្នែក​សមត្ថកិច្ច សម្រេច​របាយការណ៍​បកស្រាយ​អនុសាសន៍​នានា​របស់ EC ព្រម​ទាំងពិភាក្សា ​និងឯកភាព​​ពេល​វេលា​ធ្វើ​ការ​ជាក់​ស្ដែងស្ដីអំពី​លទ្ធផលនៃការ​ប្រឆាំងទាញយកផលសមុទ្រខុសច្បាប់ IUU របស់​វៀតណាម ប្ដេជ្ញា​ចិត្ត​ដោះ “កាតលឿង” IUU របស់ EC។

លោក​នាយក​រដ្ឋ​មន្ត្រី បានសំណូមពរឱ្យ​ក្រសួង​ការពារ​ជាតិ​បន្ត​រក្សា​ការ​ល្បាត ត្រួត​ពិនិត្យ​នៅ​តំបន់​សមុទ្រ​ជាប់​ព្រំ​ដែន​ជាមួយ​បណ្ដា​ប្រទេស​ម៉ាឡេស៊ី ឥណ្ឌូណេស៊ី ថៃ។ល។ ត្រួត​ពិនិត្យ​នាវា​នេសាទ​ដែល​ចេញ​ចូល​កំពងផែ ចាត់​វិធានការ​តឹងរ៉ឹង​ចំពោះ​នាវា​នេសាទ​ដែល​មិន​គ្រប់​លក្ខណៈ​ចូល​រួម​​សកម្មភាព; ណែនាំ​ម្ចាស់​នាវា ប្រធាននាវិក​អនុវត្ត​បែប​បទ​ប្រកាស​នាវា​នេសាទ អ្នកនេសាទ​ចេញ​ចូលកំ​ពង់ផែកលើកម្មវិធី VNeID។

ក្រសួង​ការ​បរទេសគប្បី​ប្រញាប់​ប្រញាល់​ធ្វើ​ការ​ជាមួយ​នឹងបណ្ដា​ប្រទេស ដើម្បី​ទទួល​បាន​ព័ត៌មានឱ្យបានច្បាស់លាស់​អំពី​នាវា​នេសាទ ២៣ ក្នុងចំណោម ៩១ គ្រឿង និងអ្នក​នេសាទ​វៀតណាម​ដែល​ត្រូវ​បាន​ចាប់​ខ្លួនតាំង​ពី​ឆ្នាំ ២០២៤ មកដល់​បច្ចុប្បន្ន​។ ព្រមទាំងផ្ដល់​បញ្ជី​ឈ្មោះ​នាវា​នេសាទ អ្នក​នេសាទ​ដែល​​បរទេស​បានចាប់​ខ្លួន ហើយ​ត្រូវ​បាន​ប្រគល់​ឱ្យវិល​ត្រឡប់​មក​ប្រទេស​វិញ​តាំង​ពី​ឆ្នាំ ២០២៤កន្លងមក។

ក្រសួង​នគរ​បាល​ផ្អែកលើ​មូលដ្ឋាន​ព័ត៌មាន​ដែល​ក្រសួង​ការ​បរទេស​ផ្ដល់ជូន គប្បីចង្អុល​ការ​ដល់​នគរ​បាលភូមិភាគ​ដោះ​ស្រាយ​ដាច់​ស្រឡះ​នូវ​ករណី​នាវា​នេសាទ អ្នក​នេសាទ​ត្រូវ​​បរទេស​ចាប់​ខ្លួន និងខ្សែរយៈជើងសារ​នាំ​នាវា​នេសាទ អ្នក​នេសាទ​ទៅ​ទាញយកផល​ខុស​ច្បាប់​នៅ​បរទេស; ព្រមទាំងចង្អុល​ការ​ដល់​នគរ​បាល​នៅភូមិភាគ​មួយ​ចំនួនចាត់ការករណីល្មើស​ក្នុង​ការ​នាំ​ចេញ​ជលផល។ល។

គណៈកម្មាធិការ​ប្រជាជន​បណ្ដា​ភូមិភាគ​ជាប់​សមុទ្រ គប្បី​ប្រមូល​ផ្ដុំ​ធនធាន​ឱ្យបាន​ច្រើន​បំផុត​អនុវត្ត​នូវ​មតិ​ចង្អុល​ការ​របស់​លោក​នាយក​រដ្ឋ​មន្ត្រី លោក​ឧបនាយក​រដ្ឋ​មន្ត្រី - ប្រធាន​គណៈចង្អុលការ​ជាតិ​ស្ដីពីប្រឆាំងការទាញយកផលសមុទ្រ​ខុស​ច្បាប់ មិនរាយការណ៍និងមិនអនុវត្តតាមសេចក្ដីកំណត់; បន្ត​អនុវត្ត​ម៉ឺង​ម៉ាត់​នូវ​សេចក្ដីកំណត់នៃ​ការ​ចុះ​បញ្ជី ការ​ផ្ដល់​លិខិត​អនុញ្ញាតទាញយកជលផល ត្រួត​ពិនិត្យ​នាវា​នេសាទ​ដែល​មិន​គ្រប់​លក្ខណៈ​ចូលរួម​សកម្មភាព; ត្រួត​ពិនិត្យ តាម​ដាន​នាវា​នេសាទ​ចេញ​ចូល​កំពង់​ផែ បរិមាណជលផល​ដែលផ្ទេរផ្ទុក​ឆ្លង​កាត់​កំពង់​ផែ (ទាំង​កំពង់​ផែ​នេសាទ​ឯកជន) តាមសេចក្ដីកំណត់​នៃ​ច្បាប់។ល។ បណ្ដាភូមិភាគគប្បី​ប្រមូល​ផ្ដុំ​កសាង​គម្រោង​អភិវឌ្ឍ​វិស័យ​ជលផល​ឱ្យបាន​ចីរភាព សមស្រប​តាម​អនុសាសន៍​របស់ EC ដើម្បី​ក្រសួង​កសិកម្ម​និង​បរិស្ថាន​ធ្វើ​របាយការណ៍សរុប លើក​ជូន​រដ្ឋាភិបាល លើក​ជូន​លោក​នាយក​រដ្ឋ​មន្ត្រី​អនុ​ម័ត​។ល។

មក​ដល់​ពេល​នេះ នាវា​នេសាទ​របស់​បណ្ដា​ភូមិភាគក្នុង​ទូទាំង​ប្រទេស​មាន​ចំនួន​សរុប ៧៩.១៨០/៧៩.១៨០ គ្រឿង​ ដែលបាន​ចុះ​បញ្ជី ហើយ​ត្រូវ​បាន​បំពេញ​ចូលកម្មវិធី VNFishbase។ ចាប់​ពី​ថ្ងៃ​ទី ២ ដល់​ថ្ងៃ​ទី៩ ខែធ្នូ ​បាន​អនុវត្ត​ការ​ត្រួត​ពិនិត្យ គ្រប់​គ្រង​នាវាចេញ​ពី​កំពង់​ផែចំនួន ២.៩០១ លើក​ និងនាវាចូលចត់​កំពង់​ផែ​ចំនួន២.៧០៨ លើក​ តាម​សេចក្ដីកំណត់ ត្រួតពិនិត្យផលនេសាទដែលទាញយកបានចំនួន១.៨៤៥ តោន ​ឆ្លង​កាត់​កំពង់​ផែ​លើ​ប្រព័ន្ធ eCDT; បានផ្ដល់​នូវ​ប័ណ្ណ​ទទួល​ស្គាល់​ជលផល​ឆ្លង​កាត់​កំពង់​ផែ ៣២៨ ប័ណ្ណ, ប័ណ្ណ SC និង CC ចំនួន២៣ ​នៅលើ eCDT នៅ​កំពង់​ផែ​នេសាទ ៥១ កន្លែង​ដែល​ត្រូវ​បាន​កំណត់​គ្រប់​លក្ខណៈ​ដើម្បី​បញ្ជាក់​វត្ថុ​ធាតុ​ដើម​ជលផល​ដែលទាញយក។ ផលសមុទ្រ​ដែល​នាំ​ចូល​ត្រូវ​បាន​ត្រួត​ពិនិត្យ គ្រប់​គ្រង​ដោយ​មានបរិមាណ ៧៥១,១ តោន​ដោយ​នាវា​កុងតឺន័រ។

មក​ដល់​ពេល​នេះ ទូទាំង​ប្រទេស​បានសម្រេច​ការ​ធ្វើ​ឌីជីថល​ទាំង​ស្រុង​លើ​ប្រព័ន្ធ​មូលដ្ឋាន​ទិន្នន័យ​គ្រប់​គ្រង​សកម្មភាព​នាវា​នេសាទ ការ​តភ្ជាប់ប្រទាក់ក្រឡា បូក​បញ្ចូល ពហុបំណង​ និងសម្រេចលក្ខណៈវិនិច្ឆ័យ “ត្រូវ គ្រប់ ស្អាត​ ស្រស់”); បាន​កសាង​វីដេអូ​ឃោសនា​ណែនាំ​ការ​ប្រើប្រាស់​កម្មវិធី VNeID ដើម្បី​បំពេញ​ព័ត៌មាន​នាវា​នេសាទ ព័ត៌មាន​នាវា​នេសាទ​ចេញ​ចូល​កំពង់ផែ តាម​ដាន ត្រួត​ពិនិត្យ​សកម្មភាព​នាវា​នេសាទ​លើ​សមុទ្រ​តាម​រយៈ VMS ជាដើម។

នាវា​នេសាទ​ទីក្រុង​កឹង​ធើ អនុវត្ត​បែប​បទ​ចូល​កំពង់​ផែ ត្រឹម​ត្រូវ​តាមសេចក្ដីកំណត់។

នៅ​ទីក្រុង​កឹង​ធើ បច្ចុប្បន្ន​មាន​នាវា​នេសាទ ៧៨៤ គ្រឿង​បាន​ចុះ​បញ្ជី​សកម្មភាពទាញយកផល និង​ត្រូវ​បាន​ផ្ដល់​លិខិត​អនុញ្ញាត បានបំពេញព័ត៌មានពេញ​លេញ​ទៅ​ក្នុង​មូលដ្ឋាន​ទិន្នន័យ​ជាតិ VNFishbase; អនុវត្ត​ការ​ផ្ទៀង​ផ្ទាត់ បំពេញចូល​ទិន្នន័យ​ព័ត៌មាន​នាវា​នេសាទ​នីមួយៗ​ក្នុងមូលដ្ឋាន​ទិន្នន័យ​ជាតិ VNFisbase និង VMS ភ្ជាប់​ជាមួយ​មូលដ្ឋាន​ទិន្នន័យ​ប្រជាពលរដ្ឋ VNeIDជាដើម។

ក្នុង​រយៈ​ពេល​កន្លង​ សហគមន៍​អ្នក​នេសាទ​ពិត​ជា​យល់​ដឹង​ច្បាប់ សេចក្ដីកំណត់​នានា​អំពី​ដែនសមុទ្រ កោះ; ការ​យល់​ដឹង​របស់​សហគមន៍​ប្រជាជន​មាន​ការវិវឌ្ឍជា​វិជ្ជមាន អនុវត្ត​ល្អ​នូវ​សេចក្ដីកំណត់នៃ​ច្បាប់​ជលផល​ឆ្នាំ ២០១៧ និង​សេចក្ដីកំណត់នានា​ដែល​ទាក់​ទង​នឹង​ការប្រឆាំងការទាញយកផលសមុទ្រខុសច្បាប់ IUU។ ការងារ​សហការ​ល្បាត ត្រួត​ពិនិត្យ ប្រទះឃើញ និង​ចាត់​វិធានការ​រដ្ឋបាល​ចំពោះ​ទង្វើល្មើស​ក្នុង​ការទាញ យកផលសមុទ្រខុសច្បាប់ IUU ក៏​ត្រូវ​បាន​គណៈ​ផ្នែក​សមត្ថកិច្ច​អនុវត្ត​ម៉ឺង​ម៉ាត់និងជាប្រចាំ៕

យោង៖ baocantho.com.vn- បកប្រែ៖ ថាច់ធី