ក្រសួងវិទ្យាសាស្ត្រនិងបច្ចេកវិទ្យា បានសហការជាមួយនឹងក្រសួងហិរញ្ញវត្ថុ រៀបចំពិធីគាំទ្រទិវាជួបជុំផ្លាស់ថ្មីច្នៃប្រតិដ្ឋជាតិ ឆ្នាំ២០២៥ ជាមួយនឹងប្រធានបទ “ផ្លាស់ថ្មីច្នៃប្រតិដ្ឋទូទាំងប្រជាជន កម្លាំងជំរុញអភិវឌ្ឍប្រទេសជាតិ”។ លោក អគ្គលេខាបក្ស តូឡឹម ប្រធានគណៈចង្អុលការមជ្ឈិមស្ដីពីការអភិវឌ្ឍវិទ្យាសាស្ត្រ បច្ចេកវិទ្យា ផ្លាស់ថ្មីច្នៃប្រតិដ្ឋ និងការផ្លាស់ប្តូរឌីជីថល បានអញ្ជើញចូលរួមនិងមានប្រសាសន៍ចង្អុលការ។
តំណាងចូលរួមនៅទីតាំងតភ្ជាប់បណ្ដាញក្រុងកឹងធើ។
អញ្ជើញចូលរួម មាននាយករដ្ឋមន្ត្រី ផាមមិញជិញ; ប្រធានគណៈកម្មាធិការត្រួតពិនិត្យមជ្ឈិមបក្ស លោកង្វៀងយ្វីង៉ុក ឧបនាយករដ្ឋមន្ត្រី ង្វៀងជីយ៉ុង រួមជាមួយនឹងតំណាងក្រសួង ផ្នែក ភូមិភាគ អាជីវកម្ម វិទ្យាស្ថាន មូលនិធិវិនិយោគនិងអង្គការអន្តរជាតិ។ ពិធីនេះថែមទាំងបានតភ្ជាប់ប្រព័ន្ធអនឡាញទៅកាន់ទីតាំងតភ្ជាប់បណ្ដាញនៃខេត្តក្រុងចំនួន ៣៤ ក្នុងទូទាំងប្រទេសផងដែរ។
លោកង្វៀងវុាំងខើយ អនុប្រធានគណៈកម្មាធិការប្រជាជនទីក្រុងកឹងធើ និងតំណាងមន្ទីរ អង្គភាពពាក់ព័ន្ធបានចូលរួមនៅទីតាំងតភ្ជាប់បណ្ដាញទីក្រុងកឹងធើ។
មានប្រសាសន៍ក្នុងពិធីនេះ លោកអគ្គលេខាបក្ស តូឡឹម បញ្ជាក់៖ ពិធីគាំទ្រទិវាជួបជុំផ្លាស់ថ្មីច្នៃប្រតិដ្ឋជាតិ ឆ្នាំ២០២៥ មិនត្រឹមតែជាព្រឹត្តិការណ៍សំខាន់ដែលប្រារព្ធឡើងជាលើកដំបូងប៉ុណ្ណោះទេ នៅទាំងជាសេចក្ដីអំពាវនាវបំផុសប្រភពចំណេះដឹងនិងសក្តានុពលរបស់វៀតណាម ដើម្បីលោតផ្លោះ អភិវឌ្ឍន៍ឆាប់រហ័ស និងចីរភាពក្នុងយុគសម័យឌីជីថលទៀតផង។
វៀតណាមចាត់ទុកវិទ្យាសាស្ត្រ បច្ចេកវិទ្យា ផ្លាស់ថ្មីច្នៃប្រតិដ្ឋ និងការផ្លាស់ប្តូរឌីជីថល គឺជាការលោតផ្លោះដ៏សំខាន់ ជាកម្លាំងជំរុញសំខាន់សម្រាប់ផ្លាស់ថ្មីគំរូអភិវឌ្ឍន៍ ធ្វើឱ្យជាក់ស្ដែង ទិសដៅចំនួន ២ ក្នុង១០០ឆ្នាំ៖ នៅឆ្នាំ២០៣០ ក្លាយជាប្រទេសកំពុងអភិវឌ្ឍន៍ ចំណូលមធ្យមខ្ពស់ និងរហូតដល់ឆ្នាំ ២០៤៥ ក្លាយជាប្រទេសអភិវឌ្ឍន៍ មានកម្រិតប្រាក់ចំណូលខ្ពស់។ ដើម្បីសម្រេចទិសដៅដែលបានកំណត់ លោកអគ្គលេខាបក្ស បានសំណូមពរផ្តោតលើក្រុមភារកិច្ចចំនួន៦៖ ឯកភាពលើស្មារតីយល់ដឹងនិងសកម្មភាពតាមទស្សនៈការផ្លាស់ថ្មីច្នៃប្រតិដ្ឋ គឺបុព្វហេតុរបស់ទូទាំងប្រជាជនកសាងវប្បធម៌ផ្លាស់ថ្មីច្នៃប្រតិដ្ឋទូទាំងប្រជាជន; ការផ្លាស់ថ្មីច្នៃប្រតិដ្ឋត្រូវដើរទន្ទឹមគ្នានឹងការអភិវឌ្ឍដ៏រឹងមាំនៃមូលដ្ឋានគ្រឹះវិទ្យាសាស្ត្រនិងបច្ចេកវិទ្យា លើកកម្ពស់កម្រិតម្ចាស់ការយុទ្ធសាស្ត្រអំពីបច្ចេកវិទ្យាជាតិ សំខាន់គឺបច្ចេកវិទ្យាស្នូលនិងបច្ចេកវិទ្យាប្រភព; ផ្ដុំកម្លាំងធ្វើឱ្យសុក្រឹត្យស្ថាប័ន និងគោលនយោបាយសម្រាប់ការអភិវឌ្ឍវិទ្យាសាស្ត្រ បច្ចេកវិទ្យា និងផ្លាស់ថ្មីច្នៃប្រតិដ្ឋ; ផ្សព្វផ្សាយយុទ្ធសាស្ត្រជាតិ អំពីការផ្ដួចផ្តើមច្នៃប្រតិដ្ឋ ការកសាងប្រព័ន្ធអេកូឡូស៊ីផ្លាស់ថ្មីច្នៃប្រតិដ្ឋជាតិតភ្ជាប់តំបន់និងពិភពលោក; ដំណើរការមានប្រសិទ្ធភាពនូវសសរស្តម្ភ ចំនួនបី៖ រដ្ឋស្ថាបនា អាជីវកម្មជាមជ្ឈមណ្ឌល និងវិទ្យាស្ថានជាប្រភពចំណេះដឹង; ផ្សារភ្ជាប់ការផ្លាស់ថ្មីច្នៃប្រតិដ្ឋជាមួយនឹងការអភិវឌ្ឍប្រកបដោយចីរភាព និងសមាហរណកម្មអន្តរជាតិ។
បញ្រ្ជាបកិច្ចចង្អុលការរបស់លោកអគ្គលេខាបក្ស តូឡឹម នាយករដ្ឋមន្ត្រី ផាមមិញជិញ បានសំណូមពរអនុវត្តគោលលំនាំ “៣មិន”៖ មិននិយាយថាគ្មាន មិននិយាយថាពិបាក មិននិយាយថាមានតែមិនធ្វើក្នុងការអភិវឌ្ឍផ្លាស់ថ្មីច្នៃប្រតិដ្ឋ; មិនទាមទារភាពសុក្រឹត មិនអន្ទះអន្ទែង មិនធ្វើត្រឹមតែរូបភាពផ្លាស់ថ្មីច្នៃប្រតិដ្ឋ; មិនបណ្ដោយឱ្យឧបសគ្គអំពីគំនិតផ្លាស់ថ្មីនិងសកម្មភាពប្តូរផ្តាច់ក្នុងការផ្លាស់ថ្មីច្នៃប្រតិដ្ឋ មិនបណ្ដោយឱ្យជំពាក់ជំពិនអំពីបែបបទរដ្ឋបាល មិនមានដែនកំណត់ផ្លាស់ថ្មីច្នៃប្រតិដ្ឋរបស់សមូហភាព ឬបុគ្គលណាមួយឡើយ។
ចំពោះដៃគូ អង្គការអន្តរជាតិ នាយករដ្ឋមន្ត្រី បានសំណូមពរ “៣ជំនួយ” សម្រាប់វៀតណាម៖ ជំនួយបច្ចេកទេស ចែករំលែកបទពិសោធន៍ជួយវៀតណាមកសាងគោលនយោបាយ ក្របខ័ណ្ឌច្បាប់ ហេដ្ឋារចនាសម្ព័ន្ធនិងធនធានសម្រាប់ការផ្លាស់ថ្មីច្នៃប្រតិដ្ឋ; ជំនួយហិរញ្ញវត្ថុ ផ្ទេរបច្ចេកវិទ្យា ពិសេសលើវិស័យអាទិភាព បច្ចេកវិទ្យា យុទ្ធសាស្ត្រ និងការអភិវឌ្ឍ R&D នៅវៀតណាម; ជំនួយ startup និងអាជីវកម្មបច្ចេកវិទ្យារបស់វៀតណាមតភ្ជាប់ទៅកាន់ទីផ្សារ ខ្សែសង្វាក់តម្លៃ និងខ្សែសង្វាក់ផ្គត់ផ្គង់លើពិភពលោក។
ចំពោះយុវជនជំនាន់ក្រោយ នាយករដ្ឋមន្ត្រី បានបញ្ជាក់ច្បាស់ពីស្មារតី “៣ឈានមុខ”៖ ឈានមុខគំរូដំបូងគេក្នុងការផ្លាស់ថ្មីច្នៃប្រតិដ្ឋនិងការផ្លាស់ប្តូរឌីជីថល; ឈានមុខជាគំរូដំបូងគេក្នុងការជម្នះលើខ្លួនឯង ដើម្បីអាចផ្លាស់ថ្មីច្នៃប្រតិដ្ឋគ្រប់ពេលវេលា គ្រប់ទីកន្លែង គ្រប់កិច្ចការ និងគ្រប់កាលៈទេសៈ; ឈានមុខគំរូដំបូងគេក្នុងការប្រណាំងប្រជែងនឹងពេលវេលា អភិវឌ្ឍន៍សតិបញ្ញា ការតាំងចិត្តនិងប្ដូរផ្ដាច់ក្នុងការផ្លាស់ថ្មីច្នៃប្រតិដ្ឋ។
យោងតាមរបាយការណ៍របស់ក្រសួងវិទ្យាសាស្ត្រ និងបច្ចេកវិទ្យា ឆ្នាំ២០២៥ ប្រព័ន្ធអេកូឡូស៊ីផ្តើមអាជីវកម្មផ្លាស់ថ្មីច្នៃប្រតិដ្ឋរបស់វៀតណាម នឹងបន្តធ្វើឱ្យមានការកត់សម្គាល់នៅលើផែនទីពិភពលោក។ វៀតណាមជាប់ចំណាត់ថ្នាក់ទី ៥៥ ក្នុងចំណោមប្រទេសទាំង ១០០ ដែលមានប្រព័ន្ធអេកូឡូស៊ី ផ្តើមអាជីវកម្មច្នៃប្រតិដ្ឋក្នុងការអភិវឌ្ឍ។ ក្នុងនោះ រដ្ឋធានីហាណូយ ក្រុងហូជីមិញ និងទីក្រុងដាណាំង តែងស្ថិតក្នុងចំណោម ១០០០ ទីក្រុងផ្លាស់ថ្មីច្នៃប្រតិដ្ឋទូទាំងពិភពលោក។
ឆ្នាំ២០២៥ វៀតណាមនឹងរក្សាខ្ជាប់ជំហរទី ៤៤/១៣៩ នៃខឿនសេដ្ឋកិច្ចអំពីសន្ទស្សន៍ផ្លាស់ថ្មីច្នៃប្រតិដ្ឋទូទាំងសកលលោក (GII) ជាប់ចំណាត់ថ្នាក់ទី ២ ក្នុងក្រុមដែលមានប្រាក់ចំណូលមធ្យម កម្រិតទាបនិងចំណាត់ថ្នាក់ទី ៣ នៅអាស៊ាន។ ជាពិសេស វៀតណាមជាប្រទេសមួយក្នុងចំណោមប្រទេសយ៉ាងតិចដែលផ្សព្វផ្សាយសន្ទស្សន៍ផ្លាស់ថ្មីច្នៃប្រតិដ្ឋថ្នាក់ភូមិភាគ (PII - Provincial Innovation Index ឆ្លងតាមរយៈនោះ ជំនួយភូមិភាគកសាងដំណោះស្រាយនិងដឹកនាំដំណើរការជិតដិតនឹងភាពជាក់ស្ដែង និងសមស្របជាមួយលក្ខណៈដោយឡែកដើម្បីអភិវឌ្ឍន៍។
ក្នុងក្របខ័ណ្ឌនៃពិធីគាំទ្រ ក្រសួងវិទ្យាសាស្ត្រ និងបច្ចេកវិទ្យា ក៏បានប្រកាសសន្ទស្សន៍ PII ក្នុងឆ្នាំ ២០២៥ ផងដែរ។ យោងតាមនោះ ភូមិភាគឋិតក្នុង PII លំដាប់កំពូលទាំង ៥ ឆ្នាំ២០២៥ រួមមាន៖ ក្រុងហ្វេ ក្រុងហាយផុង ខេត្តក្វាងនិញ ទីក្រុងហូជីមិញ និងរដ្ឋធានីហាណូយ។ ក្នុងនោះ ហាណូយជាភូមិភាគដែលឈរចំណាត់ថ្នាក់លេខ១ ក្នុងរយៈពេល៣ឆ្នាំជាប់ៗគ្នា។
សកម្មភាពសំខាន់ៗក្នុងទិវាផ្លាស់ថ្មីច្នៃប្រតិដ្ឋជាតិ រួមមាន៖ វេទិកាគោលនយោបាយផ្លាស់ថ្មី ច្នៃប្រតិដ្ឋ ក្រោមប្រធានបទ “ផ្លាស់ថ្មីច្នៃ ប្រតិដ្ឋ ការបង្កើតគោលនយោបាយ ជំរុញការអនុវត្តដើម្បីជំរុញកំណើនសេដ្ឋកិច្ចតួលេខពីរខ្ទង់”; ពិព័រណ៍អន្តរជាតិផ្លាស់ថ្មីច្នៃប្រតិដ្ឋវៀតណាមឆ្នាំ២០២៥; វេទិកា “ជំរុញការផ្លាស់ថ្មី ច្នៃប្រតិដ្ឋ ការអភិវឌ្ឍឧស្សាហកម្មបច្ចេកវិទ្យាជាយុទ្ធសាស្ត្រ”។ សកម្មភាពតាមប្រធានបទនិងក្រៅប្រធានបទ៖ សិក្ខាសាលាឯកទេសស្តីពីការអភិវឌ្ឍធនធានមនុស្សគុណភាពខ្ពស់ លើកកម្ពស់ការអប់រំ STEM; ផ្តល់កិត្តិយសដល់សមូហភាព និងបុគ្គលដែលសម្រេចបានស្នាដៃក្នុងការប្រកួត STEM អន្តរជាតិ៕
មីថាញ - ថាច់ធី
អគ្គនិពន្ធនាយកស្តីទី: ហ្វិញហ្វាងម៉េន
លិខិតអនុញាតលេខ ៧៨៩/GP- BTTTTអាស្រ័យក្រសួងព័ត៌មាននិងសារគមនាគមន៍ផ្តល់នូវថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ សង្កាត់និញកេវ ក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម: quangcao@baocantho.com.vn
សរសេរច្បាស់ប្រភព "សារព័ត៌មានអេឡិចត្រូនិកកឹងធើ" នៅពេលផ្សាយបន្តពី websiteនេះ។
អភិវឌ្ឍន៍ដោយ:
ពាក្យគន្លឹះ