ការចលនា “ប្រជាជនទូទាំងប្រទេសប្រឡងប្រណាំងកសាងសង្គមរៀនសូត្រ ពង្រឹងការរៀនសូត្រមួយ ជីវិតដំណាក់កាល២០២៣-២០៣០” កំពុងបានអនុវត្តយ៉ាងទូលំទូលាយទូទាំងប្រទេស។ ឆ្លើយតបតាមគោលដៅរួម ការចលនានៅក្រុងកឹងធើ បានទូទាំងប្រព័ន្ធនយោបាយនិងសមាគមជំរុញការសិក្សាគ្រប់លំដាប់ថ្នាក់សាយភាយយ៉ាងខ្លាំង បង្កលក្ខណៈឱ្យប្រជាជនគ្រប់រូបរៀនសូត្រជាប្រចាំ រួមចំណែកលើកកម្ពស់ប្រជាបញ្ញា អភិវឌ្ឍប្រភពធនធានមនុស្ស និងកសាងសង្គមរៀនសូត្រគ្រប់វិស័យ។
ឧត្ដមសេនីយ៍ឯក ផាមវ៉ាំងត្រា អតីតសមាជិកការិយាល័យនយោបាយ អតីតរដ្ឋមន្រ្តីក្រសួងការពារជាតិ បានប្រគល់អាហារូបករណ៍ដល់និស្សិតដែលមានភាពលំបាក ព្យាយាមរៀនសូត្រ។
ស្នាមអនុស្សាវរីយ៍នៃការកសាងសង្គមរៀនសូត្រ
សាខាសមាគមជំរុញការសិក្សាភូមិទៃទឺវ៉ាមសាង ឃុំញ៉ើងងៀ (ឥឡូវស្ថិតនៅឃុំញ៉ើងអាយ) គឺជាគំរូលក្ខណៈ “សហគមន៍រៀនសូត្រ” នៃទីក្រុងកឹងធើ។ អនុវត្តតាមសេចក្តីសម្រេចលេខ៣៨៧/QĐ-TTg របស់នាយករដ្ឋមន្ត្រីនៃរដ្ឋាភិបាល អនុម័តកម្មវិធី “ពង្រឹងចលនារៀនសូត្រមួយជីវិតក្នុងគ្រួសារ វង្សត្រកូល សហគមន៍ និងអង្គភាព ដំណាក់កាល២០២៣-២០៣០” (សេចក្តីសម្រេចលេខ៣៨៧) សាខាសមាគមជំរុញការសិក្សា បានធ្វើសេនាធិការជូនគណៈកម្មាធិការបក្សឃុំ ចង្អុលការកសាងទម្រង់រៀនសូត្រ ពង្រឹងការផ្សព្វផ្សាយចលនា។ អាស្រ័យហេតុនេះ កុមារទាំងអស់ដល់អាយុចូលសាលារៀនបានចូលរៀន ប្រជាជនសកម្មចុះឈ្មោះ “សហគមរៀនសូត្រ” កម្មាភិបាល បុគ្គលិកទទួលបានបណ្តុះបណ្តាលបំណិនឌីជីថល។ ភូមិមាន២៩៥ គ្រួសារចុះឈ្មោះ “គ្រួសាររៀនសូត្រ” ក្នុងនោះ មាន២៨០គ្រួសារបានទទួលស្គាល់; មានវង្សត្រកូលចំនួន២ បានសម្រេចកិត្តិនាម “វង្សត្រកូលរៀនសូត្រ” (វង្សត្រកូលនីមួយៗមានពី៥-៧ គ្រួសារ); មានអង្គភាពចំនួន៣ សម្រេចកិត្តិនាម “អង្គភាពរៀនសូត្រ”...។
តាមប្រសាសន៍អ្នកស្រី ង្វៀងធីង៉ុកណើ លេខាសាខាបក្ស ប្រធានភូមិទៃទឺវ៉ាមសាង ដោយការយកចិត្តទុកដាក់ ចង្អុលការរបស់គ្រប់លំដាប់ថ្នាក់ និងការឯកភាពរបស់អង្គការមហាជន ពិសេសគឺសមាគមជំរុញការសិក្សា ការងារផ្សព្វផ្សាយចលនា ជួយសិស្សជម្នះការលំបាក សិក្សាបានល្អ អនុវត្តមានប្រសិទ្ធភាព។ ភូមិបានផ្សព្វផ្សាយជាប្រចាំ សហការផ្តល់អាហារូបករណ៍ សម្ភារៈសិក្សា ដើម្បីរួមចំណែកកសាងសង្គមរៀនសូត្រ។ អស់រយៈពេលជាច្រើនឆ្នាំផ្សារភ្ជាប់នឹងមូលដ្ឋាន អ្នកស្រី ង្វៀងធីង៉ុកណើ ដឹងច្បាស់ពីស្ថានភាពសិស្សដែលមានភាពលំបាក សិស្សឆ្នើមនិងគ្រួសារសង្វាតរៀនសូត្រ។ ទូទាំងភូមិបច្ចុប្បន្នមានគ្រួសារក្បែរក្រ ៥គ្រួសារ ក្នុងនោះមាន២ គ្រួសារដែលមានកូនកំពុងរៀននៅសាលាចំណេះទូទៅ; ក្នុងភូមិក៏មានករណីកុមារពិការ ២ នាក់បងប្អូន ជម្នះការលំបាក សិក្សាបានល្អ។ ក្នុងពិធីបើកបវេសនកាលឆ្នាំសិក្សាថ្មី ភូមិចលនាបានសៀវភៅសរសេរ ២០០០ ក្បាល ដើម្បីចែកជូនសិស្សក្រីក្រ និងទទួលចិញ្ចឹមកុមារមត្តេយ្យម្នាក់។
អ្នកស្រី ង្វៀងធីង៉ុកណើ ឱ្យដឹង៖ “ការងារជំរុញការសិក្សា ជំរុញបញ្ញា និងការកសាងសង្គមរៀនសូត្រ បានរួមចំណែកលើកកម្ពស់ប្រជាជនបញ្ញា គុណភាពប្រភពធនធានមនុស្សនិងជីវភាពប្រជាជន។ ក្នុងពេលខាងមុខ ភូមិនឹងបន្តសហការជាមួយអង្គការនយោបាយ អង្គការសង្គម និងអំពាវនាវដល់សប្បុរសជនជួយឧបត្ថម្ភសិស្សជម្នះការលំបាក ប្ដេជ្ញាមិនឱ្យមានករណីសិស្សបោះបង់ការសិក្សា ដោយសារតែស្ថានភាពលំបាកឡើយ”។
តាមការលើកឡើងរបស់អ្នកស្រី ង្វៀងធីស្វឹងម៉ាយ អតីតប្រធានសមាគមជំរុញការសិក្សាឃុំញ៉ើងងៀ ស្រុកផុងដៀង ក្រុងកឹងធើ (ចាស់) បានឱ្យដឹងថា នៅទីណាដែលគណៈកម្មាធិការបក្ស និងរដ្ឋអំណាចយកចិត្តទុកដាក់លើការងារជំរុញសិក្សា ជំរុញបញ្ញា និងកសាងសង្គមរៀនសូត្រ នៅទីនោះការចលនានឹងអភិវឌ្ឍន៍ខ្លាំង។ ភូមិភាគមានគម្រោងនិងគំរូល្អៗជាច្រើនបានអនុវត្ត ដូចជា “ចិញ្ចឹមជ្រូកដី” និង “១+១, ១+n” (មានសប្បុរសជនឧបត្ថម្ភសិស្សម្នាក់២០០.០០០ដុងក្នុងមួយខែឬគាំទ្រជាច្រើនករណីផងដែរ)។ អ្នកស្រី ង្វៀងធីស្វឹងម៉ាយ បានបន្តថា រយៈពេល៦ឆ្នាំមកនេះ ភូមិបានឧបត្ថម្ភសិស្ស៦នាក់។ ទន្ទឹមនឹងនោះ សមាគមជំរុញការសិក្សាក៏បានសហការជាមួយរដ្ឋអំណាច ចលនាគ្រួសារប្រជាជនឱ្យចុះឈ្មោះ “គ្រួសាររៀនសូត្រ” និង “វង្សត្រកូលរៀនសូត្រ” ផងដែរ។
តាមការបញ្ជាក់របស់ថ្នាក់ដឹកនាំ សមាគមជំរុញការសិក្សាទីក្រុងកឹងធើ ក្នុងចលនាប្រឡងប្រណាំង កសាងសង្គមរៀនសូត្រ ជំរុញការរៀនសូត្រមួយជីវិត នៅមូលដ្ឋានមានគំរូឆ្នើមៗនិងគំនិតច្នៃប្រតិដ្ឋជាច្រើន សម្រេចប្រសិទ្ធភាពខ្ពស់និងផុសផុលយ៉ាងខ្លាំង។ នោះរួមមានគំរូ “ពលរដ្ឋរៀនសូត្រ” ក្លឹប “រៀនដើម្បីធ្វើមាន” ជាដើម។ ជាពិសេស គំរូ “គ្រួសាររៀនសូត្រ” “វង្សត្រកូលរៀនសូត្រ” “សហគមន៍រៀនសូត្រ” និង “អង្គភាពរៀនសូត្រ” បានអនុវត្តទូលំទូលាយនៅតាមឃុំ សង្កាត់ជាច្រើន។ តាមរយៈនោះ សមាគមជំរុញការសិក្សា បានពិនិត្យអនុម័តនិងផ្តល់រង្វាន់សរសើរដល់គ្រួសារ វង្សត្រកូល សហគមន៍គំរូ ដើម្បីបង្កើតចលនាប្រឡងប្រណាំងទូលំទូលាយ និងអភិវឌ្ឍន៍បន្ថែមប្រពៃណីស្រឡាញ់ការសិក្សា និងសាមគ្គីរបស់ប្រជាជនទីក្រុង។ បណ្ដាទម្រង់រៀនសូត្រ ដំណាក់កាល ២០២១-២០២៥ បានស្ងើចសរសើរនិងជូនរង្វាន់ ដើម្បីបង្កើតជាមូលដ្ឋានគ្រឹះសម្រាប់ពង្រីកនិងលើកកម្ពស់គុណភាពចលនារបស់ទីក្រុង។
សាយភាយនៃចលនាកសាងសង្គមរៀនសូត្រ
តាមសមាគមជំរុញការសិក្សាក្រុងកឹងធើ ការចលនា “ប្រជាជនទូទាំងប្រទេសប្រឡងប្រណាំងកសាង សង្គមរៀនសូត្រ ពង្រឹងការរៀនសូត្រមួយជីវិត ដំណាក់កាល២០២៣-២០៣០” បានអនុវត្តយ៉ាងមានប្រសិទ្ធភាព ដោយបានការយកចិត្តទុកដាក់ពីមជ្ឈិម គណៈកម្មាធិការបក្ស និងរដ្ឋអំណាចគ្រប់លំដាប់ថ្នាក់ រួមជាមួយនឹងការខិតខំប្រឹងប្រែងរបស់សមាគមជំរុញការសិក្សាគ្រប់លំដាប់ថ្នាក់។ ចាប់ពីឆ្នាំ២០២៣ដល់២០២៥ សមាគមជំរុញការសិក្សាទីក្រុងកឹងធើ បានសរសើរនិងជូនរង្វាន់ដល់សមូហភាព និងបុគ្គលឆ្នើមៗជាច្រើន។ ការចលនាបានរីកសាយភាយយ៉ាងទូលំទូលាយ រួមចំណែកលើកកម្ពស់ការយល់ដឹងរបស់កម្មាភិបាល បុគ្គលិក សិស្ស និស្សិតនិងប្រជាជនអំពីការរៀនសូត្រមួយជីវិត ផ្លាស់ប្ដូរគំនិត “រៀនដើម្បីប្រឡង” ទៅជា “រៀនដើម្បីដឹង ដើម្បីធ្វើ ដើម្បីរស់នៅ និងអភិវឌ្ឍខ្លួន”។
ជាក់ស្ដែងដូចជា លោកង្វៀងតឹងថាញ់ (កើតឆ្នាំ១៩៣៧ ស្នាក់នៅសង្កាត់និញកេវ) បានសមាគមជំរុញការសិក្សាទីក្រុងកឹងធើ ជូនរង្វាន់សរសើរនិងអាហារូបករណ៍ “អ្នកវ័យចាស់រៀនគ្មានថ្ងៃបញ្ចប់” នៅឆ្នាំ២០២៤។ លោកគឺជាសិក្ខាកាមវ័យចាស់ជាងគេដែលជាប់ជម្រើស និងកំពុងសិក្សាថ្នាក់អនុបណ្ឌិត ឯកទេសអក្សរសាស្ត្រវៀតណាមនៃសាកលវិទ្យាល័យកឹងធើ (២០២៤-២០២៦)។ ការសរសើរនេះមានន័យសំខាន់ថា ការសិក្សាគឺមួយជីវិត មាគ៌ាឆ្ពោះទៅរកចំណេះដឹងគ្មានចំណុចបញ្ចប់ ទោះបីជាវ័យ ឬស្ថានភាពអ្វីក៏ដោយ។
ដើម្បីលើកទឹកចិត្តសិស្សដែលមានស្ថានភាពលំបាក ប៉ុន្តែមានចិត្តស្រឡាញ់ការសិក្សាអាចបន្តទៅសាលារៀន ទីក្រុងកឹងធើបានពង្រឹងការកសាងចលនាជំរុញការសិក្សា ជំរុញបញ្ញា ជាមួយនឹងគំរូជាច្រើនសមស្របជាមួយនឹងស្ថានភាពជាក់ស្ដែងរបស់អង្គភាព; ផ្ដើមពីនោះ បានពង្រីកប្រសិទ្ធភាពនិងភាពផុលផុសកាន់តែទូលំទូលាយ។ ជាក់ស្ដែងគឺមានមូលនិធិជំរុញការសិក្សា ផាមវ៉ាំងត្រា នៃទីក្រុងកឹងធើ (អាស្រ័យដោយឧត្ដមសេនីយ៍ឯក ផាមវ៉ាំងត្រា ជាអ្នកបង្កើត) មូលនិធិអាហារូបករណ៍ហាហ្វីយ៉ាប់ មូលនិធិអាហារូបករណ៍សិស្សពូកែប៊ូយហ៊ូវងៀ និងមូលនិធិអាហារូបករណ៍ ផាងវ៉ាំងទ្រី។
ទទួលបានអាហារូបករណ៍តម្លៃ២,២ លានដុង ប្អូនង៉ូហ្វិញញឺ សិស្សវិទ្យាល័យង្វៀងវៀតហុង មានអារម្មណ៍រំភើបរីករាយយ៉ាងខ្លាំង នេះគឺជាកម្លាំងជំរុញដ៏ធំធេង ជួយឱ្យប្អូនមានកម្លាំងចិត្តបន្ថែម ដើម្បីឈ្នះការលំបាកស្ថានភាពគ្រួសារ (កំព្រាឪពុក ម្តាយជាកម្មករហើយគ្រួសារស្នាក់នៅជួលផ្ទះ) ដើម្បីបន្តការសិក្សាឱ្យល្អនិងទទួលបានចំណាត់ថ្នាក់សិស្សឆ្នើម។
តាមការបញ្ជាក់របស់ថ្នាក់ដឹកនាំសមាគមជំរុញការសិក្សាទីក្រុងកឹងធើ ការចលនា “ប្រជាជនទូទាំងប្រទេស ប្រឡងប្រណាំងកសាងសង្គមរៀនសូត្រ ជំរុញការរៀនសូត្រមួយជីវិត ដំណាក់កាល២០២៣-២០៣០” បានជះឥទ្ធិពលជាវិជ្ជមាន ធ្វើឱ្យទីក្រុងកឹងធើអភិវឌ្ឍន៍ចីរភាព កសាងសង្គមរៀនសូត្រ និងស្មារតីយល់ដឹងអំពីការរៀនសូត្រមួយជីវិតរបស់ប្រជាជនគ្រប់ជាន់ថ្នាក់។ ដើម្បីឱ្យចលនានេះទទួលបានប្រសិទ្ធភាពខ្ពស់ជាងមុននៅពេលអនាគត ការចូលរួមដោយព្រមៗគ្នារបស់រដ្ឋអំណាច អង្គការនយោបាយ-សង្គម សហគមន៍ប្រជាជននិងការខិតខំប្រឹងប្រែងរបស់ប្រជាជនគ្រប់រូប មានតួនាទីដ៏សំខាន់ជាកត្តាសម្រេច៕
B.គៀង - ពេជ្រសឿន
អគ្គនិពន្ធនាយកស្តីទី: ហ្វិញហ្វាងម៉េន
លិខិតអនុញាតលេខ ៧៨៩/GP- BTTTTអាស្រ័យក្រសួងព័ត៌មាននិងសារគមនាគមន៍ផ្តល់នូវថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ សង្កាត់និញកេវ ក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម: quangcao@baocantho.com.vn
សរសេរច្បាស់ប្រភព "សារព័ត៌មានអេឡិចត្រូនិកកឹងធើ" នៅពេលផ្សាយបន្តពី websiteនេះ។
អភិវឌ្ឍន៍ដោយ:
ពាក្យគន្លឹះ