សុខភាព - អប់រំ អប់រំ

27/08/2025 - 14:04

ធានាមូលដ្ឋានសម្ភារៈ បរិក្ខារបង្រៀនសម្រាប់ឆ្នាំសិក្សាថ្មី

រៀងរាល់ឆ្នាំ នៅថ្ងៃទី៥ ខែកញ្ញា សាលារៀនទាំងអស់ក្នុងទូទាំងប្រទេសតែងរៀបចំពិធីបវេសនកាលឆ្នាំសិក្សាថ្មី។ មកដល់ពេលនេះ មូលដ្ឋានសម្ភារៈ បរិក្ខារបង្រៀនរបស់សាលាជនជាតិអន្តេវាសិកលើភូមិសាស្ត្រទីក្រុងកឹងធើ ជាសារវន្តធានាបម្រើការបានល្អសម្រាប់ឆ្នាំសិក្សាថ្មី; មានបន្ទប់រៀនគ្រប់សម្រាម់ការបង្រៀន២ពេលក្នុងមួយថ្ងៃ និងមានអន្តេវាសិកដ្ឋានសម្រាប់សិស្សានុសិស្ស។

កម្មាភិបាលថ្នាក់ដឹកនាំឃុំអាងនិញ ចុះត្រួតពិនិត្យមូលដ្ឋានសម្ភារៈ និងការបំពាក់បរិក្ខាររបស់អនុវិទ្យាល័យជនជាតិអន្តេវាសិកចូវថាញ់ ដើម្បីត្រៀមលក្ខណៈឈានចូលឆ្នាំសិក្សាថ្មី។

យោងតាមន្ទីរអប់រំនិងបណ្តុះបណ្តាលទីក្រុងកឹងធើ លើភូមិសាស្រ្តទីក្រុងមានសាលាជនជាតិអន្តេវាសិក១៣សាលា ក្នុងនោះ វិទ្យាល័យមាន៤៨បន្ទប់ អនុវិទ្យាល័យមាន៨៧បន្ទប់។ ក្រៅពីនោះ សាលាមធ្យមសិក្សាបំពេញវិជ្ជាបាលីណាមបូមាន៧បន្ទប់។ សាលាជនជាតិអន្តេវាសិកទាំងអស់ត្រូវបានវិនិយោគថ្មីតាមទិសដៅសម្រេចបទដ្ឋានជាតិ ដូច្នេះមូលដ្ឋានសម្ភារៈ បរិក្ខារបានវិនិយោគគ្រប់សព្វ។ កងជួរគ្រូបង្រៀនមានកម្រិតឯកទេសសម្រេចនិងសម្រេចលើសបទដ្ឋាន បំពេញការងារបានល្អសម្រាប់ឆ្នាំសិក្សាថ្មី។ ក្នុងចំណោមសាលាជនជាតិអន្តេវាសិកសរុប ១៣សាលា ក្នុងនោះមាន ១១/១៣សាលាសម្រេចបទដ្ឋានជាតិ ស្មើនឹង ៨៤.៦២%។ ដោយឡែកអនុវិទ្យាល័យនិងវិទ្យាល័យជនជាតិអន្តេវាសិកវិញចូវ ទើបតែបានវិនិយោគសាងសង់ថ្មី កំពុងរង់ចាំការវាយតម្លៃត្រួតពិនិត្យគុណភាព ដើម្បីទទួលស្គាល់សម្រេចបទដ្ឋានជាតិ។ លោកគ្រូ ឡឹមភុងហីម នាយកអនុវិទ្យាល័យនិងវិទ្យាល័យជនជាតិអន្តេវាសិកវិញចូវ មានប្រសាសន៍៖ “សាលាត្រូវបានវិនិយោគសាងសង់ថ្មីទាំងស្រុង ដូច្នេះ មូលដ្ឋានសម្ភារៈនិងបន្ទប់រៀន អគារពហុមុខងារ អន្តេវាសិកដ្ឋាន បរិក្ខារបង្ហាត់បង្រៀន។ល។ និងកងជួរគ្រូបង្រៀនធានាសម្រេចបទដ្ឋាន ដើម្បីបម្រើការងារបង្រៀនបានល្អក្នុងឆ្នាំសិក្សាថ្មី។ មកទល់ពេលនេះ សាលាបានបំពាក់គ្រប់សព្វសម្ភារៈ បរិក្ខារសម្រាប់សិស្សរៀនសូត្ររស់នៅក្នុងអន្តេវាសិកដ្ឋាន៤៨០នាក់។ ទាក់ទងនឹងការត្រៀមបម្រុងឆ្នាំសិក្សាថ្មីរបស់សាលាជនជាតិអន្តេវាសិកហ៊ីមឡាម លោកឡឹមង៉ុកហង នាយករងសាលា មានប្រសាសន៍៖ “ភាពងាយស្រួលរបស់សាលា គឺបន្ទប់រៀន បន្ទប់មុខងារ បន្ទប់កុំព្យូរទ័រ អន្តេវាសិកដ្ឋាន អគារពហុមុខងារជាដើមត្រូវបានវិនិយោគកសាងយ៉ាងត្រឹមត្រូវ ហើយកងជួរគ្រូបង្រៀនបានជ្រើសរើសចំមុខជំនាញ ទើបគុណភាពបង្រៀនត្រូវបានធានា។ បច្ចុប្បន្ន សាលាបានត្រៀមជាស្រេចសម្រាប់ការបើកបវេសនកាលឆ្នាំសិក្សាថ្មី; ធានាឱ្យសិស្ស ១០០% ស្នាក់នៅក្នុងអន្តេវាសិកដ្ឋានដើម្បីរៀនមួយថ្ងៃ២ពេល។ ជាពិសេស សាលាអនុវត្តគ្រប់គ្រាន់នូវរបបគោលនយោបាយជូនលោកគ្រូ អ្នកគ្រូនិងសិស្ស ដើម្បីស្ងប់អារម្មណ៍បង្រៀននិងរៀន ហើយគុណភាពសិក្សាក៏កាន់តែកើនឡើង"។

សាលាបឋមសិក្សា អាងហ៊ីបA ឃុំអាងនិញ ទីក្រុងកឹងធើ បានត្រៀម
រួចរាល់សម្រាប់ឆ្នាំសិក្សាថ្មី។

ប៉ុន្មានឆ្នាំជិតៗនេះ អនុវិទ្យាល័យជនជាតិអន្តេវាសិកចូវថាញ់ បានផ្នែកអប់រំយកចិត្តទុកដាក់វិនិយោគកសាងថ្មី និងបង្កើនកម្រិតផ្នែកសំណង់សំខាន់ៗជាច្រើន។ អាស្រ័យហេតុនោះ ទិដ្ឋភាពសាលារៀនកាន់តែមានភាពសមរម្យ ភាពផ្លាស់ថ្មីនេះមិនត្រឹមតែជួយឱ្យគ្រូបង្រៀនស្ងប់អារម្មណ៍បំពេញការងារប៉ុណ្ណោះទេ ថែមទាំងជំរុញស្មារតីរៀនសូត្ររបស់ប្អូនៗសិស្សានុសិស្ស ដើម្បីត្រៀមឈានចូលឆ្នាំសិក្សាថ្មីពោរពេញដោយក្តីរីករាយទៀតផង។ លោកគ្រូ ឌោវ៉ាំងណូល នាយកអនុវិទ្យាល័យជនជាតិអន្តេវាសិកចូវថាញ់ ឱ្យដឹង៖ “សាលាបានផ្នែកអប់រំយកចិត្តទុកដាក់វិនិយោគជាង៨ពាន់លានដុង ដើម្បីសាងសង់ថ្មីនិងបង្កើនកម្រិតបន្ទប់រៀន អន្តេវាសិកដ្ឋាន ផ្ទះបាយ និងបំពាក់សម្ភារៈបរិក្ខារបង្ហាត់បង្រៀនសម្រាប់ឆ្នាំសិក្សាថ្មីបានល្អ។ ឆ្នាំសិក្សា ២០២៥-២០២៦ សាលាមានបន្ទប់រៀន១៧បន្ទាប់ អាចធានាឱ្យសិស្ស២៨០នាក់រៀនមួយថ្ងៃ២ពេលនិងស្នាក់នៅអន្តេវាសិកដ្ឋាន; កងជួរគ្រូបង្រៀនរបស់សាលាសុទ្ធតែសម្រេចបទដ្ឋាននិងធានាជំនាញគ្រប់គ្រាន់ ឆ្លើយតបនឹងការបង្ហាត់បង្រៀនក្នុងឆ្នាំសិក្សាថ្មីបានល្អប្រសើរ”។

លោកស្រី ត្រឹងធីហ្វៀង នាយិកាស្តីទីមន្ទីរអប់រំនិងបណ្តុះបណ្តាល ឱ្យដឹង៖ “ច្រើនឆ្នាំកន្លង សាលាជនជាតិអន្តេវាសិកនានាតែងអនុវត្តគ្រប់គ្រាន់នូវរបបគោលនយោបាយសម្រាប់គ្រូបង្រៀននិងសិស្ស ម្ល៉ោះហើយគុណភាពអប់រំត្រូវបានលើកកម្ពស់។ ជាក់ស្ដែងបំផុត គឺរៀងរាល់ឆ្នាំសិស្សកម្រិតអនុវិទ្យាល័យនិងវិទ្យាល័យជនជាតិអន្តេវាសិក មានអត្រាប្រឡងបញ្ចប់កម្រិតសិក្សាជាប់១០០% និងប្រឡងសញ្ញាបត្រវិទ្យាល័យជាតិជាប់១០០%ផងដែរ។ លទ្ធផលទាំងនេះ បញ្ជាក់ឱ្យឃើញថា សាលាជនជាតិអន្តេវាសិកនានាតែងបានផ្នែកអប់រំយកចិត្តទុកដាក់វិនិយោគមូលដ្ឋានសម្ភារៈ បំពាក់ឧបករណ៍បង្ហាត់បង្រៀនសម្រេចបទដ្ឋានជាតិ និងកងជួរគ្រូបង្រៀនមានកម្រិតវិជ្ជាជីវៈបម្រើការបង្ហាត់បង្រៀនបានល្អប្រសើរ។ មកដល់ដំណាក់កាលនេះ សាលាជនជាតិអន្តេវាសិកនានាបានត្រៀមរួចរាល់ និងធានាបានល្អសម្រាប់បើកបវេសនកាលឆ្នាំសិក្សាថ្មី ឆ្លើយតបតាមសារលិខិតលេខ ៤៦៤៣/BGDĐT-KHTC របស់ក្រសួងអប់រំនិងបណ្តុះបណ្តាល អំពីការអនុវត្តភារកិច្ចធានាមូលដ្ឋានសម្ភារៈ និងឧបករណ៍បង្ហាត់បង្រៀននៅតាមគ្រឹះស្ថានអប់រំ ដើម្បីឆ្លើយតបបានល្អសម្រាប់ឆ្នាំសិក្សា ២០២៥-២០២៦ ហើយធានាសិស្សរៀនមួយថ្ងៃ២ពេល និងស្នាក់នៅអន្តេវាសិកដ្ឋាន អឌ្ឍអន្តេវាសិកដ្ឋាន”៕

លីមេង- ត្រឹងរ៉ូន

ចែករំលែកអត្ថបទ

ពាក្យគន្លឹះ