ព្រឹត្តិការណ៍ - នយោបាយ ព្រឹត្តិការណ៍

20/08/2025 - 08:47

រៀបចំសកម្មភាពវប្បធម៌ សិល្បៈអំណរបដិវត្តន៍ខែសីហា និងបុណ្យជាតិ ២ កញ្ញា

(CT) - ក្រសួងវប្បធម៌ កីឡានិងទេសចរណ៍ ទើបចេញសារលិខិតផ្ញើជូនគណៈកម្មាធិការប្រជាជនខេត្ត ក្រុងនានា ស្ដីពីការរៀបចំសកម្មភាពអំណរអនុស្សាវរីយ៍ ៨០ ឆ្នាំ បដិវត្តន៍ខែសីហាបានជោគជ័យ (១៩/៨/១៩៤៥ - ១៩/៨/២០២៥) និងបុណ្យជាតិនៃប្រទេសសាធារណរដ្ឋសង្គមនិយមវៀតណាម (២/៩/១៩៤៥ -២/៩/២០២៥)។

រៀបចំកម្មវិធីចូលរួមក្នុងពិធីប្រឡងឃោសនាចល័តទូទាំងប្រទេស អំណរអនុស្សាវរីយ៍ ៨០ ឆ្នាំ បដិវត្តន៍ ខែសីហាបានជោគជ័យ និងបុណ្យជាតិ ២ កញ្ញា អាស្រ័យមជ្ឈមណ្ឌលវប្បធម៌និងសិល្បៈទីក្រុងងធើ រៀបចំឡើង។

តាមរយៈនោះ ខេត្ត ក្រុងនានានឹងសហការ ចង្អុលការដល់មន្ទីរ គណៈ ផ្នែក ដែលពាក់ព័ន្ធ រៀបចំអនុវត្តសកម្មភាពវប្បធម៌ និងសិល្បៈអបអរសាទរ។ ជាក់ស្ដែង គឺការរៀបចំកម្មវិធីវប្បធម៌ សិល្បៈ ការផ្សព្វផ្សាយឃោសនាផ្ទាល់ភ្នែក ការតាំងពិព័រណ៍។ល។ សំដៅបំផុសស្មារតីមោទនភាពជាតិ ទឹកចិត្តស្នេហាជាតិ ការនឹករលឹកនូវគុណបំណាច់ដ៏ធំធេងរបស់លោកប្រធានហូជីមិញ និងបុព្វបុរសគ្រប់ជំនាន់ក្នុងបុព្វហេតុតស៊ូប្រយុទ្ធដណ្ដើមបានឯករាជ្យ កសាងប្រទេសជាតិ។ យោងតាមស្ថានភាពជាក់ស្តែងនៅភូមិភាគ ល័ក្ខខ័ណ្ឌថវិកា មូលដ្ឋានសម្ភារៈនិងលក្ខណៈនៃតំបន់ ម្ចាស់ការកសាងផែនការរៀបចំសកម្មភាពវប្បធម៌និងសិល្បៈឱ្យសមស្រប ធានាលក្ខណៈជាក់ស្ដែង ប្រសិទ្ធភាព ប្រិតសំចៃនិងសុវត្ថិភាព។ គិតគូរពិចារណាការរៀបចំកម្មវិធីបាញ់កាំជ្រួចអំណរពិធីបុណ្យជាតិ ដើម្បីបង្កបរិយាកាសសប្បាយរីករាយជូនប្រជាជន។ ជំរុញការងារឃោសនាផ្សព្វផ្សាយអំពីអត្ថន័យជាប្រវត្តិសាស្ត្រនៃព្រឹត្តិការណ៍ដ៏សំខាន់នេះ។

តាមផែនការ គណៈកម្មាធិការប្រជាជនទីក្រុងកឹងធើ នឹងរៀបចំការជួបជុំយ៉ាងមហោឡារិកដើម្បីអំណរខួបអនុស្សាវរីយ៍ ៨០ ឆ្នាំ បដិវត្តន៍ខែសីហាបានជោគជ័យ និងបុណ្យជាតិ ២ កញ្ញា នៅវេលាម៉ោង ១៩:០០នាទី ថ្ងៃទី២ ខែកញ្ញា នៅមហោស្រព៖ សួនកម្សាន្តតៃដូ សង្កាត់ហឹងភូ។ បន្ទាប់ពីកម្មវិធីជួបជុំ នឹងមានការផ្សាយផ្ទាល់តាមទូរទស្សន៍ កម្មវិធីសិល្បៈនិងការបាញ់កាំជ្រួចនៅ៣ទីតាំងគោល៖ សួនកម្សាន្តតៃដូ (សង្កាត់ហឹងភូ) សួនកម្សាន្តសា-ណ (សង្កាត់វីតឹង) និងមណ្ឌលអភិវឌ្ឍន៍ក្រុង ៥A (សង្កាត់ភូឡើយ)។

ព្រមជាមួយនោះ ក្នុងរយៈពេលពីរថ្ងៃគឺថ្ងៃទី ១ និងទី ២ ខែកញ្ញា ទីក្រុងកឹងធើនឹងរៀបចំពិធីអុជធូបគោរពវិញ្ញាណក្ខ័ន្ធលោកប្រធានហូជីមិញ នៅបូជនីយដ្ឋានអ៊ំហូ ស្ថិតនៅឃុំឡឿងតឹម បូជនីយដ្ឋានអ៊ំហូ ស្ថិតនៅឃុំអាងថាញ់ និងស្ដូបបដិមាអ៊ំហូ នៅកំពង់ផែនិញកេវ សង្កាត់និញកេវ; និងទៅអុជធូបគោរពបូជានៅតាមទីបញ្ចុះសពយុទ្ធជនពលីលើភូមិសាស្ត្រទីក្រុងកឹងធើ៕

អត្ថបទនិងរូបថត៖ យ្វីខូយ - ពេជ្រសឿន

ចែករំលែកអត្ថបទ

ពាក្យគន្លឹះ