សុខភាព - អប់រំ សុខភាព

13/08/2025 - 09:35

សាខាបក្សសុខាភិបាលសម្រេចល្អភារកិច្ចច្រើនឆ្នាំបន្តបន្ទាប់

កសាងសាខាបក្សស្អាតស្អំ រឹងមាំ ផ្សារភ្ជាប់ជាមួយនឹងការអភិវឌ្ឍសេដ្ឋកិច្ច វប្បធម៌និងសង្គម នៅភូមិភាគ ជាភារកិច្ចដ៏សំខាន់ត្រូវបានសាខាបក្សសុខាភិបាលឃុំសុងឡុក ខេត្តវិញឡុង អនុវត្តប្រកបដោយប្រសិទ្ធភាព។ បក្ខជនក្នុងសាខាបក្សតែងអនុវត្តល្អនូវការងារពិនិត្យព្យាបាល និងថែទាំសុខភាពបឋមជូនប្រជាជន ហើយបានថ្នាក់លើវាយម្លៃខ្ពស់។

វេជ្ជបណ្ឌិត ដំណាក់សុខាភិបាលឃុំសុងឡុក កំពុងពិនិត្យជំងឺជូនប្រជាជន។

លោកថាច់សេរីសុខាវ៉ាត លេខាសាខាបក្ស អនុប្រធានដំណាក់សុខាភិបាលឃុំសុងឡុក ឱ្យដឹង៖ “ដើម្បីអនុវត្តល្អនូវភារកិច្ច សាខាបក្សបានអនុវត្តជាក់ស្តែងនិងផ្សព្វផ្សាយមានប្រសិទ្ធភាពនូវគោលមាគ៌ា គោលការណ៍របស់បក្ស គោលនយោបាយ ច្បាប់របស់រដ្ឋស្តីពីសុខាភិបាលនៅភូមិភាគ ធានាគុណភាព ពិនិត្យ ព្យាបាល បង្ការទប់ស្កាត់ជំងឺរាតត្បាតនិងកម្មវិធីសុខាភិបាលសហគមន៍ដទៃទៀត។ រៀងរាល់ខែ សាខាបក្សដឹកនាំអនុវត្តល្អនូវការវាយតម្លៃកំណត់អត្តសញ្ញាណនិងទប់ស្កាត់ការអន់ថយ ពីសតិអារម្មណ៍របស់សមូហភាព បុគ្គល យោងតាមសេចក្តីសម្រេចចិត្តនៃមជ្ឈិម ៤ នីតិកាលទី XII សេចក្តីសន្និដ្ឋានលេខ ២១-KL/TW ចុះថ្ងៃទី២៥ ខែតុលា ឆ្នាំ២០២២ នៃសន្និបាតមជ្ឈិម នីតិកាលទី XIII ស្តីពីជំរុញការកសាងវិសុទ្ធកម្មបក្សនិងប្រព័ន្ធនយោបាយ; ប្ដេជ្ញាទប់ស្កាត់ ច្រានថយ វិនិច្ឆ័យយ៉ាងម៉ឺងម៉ាត់នូវកម្មាភិបាល បក្ខជនមានសតិអារម្មណ៍ នយោបាយ សីលធម៌ ផ្នត់រស់នៅសម្ដែងឡើងនូវការ “ប្រែប្រួលដោយខ្លួនឯង” និង “ផ្លាស់ប្ដូរដោយខ្លួនឯង”; អនុវត្តល្អនូវការរៀនសូត្រនិងធ្វើតាមសតិអារម្មណ៍ សីលធម៌ ឥរិយាបថហូជីមិញ”។

សាខាបក្សអនុវត្តយ៉ាងម៉ឺងម៉ាត់នូវគោលការណ៍ រៀបចំសកម្មភាពបក្ស ផ្លាស់ថ្មីវិធីសាស្រ្តដឹកនាំ និងលើកកម្ពស់គុណភាពសកម្មភាពរបស់គណៈកម្មាធិការសាខាបក្ស ធានាលក្ខណៈដឹកនាំ អប់រំនិងប្រយុទ្ធ។ លើកកម្ពស់សមត្ថភាពដឹកនាំ កម្លាំងតស៊ូរបស់សាខាបក្សនិងគុណភាពកងជួរកម្មាភិបាល បក្ខជនក្នុងស្ថានភាពថ្មីជាប្រចាំ; អនុវត្តល្អនូវបទប្បញ្ញត្តិស្តីពីប្រការដែលបក្ខជនមិនត្រូវធ្វើ។ បក្ខជនថាច់ធីលីនដា គ្រូពេទ្យជំនាញខាងចាក់វ៉ាក់សាំងបើកទូលាយរបស់ដំណាក់សុខាភិបាល ឱ្យដឹង៖ “ការតម្រូវឱ្យសមាជិកគណៈកម្មាធិការបក្សនិងបក្ខជនស្វ័យទិតៀននៅចំពោះមុខមហាជនគឺជាខ្លឹមសារសំខាន់មួយក្នុងការលើកកម្ពស់គុណភាពសកម្មភាពគណៈកម្មាធិការបក្សរបស់សាខាបក្ស។ បន្ទាប់ពីអនុវត្តមួយរយៈពេល គុណភាពសកម្មភាពសាខាបក្ស សកម្មភាពគណៈកម្មាធិការបក្សត្រូវបានបង្ហាញឡើងយ៉ាងសម្បូរបែប ពិសេសនិងច្បាស់បំផុតគឺអាកប្បកិរិយាស្វ័យទិតៀន វាយតម្លៃចំពីគុណសម្បត្តិ គុណវិបត្តិរបស់សមូហភាពគណៈកម្មាធិការបក្សសាខាបក្សនិងភារកិច្ចរបស់សមាជិកគណៈកម្មាធិការបក្ស បក្ខជនគ្រប់រូបត្រូវបានលើកកម្ពស់”។

ដោយសារអនុវត្តល្អនូវភារកិច្ច សាខាបក្សសុខាភិបាលឃុំសុងឡុកតែងសម្រេចភារកិច្ចឆ្នើមជាច្រើនឆ្នាំបន្តបន្ទាប់។ ការអនុវត្តសម្រេចភារកិច្ចល្អរបស់សាខាបក្សសុខាភិបាលឃុំសុងឡុក គឺជាភ័ស្តុតាងបង្ហាញឱ្យឃើញពីការងារសុខាភិបាលមូលដ្ឋាន កំពុងទទួលបានការយកចិត្តទុកដាក់និងអភិវឌ្ឍន៍ រួមចំណែកធានាសុខុមាលភាពសង្គម លើកកម្ពស់គុណភាពជីវភាពជូនប្រជាជននៅភូមិភាគ៕

សើុងម៉ាល័យ-ប្រែសម្រួល៖ ទីទុយ

ចែករំលែកអត្ថបទ

ពាក្យគន្លឹះ