ព្រឹត្តិការណ៍ - នយោបាយ ព្រឹត្តិការណ៍

04/08/2025 - 19:38

រួមកម្លាំងកសាងជំហរសន្តិសុខប្រជាជនរឹងមាំ

គណៈកម្មាធិការប្រជាជនក្រុងកឹងធើ ទើបរៀបចំទិវាជួបជុំទូទាំងប្រជាជនការពារសន្តិសុខមាតុភូមិនៅសាកលវិទ្យាល័យកឹងធើ។ នេះជាគ្រឹះស្ថានអប់រំត្រូវបានជ្រើសធ្វើជាកន្លែងរៀបចំទិវាជួបជុំថ្នាក់ក្រុង។

សមមិត្ត ដុងវ៉ាន់ថាញ អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនក្រុងកឹងធើ ថ្លែងក្នុងឱកាសទិវាជួបជុំទូទាំងប្រជាជនការពារសន្តិសុខមាតុភូមិ។

ទិវាជួបជុំនេះ អ្នកតំណាងទាំងឡាយបានរំលឹកឡើងវិញនូវប្រវេណី និងវាយតម្លៃអំពីស្ថានភាពលទ្ធផលនៃការកសាងចលនាទូទាំងប្រជាជនការពារសន្តិសុខមាតុភូមិ។ ក្នុងអំឡុងពេលជិត ២០ឆ្នាំកន្លង ទិវាជួបជុំពិតជាបានស៊ីជម្រៅក្នុងជីវភាព និងកសាងរឹងមាំនូវខឿនសន្តិសុខប្រជាជន ជំហរយុទ្ធសាស្រ្តទឹកចិត្តប្រជាជន ពង្រីកកម្លាំងចម្រុះនៃទូទាំងប្រព័ន្ធនយោបាយក្នុងភារកិច្ចការពារសន្តិសុខមាតុភូមិ ធានាសណ្តាប់ធ្នាប់ សុវត្ថិភាពសង្គមនៅលើភូមិសាស្រ្ត។ គណៈកម្មាធិការបក្សក្រុង គណៈកម្មាធិការប្រជាជនក្រុង បានផ្សព្វផ្សាយ បញ្ជ្រាបគ្រប់សព្វនិងមានប្រសិទ្ធភាពនូវគោលការណ៍របស់បក្ស រដ្ឋ និងសេចក្តីណែនាំរបស់ក្រសួងនគរបាលអំពីការកសាងចលនាទូទាំងប្រជាជនការពារសន្តិសុខមាតុភូមិ។ ទន្ទឹមនឹងនោះ ពង្រឹងការឃោសនា បំផុសចលនា ដោយមានខ្លឹមសារជាច្រើន ទម្រង់សម្បូរបែប ពិពិធកម្ម យកចិត្តទុកដាក់ដល់ការកសាងកងកម្លាំងចូលរួមការពារសន្តិសុខ សណ្តាប់ធ្នាប់នៅមូលដ្ឋាន; រក្សាវេទិកា “នគរបាលស្តាប់យោបល់ប្រជាជន”; ផ្សព្វផ្សាយកសាងនូវទម្រង់ប្រជាចលនាប្រកបដោយប្រសិទ្ធភាព បានក្រសួងនគរបាលបើកទូលាយទូទាំងប្រទេស។

ដើម្បីចលនាទូទាំងប្រជាជនការពារសន្តិសុខមាតុភូមិមានប្រសិទ្ធភាពជាងទៀត នៅពេលខាងមុខ សមមិត្ត ដុងវ៉ាន់ថាញ អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនក្រុងកឹងធើ សំណូមពរបន្តបញ្ជ្រាបទូលំទូលាយនូវគោលការណ៍ គោលមាគ៌ារបស់បក្ស គោលនយោបាយច្បាប់របស់រដ្ឋ អំពីការងារ ធានាសន្តិសុខសណ្តាប់ធ្នាប់; ជំរុញចលនាទូទាំងប្រជាជនការពារសន្តិសុខមាតុភូមិ ផ្សារភ្ជាប់នឹងពង្រីកកម្លាំងមហាសាមគ្គីទូទាំងជនជាតិ លើកកម្ពស់ស្មារតីយល់ដឹង ការទទួលខុសត្រូវរបស់កម្មាភិបាល បក្ខជននិងប្រជាជនគ្រប់ជាន់ស្រទាប់អំពីអត្ថន័យ សារៈសំខាន់នៃចលនា។ យកចិត្តទុកដាក់ គិតគូរកសាងជីវភាពសម្ភារៈនិងស្មារតីរបស់ប្រជាជន។ គ្រប់ផ្នែក អង្គការមហាជននានា សហការស្អិតល្មួតជាមួយកងកម្លាំងនគរបាលក្នុងការអនុវត្តសេចក្តីសម្រេចចិត្តអន្តរផ្នែកអំពីការកសាងចលនា បង្ការទប់ស្កាត់បទល្មើស និងបាបគ្រោះសង្គម។ នគរបាលក្រុង បន្តពង្រីកតួនាទីស្នូល ម្ចាស់ការច្នៃប្រតិដ្ឋ ក្នុងការតស៊ូ បង្ការទប់ស្កាត់បទល្មើសជាដើម៕

កាសែតកឹងធើ-ប្រែសម្រួល៖ វិមាន

ចែករំលែកអត្ថបទ

ពាក្យគន្លឹះ