ព្រឹត្តិការណ៍ - នយោបាយ ព្រឹត្តិការណ៍

26/05/2025 - 12:52

ចលនាថវិកាជាង ៨,២ ពាន់លានដុងសម្រាប់មូលនិធិជំរុញការសិក្សា ជំរុញបញ្ញា ក្រុងកឹងធើ លើកទី១ ឆ្នាំ២០២៥

ក្រុងកឹងធើ ទើបរៀបចំពិធីទទួលនិងស្ងើចសរសើរអ្នកហិរញ្ញប្បទាន គាំទ្រសម្រាប់មូលនិធិជំរុញការសិក្សា ជំរុញបញ្ញា ក្រុងកឹងធើ លើកទី១ ឆ្នាំ២០២៥។ ក្នុងពិធីទទួលនិងស្ងើចសរសើរអ្នកហិរញ្ញប្បទានលើក ទី១ ឆ្នាំ២០២៥ ក្រុងកឹងធើ បានចលនាថវិកាជាង ៨,២ ពាន់លានដុង (រួមទាំងសម្ភារៈគិតជាប្រាក់) សម្រាប់មូលនិធិជំរុញការសិក្សា ជំរុញបញ្ញា; បានផ្ដល់អាហារូបករណ៍ អំណោយនិងរង្វាន់ចំនួន ១១.៦៧៩ ចំណែក (ដោយឡែកសមាគមក្រុងចលនាបានជាង ៣,៩ ពាន់លានដុង ផ្ដល់អាហារូបករណ៍ អំណោយនិងរង្វាន់ចំនួន ៩៦៥ ចំណែក)។

ស្របក្នុងឱកាសនេះ ក្រុងបានស្ងើចសរសើរអ្នកធ្វើហិរញ្ញប្បទានសម្រាប់មូលនិធិជំរុញការសិក្សា ជំរុញបញ្ញាក្រុងកឹងធើ; ជូនអាហារូបករណ៍ “ជំនួយកម្លាំងរដូវប្រឡង” ១៣៥ ចំណែក (មានតម្លៃពី ១ លានដុងទៅ ២ លានដុង/ចំណែក) ដល់សិស្សថ្នាក់ទី ១២ ដែលមានស្ថានភាពលំបាក រៀនពូកែ; ជូនអាហារូបករណ៍មូលនិធិអាស៊ី ១០១ ចំណែក (មានតម្លៃ ២,២ លានដុង/ចំណែក) ដល់យុវតីសិស្សវិទ្យាល័យនៅក្រុងកឹងធើ។

អនុវត្តតាមដំបូន្មានអ៊ំហូនិងបទបញ្ជាលេខ ១១-CT/TW របស់ការិយាល័យនយោបាយអំពី “បង្កើនការដឹកនាំរបស់បក្សចំពោះការងារជំរុញការសិក្សា ជំរុញបញ្ញា កសាងសង្គមរៀនសូត្រ” គណៈកម្មាធិការបក្សក្រុង បានចេញបទបញ្ជាលេខ ១៤-CT/TU ជ្រើសយកថ្ងៃទី ១៩ ខែឧសភា រៀងរាល់ឆ្នាំ ជាថ្ងៃកៀរគរទូទាំងសង្គម រួមវិភាគទានកសាងមូលនិធិជំរុញការសិក្សា ជំរុញបញ្ញា “ដើម្បីអនាគតកឹងធើអភិវឌ្ឍន៍”។ ឆ្លងកាត់រយៈពេល ១៨ ឆ្នាំអនុវត្តថ្ងៃទី១៩ ខែឧសភា បានក្លាយជាថ្ងៃប្រវេណីរបស់ក្រុងកឹងធើ កៀរគរអ្នកគ្រប់គ្នា គ្រប់គ្រួសារព្រួតដៃ រួមកម្លាំងដើម្បីសិស្សជាទីស្រឡាញ់។ មានសិស្ស និស្សិតនិងគ្រូបង្រៀនជាង ១ លាននាក់មានស្ថានភាពលំបាកត្រូវបានជំនួយទាន់ពេល ដោយមានទឹកប្រាក់សរុបជាង ៦០៦ ពាន់លានដុង (រួមទាំងសម្ភារៈ គិតជាប្រាក់) មធ្យមភាគជាង ១៥ ពាន់លានដុង/ឆ្នាំ រួមចំណែកយ៉ាងសំខាន់ក្នុងការបណ្ដុះបណ្ដាលធនធានមនុស្ស បំពាក់បំប៉នបញ្ញវន្តសម្រាប់ក្រុង៕

ប៊ិចង៉ុក - ថាច់ធី

ចែករំលែកអត្ថបទ

ពាក្យគន្លឹះ