ព្រឹត្តិការណ៍ - នយោបាយ ព្រឹត្តិការណ៍

24/02/2025 - 14:23

បិទសម័យប្រជុំវិសាមញ្ញលើកទី ៩ នៃរដ្ឋសភានីតិកាលទី១៥

នៅរដ្ឋធានីហាណូយ ក្រោយរយៈពេលធ្វើការ ៦ ថ្ងៃកន្លះ ជាមួយនឹងស្មារតីសកម្ម មមាញឹក ម៉ឺងម៉ាត់ ហ្មត់ចត់និងទទួលខុសត្រូវ ក្រោមការដឹកនាំរបស់ប្រធានរដ្ឋសភា ត្រឹងថាញម៉ឹង សម័យប្រជុំវិសាមញ្ញលើកទី ៩ នៃរដ្ឋសភានីតិកាលទី១៥ ត្រូវបានបិទបញ្ចប់។

ប្រធានរដ្ឋសភា ត្រឹងថាញម៉ឹង ថ្លែងសុន្ទរកថាបិទសម័យប្រជុំវិសាមញ្ញលើកទី ៩
នៃរដ្ឋសភានីតិកាលទី១៥។

ថ្លែងសុន្ទរកថាបិទសម័យប្រជុំ ប្រធានរដ្ឋសភា ត្រឹងថាញម៉ឹង បានឱ្យដឹង ក្រោយរយៈពេល ៦ ថ្ងៃកន្លះ ធ្វើការយ៉ាងហ្មត់ចត់ ប្រជាធិបតេយ្យ ផ្លាស់ថ្មី វិទ្យាសាស្រ្ត ទទួលខុសត្រូវខ្ពស់ សម័យប្រជុំវិសាមញ្ញលើកទី ៩ នៃរដ្ឋសភានីតិកាលទី១៥ បានបញ្ចប់របៀបវារៈដាក់ចេញ។ ផ្អែកលើមូលដ្ឋានច្បាមគោលការណ៍ សេចក្ដីសម្រេចចិត្តរបស់បក្ស ប្រជាធិបតេយ្យក្នុងការពិភាក្សា បង្កើតបានទៅជាច្បាប់; ជាមួយនឹងស្មារតីផ្ចិតផ្ចង់ស្ដាប់ ស្រាវជ្រាវហ្មត់ចត់ដើម្បីបកស្រាយ ទទួលយក កែតម្រូវរបស់ស្ថាប័នព្រាងនិងស្ថាប័នពិនិត្យបញ្ជាក់; ក្នុងសម័យប្រជុំនេះ រដ្ឋសភាបានពិចារណានិងអនុម័តច្បាប់ចំនួន ៤ រួមមាន៖ ច្បាប់ចាត់តាំងរដ្ឋាភិបាល (វិសោធនកម្ម); ច្បាប់ចាត់តាំងរដ្ឋអំណាចភូមិភាគ (វិសោធនកម្ម) ច្បាប់វិសោធនកម្មនូវមាត្រាមួយចំនួននៃច្បាប់ចាត់តាំងរដ្ឋសភា; ច្បាប់ប្រកាសឱ្យប្រើលិខិតបទដ្ឋានច្បាប់ (វិសោធនកម្ម); សេចក្ដីសម្រេចស្ដីពីការដោះស្រាយបញ្ហាមួយចំនួនពាក់ព័ន្ធនឹងការរៀបចំក្បាលម៉ាស៊ីនរបស់រដ្ឋ និងសេចក្ដីសម្រេចចំនួន ៤ ដើម្បីអនុវត្តការរៀបចំក្បាលម៉ាស៊ីនរបស់រដ្ឋសភានិងរដ្ឋាភិបាលសម្រាប់រដ្ឋសភានីតិកាលទី១៥; បានអនុម័តសេចក្ដីសម្រេចចំនួន ៦ សំដៅជំរុញការអភិវឌ្ឍសេដ្ឋកិច្ច - សង្គមរបស់ប្រទេសជាតិ និងយន្តការគោលនយោបាយពិសេសដោយឡែក ចំពោះគម្រោងសំណង់សំខាន់ៗ មួយចំនួនរបស់ប្រទេសជាតិ។

រដ្ឋសភា បានបោះឆ្នោតជ្រើសរើសអនុប្រធានរដ្ឋសភា ២ រូបបន្ថែមទៀត សម្រាប់រដ្ឋសភានីតិកាលទី១៥ អនុម័តសំណើរបស់នាយករដ្ឋមន្រ្តី តែងតាំងឧបនាយករដ្ឋមន្រ្តី ២ រូបសម្រាប់អាណត្តិកាល ២០២១ - ២០២៦។ រដ្ឋសភា ក៏បានបោះឆ្នោតសមាជិកនៃគណៈកម្មាធិការអចិន្រ្តៃយ៍នៃរដ្ឋសភា ១ រូប និងប្រធានគណៈកម្មាធិការនៃរដ្ឋសភា ៦ រូប; អនុម័តសំណើរបស់នាយករដ្ឋមន្រ្តី តែងតាំងរដ្ឋមន្រ្តីចំនួន ៤ រូបសម្រាប់អាណត្តិកាល ២០២១ - ២០២៦; ទន្ទឹមនឹងនោះ បញ្ចប់មុខតំណែងរដ្ឋមន្រ្តី សមាជិកនៃគណៈកម្មាធិការអចិន្រ្តៃយ៍នៃរដ្ឋសភាមួយចំនួន ដើម្បីទទួលភារកិច្ចផ្សេង។

គូសបញ្ជាក់សម័យប្រជុំវិសាមញ្ញ លើកទី ៩ បានសម្រេចជោគជ័យល្អប្រសើរ ប្រធានរដ្ឋសភា បានសំណូមពរស្ថាប័ន អង្គភាព ភូមិភាគនានា រៀបចំការផ្សព្វផ្សាយអនុវត្តជាបន្ទាន់ ជាមួយនឹងស្មារតីម្ចាស់ការ ច្នៃប្រតិដ្ឋ ប្ដេជ្ញាចិត្ត ប្ដូរផ្ដាច់ និយាយដើរទន្ទឹមនឹងធ្វើ។ ផ្ដល់អនុសាសន៍ថា រដ្ឋាភិបាលខិតខំប្រឹងប្រែងអស់ពីសមត្ថភាព ដើម្បីកសាងផែនការឯកសារបានចែងលម្អិតអំពីខ្លឹមសារប្រគល់ជូនក្នុងច្បាប់នានានិងសេចក្ដីសម្រេចរបស់រដ្ឋសភា; ស្ថាប័ននានាប្រញឹកធ្វើការត្រួតពិនិត្យដើម្បីធ្វើវិសោធនកម្មខ្លឹមសារជាក់ស្ដែងក្នុងលិខិតបទដ្ឋានគតិយុត្ត ពាក់ព័ន្ធដល់ការរៀបចំក្បាលម៉ាស៊ីនដែលត្រូវដោះស្រាយភ្លាមៗ មានលក្ខណៈពិសេសដោយឡែក ដោយមិនអាចដោះស្រាយតាមគោលការណ៍ទូទៅ ដើម្បីប្រកាសដាក់ចេញជាធរមានទៅតាមសមត្ថកិច្ច៕

យោង៖ baodantoc.vn-ថាច់ធី

ចែករំលែកអត្ថបទ

ពាក្យគន្លឹះ