សុខភាព - អប់រំ សុខភាព

17/02/2025 - 15:38

ប្រុងប្រយ័ត្នអំពីជំងឺគ្រុនផ្ដាសាយ មានអ្នកជំងឺខ្លះបាត់មុខងារសួត ជំងឺប្រែធ្ងន់រហ័ស

នាយកដ្ឋានសុខាភិបាលបង្ការក្រសួងសុខាភិបាលបានជូនដំណឹងអំពីជំងឺគ្រុនផ្ដាសាយដែលកំពុងផ្ទុះឡើងនៅប្រទេសជប៉ុន បន្ទាប់ពីតារាសម្ដែងតៃវ៉ាន់ម្នាក់ឈ្មោះ ទឺហីវ៉ៀង បានទទួលមរណភាពនៅពេលដែលនាងទៅទេសចរណ៍ប្រទេសនេះ។

រូបជាឧទាហរណ៍។

យោងតាមវិទ្យាស្ថានជាតិជំងឺឆ្លងរបស់ជប៉ុន ចាប់ពីថ្ងៃទី ២ ខែកញ្ញា ឆ្នាំ ២០២៤ ដល់ថ្ងៃទី ២៦ ខែមករា ឆ្នាំ ២០២៥ នៅប្រទេសជប៉ុន មានអ្នកឆ្លងជំងឺគ្រុនផ្ដាសាយតាមរដូវប្រមាណ ៩,៥ ករណី; ក្នុងនោះ សប្ដាហ៍ចុងក្រោយនៃឆ្នាំ ២០២៤ បានកត់សម្គាល់ជាង ៣១៧.០០០ ករណី។

ក្រសួងសុខាភិបាលបានឱ្យដឹង នឹងបន្តតាមដានស្ថានភាពប្រែប្រួលនៃជំងឺរាតត្បាតក្នុងប្រទេសនិងលើពិភពលោក ដើម្បីចង្អុលការណែនាំដល់ភូមិភាគ អង្គភាពនានា ផ្សព្វផ្សាយនូវវិធានការសមស្របទាន់ពេលនិងផ្ដល់ព័ត៌មាន ពេញលេញ ច្បាស់ការ មិនទុកឱ្យកើតមានភាពជ្រួលច្របល់ ព្រួយបារម្ភ ប៉ុន្តែក៏មិនត្រូវមើលស្រាល បណ្ដែតបណ្ដោយ បំផុតគឺចំពោះដំណាក់កាលបច្ចុប្បន្ននេះ ដោយអាកាសធាតុអំណោយផលសម្រាប់ភ្នាក់ងារបង្កជំងឺផ្លូវដង្ហើមផ្ទុះរាលដាល។

យោងតាមការផ្ដល់អនុសាសន៍របស់នាយកដ្ឋានសុខាភិបាលបង្ការរោគសញ្ញានៃជំងឺផ្ដាសាយតាមរដូវពិបាកកត់សម្គាល់នឹងជំងឺផ្លូវដង្ហើមផ្សេងទៀត ការធ្វើរោគវិនិច្ឆ័យនិងព្យាបាលត្រូវអនុវត្តទៅតាមការណែនាំរបស់ស្ថាប័នសុខាភិបាល។

ដើម្បីម្ចាស់ការបង្ការប្រឆាំងជំងឺផ្ដាសាយតាមរដូវ ក្រសួងសុខាភិបាលផ្ដល់អនុសាសន៍៖

១. ប្រជាជនពេលមានរោគសញ្ញាក្អក គ្រុន ក្ដៅ ហៀរសំបោរ ឈឺក្បាល រសាបរសោះអស់កម្លាំង មិនគប្បីធ្វើតេស្ដនិងទិញថ្នាំពេទ្យព្យាបាលនៅផ្ទះនោះទេ គប្បីផ្ដល់ព័ត៌មានទៅមូលដ្ឋានសុខាភិបាល ដើម្បីទទួលបានការពិគ្រោះយោបល់ ពិនិត្យនិងវិនិច្ឆ័យទាន់ពេល។

២. ខ្ទប់មាត់និងច្រមុះ នៅពេលក្អកកណ្ដាស់ ដើម្បីកាត់បន្ថយការខ្ទាតទឹកមាត់ស្លេស្ម៍។

៣. ពាក់ម៉ាស់ លាងសម្អាតដៃជាមួយសាប៊ូ និងទឹកស្អាត ឬអាល់កុល (បំផុតនៅពេលក្អក កណ្ដាស់)។ មិនត្រូវខាកស្ដោះពាសវាលពាសកាល។

៤. កាត់បន្ថយការប្រស្រ័យជាមួយអ្នកកើតជំងឺផ្ដាសាយ ឬអ្នកដែលសង្ស័យថាកើតជំងឺផ្ដាសាយ។

៥. អនុវត្តផ្នត់រស់នៅស្វាហាប់ បង្កើនការធ្វើលំហាត់ប្រាណ លើកកម្ពស់សុខភាព។

រយៈពេលប៉ុន្មានថ្ងៃនេះ ចំនួនអ្នកកើតជំងឺផ្ដាសាយកើនឡើងខ្ពស់។ មន្ទីរពេទ្យជំងឺត្រូពិច មជ្ឈិម (ហាណូយ) កំពុងព្យាបាលអ្នកជំងឺ ៨ នាក់ ដែលមានអាការៈធ្ងន់ធ្ងរខ្លាំង មានករណីមួយចំនួនត្រូវដាក់ម៉ាស៊ីន ECMO ៕

ប្រភពៈ Vietnamnet.vn - ប្រែសម្រួលៈ ពេជ្រសឿន

ចែករំលែកអត្ថបទ

ពាក្យគន្លឹះ